IBRANIYIIN 7:18 - Uduk New Teatament and OT Portions

¹⁸ Dhali ki me’da kamu/ mo tani gwoŋḵana dhamo/ jin ’kwarkunu mo a’di p̱uunu/ mo haali/ a’di ’ka’dkina is ki ’ka’d mo dhali a’di ta dholgwon mo be.

IBRANIYIIN 7:18 Iomraidhean Croise

MII GUN MIINU MO 13:39

Dhali ’pena ris to ’baar mo ’peni kun mola gwoŋḵan ma Musa jin c̱inu mo um dhu ki mo ma ḵar/e mo tani e a’di mo tani aris uni ’baar mo ki ’beles kun gam gwo is mo tani uni dhunu ki mo ma ḵar/e mo be.

RUUMIYA 3:31

A/ki ana mina p̱uu gwoŋḵan jin c̱inu mo jin gamu is yansan mowa? Dhalku/ ki ṯosh kan. Nye, gwo jin baṯẖ a’di is mo tani ana ṯela gwoŋḵan jin c̱inu sho’k mo be.

RUUMIYA 8:3

Haali/ Arumgimis ’baarki a’di jin mola gwoŋḵan jin c̱inu mii mo haali/ a’di ’ka’da’d mo e buŋgwar is mo mmohashkina a’di Ya/m pitiŋ gana/ mo e jamas gi buŋgwar is gi miinthus jin shi/ashi/ mo dhali gom miinthus si’da/ tani a’di waḵki miinthus e buŋgwar is mo be.

GALATHIYYA 3:15

Aha/ mina c̱i um mii gi wathi/ en’thi/ gom she/mm mii mo, iwaḵ mo. Wathiŋ kamu/ yisa di’da jin midi p̱uu gwo gom mal gi wathi/ mo walla mar gwom piti is mo ’ko’di a’di ṯekunu shoka ’cesh mo.

GALATHIYYA 3:17

A’di ta ’pemen gwo jin oka/ mo. Ki gwoŋḵan jin c̱inu mo jin p̱u’dki’d ki yil kun ’koni iss ’kwanimpa i/iss ’de/ i’ce’dki iss ’de/ i’ce’dka ’kume’da p̱o/ mo ŋ’ko’d mo tani a’di diki kar gwo mmop̱uu mo, gwo jin gamu me’d mo ’thissa/, a’di jin ṯen ma Arumgimis shoka ’cesh mo. Wakan ki gwo jin onu is mo minu kar ki jim p̱uu mo be.

GALATHIYYA 3:21

A/dhali gwoŋḵan jin c̱inu mo a’di di’da p̱o/ gwo jin on ma Arumgimis is mowa? Dhalku/ ki ṯosh kan mo. Haali/ waḵki/ gwoŋḵan jin c̱inu mo minu ’taki c̱i mo mmokar mo jin ’konu ki e mo tani yan’ko’d mo ma ḵar/e midi ’taki di mo ka jiŋ ganayi ki gwoŋḵan jin c̱inu mo be.

GALATHIYYA 4:21

Ṯori aha/ gwo mo ma, um gun ona bwa mmo’ko mo e bwaŋ’kwariny gwoŋḵan jin c̱inu mo. A/’kona um ki ciḵ gwoŋḵan jin c̱inu mowa?

GALATHIYYA 4:9

Hili shwane/ mmop̱u’dkina um mo mmomisha Arumgimis mo tani, walla ki mii jin dhalu e i is mo ki um mishu ka Arumgimis mo tani um mini mish doḵ ka nyaŋ’ko’d kata mo e gwo ma bwa nyara/ gom gwoŋḵan gi mony’cesh gwansan kun ’ka’da is ki ’ka’d mo dhali kun hatha’ko’d ki ha’th kan mo? Um ona bwa mmota c̱iŋkinam buni mo doḵ/eya?

ṮIMUṮH̱AWUUS ’DE/ 4:8

haali/ me’d jin hana a’di ari me’d mo mmonyoŋ buŋgwar is mo ’te/ mo tani mii ma gayiin a’di ha me’d mo eya ris ’twaŋkal kuku/ mo haali/ a’di gam mii adu is mo gom mondiki/e jin di’d shwane/ mo dhali si’da/ gom mondiki/e jin midi p̱u’du/ yilaŋ kamu/ mo be.

IBRANIYIIN 13:9

Dhalku/ ki ta uni kun minu susi per mo ki gwo kun ṯoru kun ’kona e ki she/ ki she/ mo dhali kun molu mo naskina/. Haali/ a’di ’boro’d mo ka du minu ’bi’th is ka ’the mo, yisa ki tonṯe/ mo, a’di jin midi diki ha me’d mo gom uni gun shwaki uni mo.

IBRANIYIIN 7:19

(Haali/ gwoŋḵan jin c̱inu mo tani yisa piyi miiŋ kamu/ jin ’boro’d ki ’bor gana/ ’kup̱ ka pije/ yisa.) Dhali ki me’da kamu/ doḵ/e mo tani mo ma ’teŋ kap̱em ’borga/ mo tani a’di waru/ is mo, a’di jin ’dishkina ana Arumgimis is ki a’di mo be.