IBRANIYIIN 8:11 - Uduk New Teatament and OT Portions

¹¹ Dhali uni yisa mini mii ṯor ’kwani gwo ka ’deṯe/ ’deṯe/ mo, uni kun ta cim buni mo, walla ris ’kwani ’baar ka ’deṯe/ ’deṯe/ mo e ikam buni mo, mmo/o gwo mo ki: Mishi Tap̱a mo ma, haali/ uni ’baar mo mini mish aha/ mo be, ’peni uni kun p̱isap̱is mo ntagi uni gun ’bap̱a’bap̱ mo be.

IBRANIYIIN 8:11 Iomraidhean Croise

YOHAAN 6:45

A’di ta gwo jin ’kwarkina imanc̱i gwo ma Arumgimis kadhamo/ mo ki: Dhali uni ’baar mo min ma Arumgimisi ṯor mo. Ki aris uni ’baar mo ka ’deṯe/ ’deṯe/ kun mini ciḵ gwo mo dhali da/ar ’pena Baba mo tani uni mini i/iiyu/ i aha/ mo be.

MII GUN MIINU MO 8:10

Dhali uni ’baar c̱i is buni ki gwom piti ’peni a’di jin gwa’da’d ntagi a’di jin ca’d mo mmo/o gwo mo ki: Wathi/ yan ta ji gi mom’bi’th ma Arumgimis jin yuḵu ki A’di jin Ca’d mo be.

YOHAAN ’DE/ 2:27

Hili moŋ’kosh jin bu’thkina um mo ’peni a’di mo tani c̱a’bki’d e um mo dhali um mini mii ’koki mii ta gi jan ’deŋ kamu/ jin midi ’taki ṯor um gwo mo, haali/ me’d moŋ’kosh piti ṯorki um gwo mo goma ris to ’baar mo dhali a’di ta gwoŋ gana/ mo dhali aṯor p̱iyi’d e a’di mo be. Me’d jin ṯora a’di um gwo mo tani wakan ’koyi e a’di mo ma.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.