IBRANIYIIN 8:1 - Uduk New Teatament and OT Portions

¹ Dhali shushan gwo yan jin ’kona ana mmo/o mo tani ta gwo jin wa cikise/ mo be. Ana tana ka gasiis jin ca’d gi wakan mo, a’di jin ta jan ṯal ’de/ jin c̱a’bki’d ki me’da bim poros ma ḵursi ma maliḵ mo jin ta ji gi a’di jin Eḵa/ Eḵ e momis mo,

IBRANIYIIN 8:1 Iomraidhean Croise

GWAY GI IDAWUU’D 104:1

’Bori Tap̱a mii mo, ayy ḵashiram pem mo, ayy Tap̱a Arumgimis pem, /e a’di icaaca kagahara mo. /E hi’thkunu ki montaḵ mo dhali mo/eḵ mo,

GWAY GI IDAWUU’D 110:1

Tap̱a ki o tap̱am pem gwo mo ki: C̱a’bi /e aha/ ki me’da bim poros pem mo ma ntagi aha/ mina dhu uni gun ta ’kup̱ ki /e mmota cwa jin mina /e dhu sho’k mo.

GWAY GI IDAWUU’D 145:12

mmoṯor eya tente/ e iya/ gi ’kwani mo miin to ma dem dem pini mo, dhali monyca jin mii’d ki ra/ ra/ jin ta ji gi bampam pini mo.

GWAY GI IDAWUU’D 21:5

Monycam piti caaca gom mowoṯẖ pini mo, dhali mo ma ra/ ra/ mo dhali mo/eḵ mo tani karkina /e ap̱o/ a’di mo be.

MARKUS 16:19

Dhali yan’ko’d wakan Tap̱a Yesus ’ko’di a’di ṯorki gwo e uni mo tani a’di bu’thkunu mo bway momis mo dhali di’d mo mmoc̱a’b ka bim poros ma Arumgimis mo.

EP̱ASUS 6:20

Haali/ aha/ tana amanya eya jindhiir mo gom a’di mo jin miga/ ’taki bah a’di eya tente/ ki dar gi monyju/ mo me’d jin miga/ ḵa ’taki ṯor gwo mo ba/.

KULUSSI 3:1

Waḵki/ um ’deku mo nyaḵka Ḵrisṯẖos mo tani simmi mii e mo gom to gun ta ku gi momis mo, e mo jin din ma Ḵrisṯẖos mo, e mo jin c̱a’bkina a’di ka bim poros ma Arumgimis mo be.

IBRANIYIIN 1:13

Hili eya man’doyu gwo jana sa/ i/ona a’di gwo mo me’d ’de/ mo ki: C̱a’bi /e aha/ ki me’da bim poros pem mo ntagi aha/ mina dhu ’kup̱ pini mmota cwam pini jin mina /e idhu sho’k mo?

IBRANIYIIN 1:3

A’di dhelki monyca ma Arumgimis mo mo dhali ḵal isi jamas jin takina a’di buyempam pitiŋ gana/ mo, mmojeṯkina a’di aris to kun uḵu mo ki gwo gi mom’bi’th piti mo be. Ki a’di diki’d mmodhelela dhelel mo gom miinthus mo tani a’di c̱a’bki’d ki me’da bim poros gi a’di jin Eḵa/ Eḵ e momis mo,

IBRANIYIIN 10:12

Hili ka Ḵrisṯẖos a’di jin c̱iki is piti mo mmota to jin ’ciṯẖu/ ’kus mo tani me’d ’deŋ gana/ gom ki sule/ mo gom miinthus gi ’kwani mo tani a’di c̱a’bki’d ki me’da bim poros ma Arumgimis mo be.

IBRANIYIIN 12:2

mmohil ’kup̱ ka Yesus mo a’di jin ta’da ’kaŋ’kup̱ mo dhali a’di jin midi thim moŋgam gwo is bana mo, ma a’di gom moŋ’kuny bwa jin diki’da bori a’di mo tani a’di ’dimki ’kup̱ mo gom cwany’ciṯẖan dhul mo mmoruḵkina a’di mo jin ’thenu is mo dhali a’di c̱a’bki’d ki me’da bim poros ma ḵursi ma Arumgimis mo be.

IBRANIYIIN 2:17

Wakan a’di ḵa ba/ iṯuju mmowa e ki iwaḵ piti mo eya ris ’twaŋkal kuku/ mo, wakan ki a’di midi ’taki war ka gasiis jin ca’d mo jin ta’da manmiimii mo dhali jin ta isiŋ gana/ mo, e mo jin miinu to goma Arumgimis mo, mmomii mii jin ta ji ma the/m me’d gom miinthus gi ’kwani mo be.

IBRANIYIIN 3:1

Wakan iwaḵ kun ḵogu mo, um gun pwaḵkunu to gi momis mo ka yuḵ jin yuḵu mo, mmoḵwo’c jasi eya Yesus mo, a’di jin karkunu ki she/ mo dhali ta’da gasiis jin ca’d mo gom gwom bana jin pikina ana mo.

IBRANIYIIN 4:14

Me’d jin takina ana ka dhana gasiis jin caaca mo, a’di jin peki’d ki tur mo eya ris momis mo, a’di jin ta’da Yesus mo, jin ta Ya/ ma Arumgimis mo tani, dhalki ana budha a’di ki ri’d mo mmoṯel sho’k mo e gwom bana jin pina ana mo be.

GWO JIN ’CEENU MO 3:21

A’di jin midi p̱i mii e mo tani aha/ mina c̱i a’di ’ban mo jin mina a’di c̱a’b nyaḵki aha/ ka ḵursi ma maliḵ pem mo, me’d aha/ ki is pem mo mmop̱ikika/ mii e mo dhali aha/ c̱a’bkina nyaḵka Babam pem eya ḵursim piti mo be.