IBRANIYIIN 8:10 - Uduk New Teatament and OT Portions

¹⁰ Gwo yansan a’di imiga/ gam me’d ki kuŋ Gu’b ma Israyiil mo ’ko’da tee gwansan mo. A’di ta gwo jin ona Tap̱a mo. Dhali aha/ mina kar gwoŋḵan pem jin c̱inu mo eya dum buni mo dhali ’kwar uni eya dum ba’dgam buni mo dhali aha/ mina ta Arumgimis buni mo, dhali uni mini ta ’kwanim pem mo be.

IBRANIYIIN 8:10 Iomraidhean Croise

MAṮṮA 22:32

Aha/ tana Arumgimis ma Ibrahiim mo dhali Arumgimis ma Is/hak mo dhali Arumgimis ma Yakuub mo. A’di diki ta Arumgimis gom uni gun wukin mo, hili gom uni gun ’kokin ki e mo be.

RUUMIYA 11:27

Dhali a’di yansan midi ta gwom pem jin gamu me’d nyaḵki uni mo, ki aha/ mina ḵal miinthus buni mo be.

KURINṮH̱UUS ’DE/ 6:16

’Kona um ki misha ki a’di jin gamki is piti is mo ki a’di jin miiki miinyc̱al mo tani ṯalki isa ’de/ mo uni ka yima? Haali/ me’d gwo jin ’kwarkunu mo ki: Uni su/ mini ṯal buŋgwar isa ’de/ mo be.

KURINṮH̱UUS SU/ 3:3

Dhali um ṯoru mo ki um ta gwoŋ ’kwar ’pena Ḵrisṯẖos mo a’di jin c̱ikina aman um mo. A’di yisa jin ’kwarkunu mo ka galama risha, hili ki Shi/in Dheleladhelel ma Arumgimis jin di ki e mo, yisa ap̱o/ wosha pa’dga/ mo hili adum pa’dga/ gi wathimpa en’thi/ mo be.

TIITHUS 2:14

A’di jin c̱iki is piti mo gom ana mo mmowan ana ’ba/ mo ’peni aris miinthus mo dhali mmodhelel ’kwanim pitiŋ gana/ mo gom is piti mo, uni kun shwana mii anyor ki thiṯẖ mo gom miim ’boron mo be.

IBRANIYIIN 11:16

Hili, gom a’di gi wakan mo tani uni ’kokina gwo ibwa mo gom bampa/ jin dina jaro/ ki she/ mo, a’di yansan jin ta bampan ṯal ’de/ jin ta ji gi momis mo be. Ki mii gi wakan mo tani Arumgimis dina is ki ’the mo ki a’di minu yuḵ ka Arumgimis buni mo haali/ a’di thosonki uni ’peŋkuman bampa/ mo be.

YAKUUB 1:18

’Peni bwam pitiŋ gana/ mo tani a’di ki dho’th ana mo ki gwoŋ gana/ mo ki ana mina ta maman kun ṯwa/a/ ’peni mo/uḵ piti mo be.

YAKUUB 1:21

Dhali ki mii gi wakan mo tani dhuyi aris tony nyogga/ ’pen ka pije/ mo dhali mii kun ’coḵa’coḵ kun ishin ka enthus mo dhali bu’thki mo jin dhunu is ki gwa’d mo gwo jin sinu mo a’di jin mishki’da ḵashiram bum woṯẖ mo.

BUṮERUS ’DE/ 1:23

Um dho’thkunu mo doḵ/e ki dho’th this mo, yisa ’peni emen to jin midi p̱u/ mowa, hili ’peni emen to jin midi mol p̱u/ mo, e a’di jin ta gwo ma Arumgimis jin di’d ki e mo dhali jin midi di ki sule/ mo.

BUṮERUS ’DE/ 2:9

Hili um ta emen kun kwanykunu mo dhali imanmii mii ma gasiis jin waki ji ma maliḵ mo, dhali um ta kal gi ’kwani kun ḵogu mo, dhali um ta ’kwani ma Arumgimis ki is pitiŋ gana/ mo, ki um mini bah eya tente/ mo miim ’borgam piti mo, a’di jin yuḵki um mo ’peni bwam mondhurumi’d mo e moŋkush piti jin ta momer mo.