IBRANIYIIN 7:2 - Uduk New Teatament and OT Portions

² Dhali e a’di mo tani a/Ibrahiim ki ḵwa/ a’di to bwa mo jin ’dap̱ki’da ’dap̱ ’twa/ ka ’kume’d mo ’peni aris to ’baar mo. A’di ta a’di jin ṯwa/a/ mo ki mo jin luḵu gway piti mo jin ta’da maliḵ jin ta’da ḵar/e mo dhali a’di si’da/ ta’da maliḵ gi Pan Saliim mo, a’di jin onu ki, amaliḵ gi mo ma ḵu’th is mo be.

IBRANIYIIN 7:2 Iomraidhean Croise

ṮAKWIIN 28:22

Dhali wosh yan jin thumkika/ ki mis me’da tiŋkiliŋ mo tani a’di imidi ta gu’b ma Arumgimis mo dhali aris to ’baar mo kun mina /e c̱i aha/ mo tani aha/ mina bu’th jan ’de/ mo ’pena ’kume’d mo gom /e mo be.

GWAY GI IDAWUU’D 72:7

Eya teem piti jin dina a’di ki e mo tani dhalki mo ma ḵar/e ’twaḵa’d mo, dhali moŋḵu’th is mmo/ish mo ntaga ppe midi diki di doḵ/e mo.

MAṮṮA 1:23

Hili nyaraŋ gana/ midi bwaa mo dhali dho’th ya/ mo, dhali gway piti minu yuḵ ka Imanu/iil mo (’pemen piti jin o’d ka Arumgimis di’d e ana mo).

LUUKA 2:14

Monyca ma Arumgimis isi momis mo, dhali moŋḵu’th is e mony’cesh e bwaŋ ’kwani gun ’bora a’di bwa i is mo.

RUUMIYA 3:26

A’di miikunu mo mmoṯor e buŋ’kus shwane/ ki a’di ki is piti ta jaŋ ḵar/e mo dhali ki a’di karki a’di ki mo ma ḵar/e mo a’di jin gami gwo is eya Yesus mo be.

IBRANIYIIN 7:1

Haala Malkisaadag yan jin ta’da maliḵ gi Pan Saliim mo dhali a’di si’da/ ta’da gasiis gi a’di jin Cayaa/ e ki Ca mo jin ta’da Arumgimis mo tani a’di gamki’da Ibrahiim ’kup̱ mo mmodoḵkina a’di ka nyaŋ’ko’d mo ’peni mo jin ’koshkina a’di imaliḵ mo dhali ’bor a’di mii mo be.

IBRANIYIIN 7:3

A’di di’d ki dar gi com mo, walla kum si’da/ mo, walla dar gi gwo jin beledhu gom emen piti mo, dhali a’di si’da/ dara’d gi mo ’pena tee ga muŋ’kup̱ mo walla ’pemen gi mondiki/em piti mo, hili a’di wana e ki Ya/ ma Arumgimis mo mmoṯikirkina a’di di mo mmota agasiis ki sule/ sule/ mo be.