IBRANIYIIN 7:25 - Uduk New Teatament and OT Portions

²⁵ Gom ’kup̱ gwo yan mo tani a’di mishki mii mo isa yempa/ mo mmota uni gwansan is ki me’d mo, uni kun ’dishkina Arumgimis is mo ki a’di mo, haali/ a’di isa yempa/ diki’d mo mmota amanwoṯẖ gwo is gom uni mo be.

IBRANIYIIN 7:25 Iomraidhean Croise

YOHAAN 14:13

Ma to yin jin mina umi doṯ ki gway pem mo tani aha/ mina mii a’di mo, ka Baba minu kar ca eya tente/ e Ya/ mo be.

YOHAAN 14:16

Dhali aha/ mina doṯa Baba mo dhali a’di midi c̱i uma Manmalasa kamu/ mmodi e um ki sule/ sule/ mo be,

YOHAAN 14:6

Yesus ki thoḵ a’di gwo mo ki: Aha/ tana bway dhali gwoŋ gana/ dhali mondiki/e mo. Wathin ṯal ’deŋ kamu/ midi diki yayu/ eya Baba, hili jasi e aha/ mo be.

RUUMIYA 5:10

Haali/ waḵki/ ana gwamkunu ka Arumgimis mo mmota isa ’de/ mo ki mowu gi Ya/m piti mo tani ki ana ’kokina mo mmota ’kup̱ gom a’di mo tani bakata ’te/ beseene/ ana gwamkunu mo mmota isa ’de/ mo shwane/ tani ana minu ta is ki me’d ki mondiki/em piti mo be.

RUUMIYA 5:2

Dhali e a’di si’da/ ana takina ki bway mo eya ’the yansan mo jin doshkina ana nycine/ mo be. Dhali ana ’kunya bwa mo e mo ma ’teŋ kap̱em bana gi monyca ma Arumgimis jin pwaḵkunu ana bwa mo be.

RUUMIYA 8:34

Kaja a’di jin midi waḵa waḵ mo? A’di ta’da Yesus Ḵrisṯẖos ’taa? jin wuki’d mo. Nye, a’di ’teyi jin ’de’kkunu ’peni mowu mo, a’di jin di’d ka bim poros ma Arumgimis mo, a’di ka jiŋ gana/ jin woṯẖ gwo is gom ana mo.

KURINṮH̱UUS ’DE/ 1:21

Haali/ me’d jin tana yuḵ ji ma Arumgimis mo tani ’kwaniny’cesh ’koki nyiṯẖa Arumgimis ki yuḵ yan ’te/ mo tani a’di ’borki’da Arumgimis bwa mo mmota uni gwansan is ki me’d mo kun gamki gwo is mo eya p̱ali/ gi gwo jin c̱ikina ana uni mo be.

EP̱ASUS 2:18

Haali/ e a’di mo tani aman dhali um takina gi bway mo e Shi/ina ’de/ mo eya Baba mo be.

EP̱ASUS 3:12

E a’di mo tani ana dara gi monyju/ mo dhali wu a’di jwa i is mo gom bway yan e moŋgam gwo is bana e a’di mo be.

EP̱ASUS 3:20

Dhali e a’di mo, a’di jin ta gi mom’bi’th mo mmo/um mo e bwam ana mo, a’di jin mishki to mii mo ki nyanye/ mmobola ris to ’baar mo e kun doṯkina ana mo walla kun ṯoshkina ana mo,

P̱ILIBBI 3:21

a’di jin midi aḵ buŋgwara ha’th’ko’d bana yan e mo mmowa e ki buŋgwar is piti mo e monyca mo ki mom’bi’th jin ’bitha a’di e mo mmomisha ris to dhu ’baar mo mmobaṯẖ a’di i’ko’d me’d is pitiŋ gana/ mo be.

ṮIMUṮH̱AWUUS ’DE/ 2:5

Haali/ Arumgimis ṯal ’de/ mo be dhali jan ’de/ di’d si’da/ jin doshki’d e bwaman ma Arumgimis mo dhali ’kwani mo, a’di jin ta wathi/ jin ta’da Ḵrisṯẖos jin ta’da Yesus mo,

ṮIMUṮH̱AWUUS SU/ 1:12

Dhali wakan aha/ ’koshkina is ka nyor mo me’d jin ’kosha is aha/ ka nyor mo. Hili aha/ dina is ki ’the mo haali/ aha/ misha a’di jin gamka/ gwo is mo dhali aha/ misha ki isa duŋ gana/ ki a’di mishi ji ki ’bore/ ntaga Tee c̱aan mo a’di jin c̱ikika/ a’di mmodhu mo be.

