IBRANIYIIN 8:13 - Uduk New Teatament and OT Portions

¹³ Mmo/ona a’di gwo mo gom gwo jin gamu me’d mo jin ta jin this mo tani mmoṯu/ulkina a’di mo a’di jin ta jin ṯwa/a/ mo me’d jin dhamo/ jin p̱uu’d mo be. Dhali a’di jin ta jin dhamo/ jin warki’d ki jin p̱uuki’d mo dhali wuwa mashira/ mo tani a’di hila/ midi us ki jog mo be.

IBRANIYIIN 8:13 Iomraidhean Croise

MAṮṮA 24:35

Momis dhali mony’cesh mini pe mo tani hili gwom pem mini ’koki pe mo be.

LUUKA 22:20

Dhali wakan si’da/ ’ko’di tonṯe/ mo tani a’di bu’thki’da ḵubbaaya mo mmo/o gwo mo ki: Ḵubbaaya yan ta ji gi wolo’d ka pije/ gom um mo a’di jin ta gwon this jin gamu me’d ka bas pem mo be.

KURINṮH̱UUS ’DE/ 13:8

Mo/en midi diki wu ’kup̱ mo. Me’d gwo jin onu is mo tani a’di midi pe mo. Me’d gwo jin onu ki ’twaŋ ’kwani mo tani uni mini daḵ mo. Me’d gwo gi yuḵ mo tani a’di midi pe mo.

KURINṮH̱UUS SU/ 3:6

a’di jin thumki aman mo mmota ku gi mini mii to mo gom gwon this jin gamu me’d mo, yisa e gwoŋḵan jin ’kwarkunu mo, hili e Shi/in mo be. Haali/ gwoŋḵan jin ’kwarkunu mo tani a’di ’koshki’da ’kosh mo, hili Shi/in a’di c̱iki mondiki/e mo be.

KURINṮH̱UUS SU/ 5:17

Wakan be waḵki/ wathin ’deŋ kamu/ di’d mo eya Ḵrisṯẖos mo tani a’di ta jin this jin uḵu mo. Miin dhamo/ pekin mo tani dhali hili miin this uni p̱u’dkin mo be.

IBRANIYIIN 1:11

Uni minu ’ce’d sho’k mo tani, hili /e mini di mo be. Uni mini wuwa dhan mo me’d burrinye/ jin shi/i isi ’baar mo.

IBRANIYIIN 12:24

dhali eya Yesus mo, a’di jin doshki’da galany mo gom gwo jin ta jin this jin gamu me’d mo, dhali e mo jin ḵukuskunuwa bas mo jin onu gwo ki o ma aane/ mo ka bas yan bol ji ma Habiil e mo be.

IBRANIYIIN 7:22

Mii yansan a’di ki c̱iya Yesus mo mmota to jin ’tashu ’twa/ mo gom gwom ’borga/ jin gamu me’d mo jin bolo’da kamu/ e mo.

IBRANIYIIN 8:6

Hili me’d jin wana a’di kan mo tani aḴrisṯẖos a’di bu’thki mo jin miinu to mo, a’di jin ’boro’d ki isi ’bor jin shi/i’d mo mmobol jin dhamo/ e mo, me’d gwo jin gamu me’d mo jin doshkina a’di agalany mo mmomii mo jin bolki’da kamu/ e mo, haali/ a’di ruu’kkunu mo ki gwo kun onu is mo kun bolki tiyan dhamo/ e mo be.

IBRANIYIIN 8:8

Haali/ a’di gamki mii jin ’ko uni ’ba/ mo ki a’di oki gwo mo ki: Atee mini p̱u’du/ mo. A’di ta gwo jin ona Tap̱a mo. Ki aha/ mina ṯel gwo jin gamu me’d jin ta jin this mo nyaḵki kuŋ Gu’b ma Israyiil mo dhali nyaḵki kuŋ Gu’b ma Yahuuda/ mo tani

IBRANIYIIN 9:15

Wakan a’di ta a’di jin doshki’da galany mo mmota gwon this jin gamu me’d mo. Wakan, ki uni gwansan kun yuḵkunu mo mini ’taki bu’th mal gi mo ma sule/ sule/ ya ye ’ba/ mo jin onu gwo is mo, haali/ mowuŋ kamu/ bu’thki mo mo, a’di jin wanki uni ’ba/ mo ’peni gwon dhaŋ mo e bwaŋ’kwariny gwo jin ṯwa/a/ jin gamu me’d mo.