IBRANIYIIN 7:3 - Uduk New Teatament and OT Portions

³ A’di di’d ki dar gi com mo, walla kum si’da/ mo, walla dar gi gwo jin beledhu gom emen piti mo, dhali a’di si’da/ dara’d gi mo ’pena tee ga muŋ’kup̱ mo walla ’pemen gi mondiki/em piti mo, hili a’di wana e ki Ya/ ma Arumgimis mo mmoṯikirkina a’di di mo mmota agasiis ki sule/ sule/ mo be.

IBRANIYIIN 7:3 Iomraidhean Croise

Mmo/ii ka Pije/ mo 6:18

Dhali gway gi iya/ ma Kahaat aniihe/ mo: Amraam dhala Yishaar dhala Hibruun dhala Usi/iil mo. Dhali yil jin dikin ma Kahaat ki e mo ’koni 133 mo be.

MAṮṮA 4:3

Dhali amanpal a’di p̱u’dki’d mo dhali o a’di gwo mo ki: Waḵki/ /e ta Ya/ ma Arumgimis mo tani ḵani wosh gwansan gwo mo ma mmowar ki tonṯe/ mo.

IBRANIYIIN 4:14

Me’d jin takina ana ka dhana gasiis jin caaca mo, a’di jin peki’d ki tur mo eya ris momis mo, a’di jin ta’da Yesus mo, jin ta Ya/ ma Arumgimis mo tani, dhalki ana budha a’di ki ri’d mo mmoṯel sho’k mo e gwom bana jin pina ana mo be.

IBRANIYIIN 7:1

Haala Malkisaadag yan jin ta’da maliḵ gi Pan Saliim mo dhali a’di si’da/ ta’da gasiis gi a’di jin Cayaa/ e ki Ca mo jin ta’da Arumgimis mo tani a’di gamki’da Ibrahiim ’kup̱ mo mmodoḵkina a’di ka nyaŋ’ko’d mo ’peni mo jin ’koshkina a’di imaliḵ mo dhali ’bor a’di mii mo be.

IBRANIYIIN 7:17

Haali/ gwo onu mo gom a’di mo ki: /E tana gasiis ki sule/ sule/ mo, mmothuḵ mii ma Malkisaadag i’ko’d mo be.

IBRANIYIIN 7:2

Dhali e a’di mo tani a/Ibrahiim ki ḵwa/ a’di to bwa mo jin ’dap̱ki’da ’dap̱ ’twa/ ka ’kume’d mo ’peni aris to ’baar mo. A’di ta a’di jin ṯwa/a/ mo ki mo jin luḵu gway piti mo jin ta’da maliḵ jin ta’da ḵar/e mo dhali a’di si’da/ ta’da maliḵ gi Pan Saliim mo, a’di jin onu ki, amaliḵ gi mo ma ḵu’th is mo be.

IBRANIYIIN 7:6

Hili wathi/ yansan jin dara’d gi gwo jin beledhu ’peni emen buni mo tani bu’thki to jin ’dap̱ ’twa/ ka ’kume’d ’pena Ibrahiim mo dhali ’bor a’di mii mo, a’di jin ta gi gwo jin onu is mo be.