IBRANIYIIN 11:6

Ki dar gi moŋgam gwo is mo tani a’di molu mii mo mmo’bora Arumgimis bwa i is mo be. Haali/ a’diyin jin midi ’taki ’disha Arumgimis is mo tani midi mii gam gwo is ki a’di diki’d mo, dhali ki a’di midi c̱i uni gwansan to kun ish ḵumma/ mo kun ŋap̱i a’di mo be.

IBRANIYIIN 13:15

E a’di mo tani dhalki ana si’da/ ṯikira ’ko mo mmoc̱i mo jin miinuwa basa ’cesh mo mmomaŋa Arumgimis mo, a’di jin ta gwo mo kun mini pi ’peni ’twam bana kun ta maman mo ’peni mo jin nyiṯẖu/ gway piti mo be.

IBRANIYIIN 2:18

Haali/ gom a’di ki is piti mo tani, a’di ’koshkina is ka nyor mo dhali a’di palkunu mo, a’di misha a’di uni gwansan woṯẖ mo kun palkunu mo be.

IBRANIYIIN 2:9

Hili ana p̱arkina Yesus e mo, a’di jin diki’d ki ari mo mo mmokarkunu a’di ki gwa’d mo ki iman’doyu gwo mo tani a’di shumkunu mo ki monyca mo dhali montaḵ mo gom isa nyor jin wukina a’di mo. Wakan ka ’the ma Arumgimis mo tani a’di midi ’taki nyoḵ wu mo goma ris ’kwani ’baar mo be.

IBRANIYIIN 5:7

Dhali ka tee jin bu’thkina a’di buŋgwar is gi ’kwani ki is piti mo tani, aYesus c̱iki mo ma ’tho jin ’thonu mo dhali di’ba di’b is mo ki ’twa/ jin caaca ki moŋko mo dhali ki jabu’th mo, e a’di jin mishi a’di is ta ki me’d mo ’peni mowu mo, dhali a’di ciḵkunu ko mo gom mii ma gayiin piti jin ḵogu mo.

IBRANIYIIN 7:16

a’di jin warki’d ka gasiis mo, yisa ki isi gwo jin ’theḵkina gwoŋḵana ’theḵ mo isi gwo gom buŋgwar is mo ’peni emen kun tanu mo, hili ki mom’bi’th gi mondiki/e jin molu dhi’th sho’k mo.

IBRANIYIIN 7:19

(Haali/ gwoŋḵan jin c̱inu mo tani yisa piyi miiŋ kamu/ jin ’boro’d ki ’bor gana/ ’kup̱ ka pije/ yisa.) Dhali ki me’da kamu/ doḵ/e mo tani mo ma ’teŋ kap̱em ’borga/ mo tani a’di waru/ is mo, a’di jin ’dishkina ana Arumgimis is ki a’di mo be.

IBRANIYIIN 7:24

Hili a’di bu’thki mii, mii jin tana a’di agasiis mo mmoṯel ki sule/ mo, haali/ a’di ṯikirki di mo ki sule/ sule/ ya ye ’ba/ mo be.

IBRANIYIIN 7:8

Mmahan mo tani to kun ’dap̱ ’twa/ ka ’kume’d mo bu’thkunu mo ki ’kwani kun mishi wu mo. Mmun mo tani ki jan ṯal ’de/ mo jin ṯeskunu gwo mo ki a’di di’d ki e mo be.

IBRANIYIIN 9:24

Haala Ḵrisṯẖos a’di cic̱ki’d mo, yisa e mo jin ḵogu mo jin uḵu ki me’d gi ’kwani mo, a’di jin ta’da yinyjwa gi a’din ’deŋ gana/ mo, hili e momis ki is pitiŋ gana/ mo tani, hili a’di piki’d mo ibuŋ’kus ma Arumgimis mo gom gway bana mo be.

YAHUUSA 1:24

Dhali e a’di jin mish um dhu mo ’peni monṯag mo tani dhali mmoc̱i um ki dar gi mii kun nyo/on mo ibwambori buŋ’kus monycam piti ki moŋ’kuny bwa mo tani