IBRANIYIIN 7:1 - Uduk New Teatament and OT Portions

¹ Haala Malkisaadag yan jin ta’da maliḵ gi Pan Saliim mo dhali a’di si’da/ ta’da gasiis gi a’di jin Cayaa/ e ki Ca mo jin ta’da Arumgimis mo tani a’di gamki’da Ibrahiim ’kup̱ mo mmodoḵkina a’di ka nyaŋ’ko’d mo ’peni mo jin ’koshkina a’di imaliḵ mo dhali ’bor a’di mii mo be.

IBRANIYIIN 7:1 Iomraidhean Croise

GWAY GI IDAWUU’D 57:2

Aha/ gwokina ’twa/ Arumgimis jin Caa e ki Ca mo, eya Arumgimis jin thimki ’kup̱ miim ’boro’d piti gom aha/ mo.

GWAY GI IDAWUU’D 76:2

Monyc̱a’b piti a’di ṯelkunu sho’k mo e Pan Saliim mo, mo jin c̱a’ba a’di mo tani a’di di’d eya Sihyuun mo.

GWAY GI IDAWUU’D 78:35

Uni kaki gwo e ka Arumgimis a’di ta wosh buni mo, a’di jin ta’da Arumgimis buni jin Caa e ki Ca jin wanki’da wan ’ba/ mo.

GWAY GI IDAWUU’D 78:56

Naskina/ uni ’kon mmopal a’di mo dhali pish is ka le’da p̱o/ a’di jin Caa e ki Ca jin ta’da Arumgimis mo, dhali ’koki dhu gwonyc̱im piti mo,

MARKUS 5:7

dhali a’di cuu gwo ki dhan ’twa/ jin caaca mo mmo/o gwo mo ki: Ki /e mini miiya tinta ki aha/, Yesus, /e jin ta Ya/ gi a’di jin Cayaa/ e ki Ca jin ta’da Arumgimis mo? Aha/ ḵana /e gwo mo ka Arumgimis mo ki: Dhalku/ ki ’kosh aha/ is ka nyor mo.

MII GUN MIINU MO 16:17

A’di yan mmobaṯẖkina a’diya Buulus mo dhali aman si’da/ mo tani a’di cuuki gwo kagahara mo mmo/o gwo mo ki: ’Kwani gwansan ta c̱iŋkina/ ma Arumgimis jin Cayaa/ e ki Ca mo kun c̱i um gwo gom bway ki mowoṯẖ mo.

IBRANIYIIN 6:20

mo c̱aan jin yakin ma Yesus nṯwa/a/ mo gom gway bana mo mmotakina a’di agasiis jin ca’d mo ki sule/ sule/ mo mmothuḵ mii ma Malkisaadag mo be.

IBRANIYIIN 7:2

Dhali e a’di mo tani a/Ibrahiim ki ḵwa/ a’di to bwa mo jin ’dap̱ki’da ’dap̱ ’twa/ ka ’kume’d mo ’peni aris to ’baar mo. A’di ta a’di jin ṯwa/a/ mo ki mo jin luḵu gway piti mo jin ta’da maliḵ jin ta’da ḵar/e mo dhali a’di si’da/ ta’da maliḵ gi Pan Saliim mo, a’di jin onu ki, amaliḵ gi mo ma ḵu’th is mo be.

IBRANIYIIN 7:3

A’di di’d ki dar gi com mo, walla kum si’da/ mo, walla dar gi gwo jin beledhu gom emen piti mo, dhali a’di si’da/ dara’d gi mo ’pena tee ga muŋ’kup̱ mo walla ’pemen gi mondiki/em piti mo, hili a’di wana e ki Ya/ ma Arumgimis mo mmoṯikirkina a’di di mo mmota agasiis ki sule/ sule/ mo be.

IBRANIYIIN 7:6

Hili wathi/ yansan jin dara’d gi gwo jin beledhu ’peni emen buni mo tani bu’thki to jin ’dap̱ ’twa/ ka ’kume’d ’pena Ibrahiim mo dhali ’bor a’di mii mo, a’di jin ta gi gwo jin onu is mo be.