IBRANIYIIN 8:6 - Uduk New Teatament and OT Portions

⁶ Hili me’d jin wana a’di kan mo tani aḴrisṯẖos a’di bu’thki mo jin miinu to mo, a’di jin ’boro’d ki isi ’bor jin shi/i’d mo mmobol jin dhamo/ e mo, me’d gwo jin gamu me’d mo jin doshkina a’di agalany mo mmomii mo jin bolki’da kamu/ e mo, haali/ a’di ruu’kkunu mo ki gwo kun onu is mo kun bolki tiyan dhamo/ e mo be.

IBRANIYIIN 8:6 Iomraidhean Croise

LUUKA 22:20

Dhali wakan si’da/ ’ko’di tonṯe/ mo tani a’di bu’thki’da ḵubbaaya mo mmo/o gwo mo ki: Ḵubbaaya yan ta ji gi wolo’d ka pije/ gom um mo a’di jin ta gwon this jin gamu me’d ka bas pem mo be.

RUUMIYA 9:4

Uni gun ta ’Kwani ma Israyiil mo dhali uni gun ta iya/ kun cila to mii mo dhali uni gun cila monyca mo dhali gwo jin gamu me’d mo dhali gwoŋḵan jin c̱ikunu mo dhali gwo gi luŋu mo dhali gwo jin onu is mo be.

EP̱ASUS 2:12

Kayi gwo e mo ki um ’thissa/ me’dyin um ḵwa/kunu bwa mo ’pena Ḵrisṯẖos mo, dhali um ta ku gi ’kon ka pije/ ’peni ’peŋkuman bampa/ ma Israyiil mo dhali um ta ’kwani kun moli gwo jin gamu me’d mo jin onu is mo. Um daran gi mo ma ’teŋ kap̱e/ mo dhali um daran ga Arumgimis gana/ mo e mony’cesh mo be.

ṮIMUṮH̱AWUUS ’DE/ 2:5

Haali/ Arumgimis ṯal ’de/ mo be dhali jan ’de/ di’d si’da/ jin doshki’d e bwaman ma Arumgimis mo dhali ’kwani mo, a’di jin ta wathi/ jin ta’da Ḵrisṯẖos jin ta’da Yesus mo,

TIITHUS 1:2

e mo ma ’teŋ kap̱e/ mo gom mo gi ’konu ki e ya ye ’ba/ mo, a’di jin okin ma Arumgimis gwo is ’peni kadhamo/ dhamo/ nnii mo, a’di jin diki ta aṯor ki sule/ mo be.

IBRANIYIIN 12:24

dhali eya Yesus mo, a’di jin doshki’da galany mo gom gwo jin ta jin this jin gamu me’d mo, dhali e mo jin ḵukuskunuwa bas mo jin onu gwo ki o ma aane/ mo ka bas yan bol ji ma Habiil e mo be.

IBRANIYIIN 7:22

Mii yansan a’di ki c̱iya Yesus mo mmota to jin ’tashu ’twa/ mo gom gwom ’borga/ jin gamu me’d mo jin bolo’da kamu/ e mo.

BUṮERUS SU/ 1:4

E uni mo tani a’di c̱iki ana gwom piti kun onu is mo kun ta yintho/ ki yintho/ mo dhali kun eḵa/ eḵ kagahara mo, dhali ki uni gwansan mo tani ki um mini ’taki ye mo ’peni mo jin p̱u/uwa p̱u/ mo, a’di jin di’d e mony’cesh yan mo gom mo jin dhunu e ki ’thir ’thir mo, dhali ki um mini war ki imanpwaḵ buyempa jin piyi’d ’peni Arumgimis mo.