IBRANIYIIN 6:9 - Uduk New Teatament and OT Portions

⁹ Hili um gun enu mo, aman lalkunu sho’k ki gwo mo eya dum bam mo gom um mo, mmomisha aman tom ’borga/ ’peni um mo kun ta kum bway gi mowoṯẖ mo, ba gwo gi wakan mo tani a’di i/okina aman gwo mo be.

IBRANIYIIN 6:9 Iomraidhean Croise

MARKUS 16:16

I/a’di jin midi gam gwo is mo dhali minu mii ki yi’de/ mo tani a’di iminu iwoṯẖ mo be. Hili a’di jin diki gam gwo is mo tani a’di minu waḵ mo be.

MII GUN MIINU MO 11:18

Dhali ki uni ciḵ to gwansani ’baar mo tani uni bu’th moŋḵu’th is mo dhali kara Arumgimis ki ca mo mmo/o gwo mo ki: Hili ’kwani kun ’koki ta ’Kwani Yahuuda/ si’da/ c̱in ma Arumgimisa du mo mmori’c is mo ntagi moŋ’koki/e mo be.

MII GUN MIINU MO 20:21

mmoṯor gwo e uni kun ta ’Kwani Yahuuda/ mo dhali uni kun ta ’Kwaniŋ Griḵi si’da/ mo ki mo jin rijuwa du is ’kup̱ ka Arumgimis mo dhali moŋgam gwo is e Tap̱a Yesus Ḵrisṯẖos bana mo be.

KURINṮH̱UUS ’DE/ 10:14

Wakan mo um pem gun enka/ mo ship̱iṯi/a ŋwac̱a/ mo ’peni mo jin luŋu tomp̱inycon mo.

KURINṮH̱UUS SU/ 12:19

A/um ’kon mmoṯosh isa yempa/ ki aman ’ce’dkina gwo she/ mo gom buŋgwar is bam mo ibwambori um mowa? A’di ibwambori jis/e ma Arumgimis mo ba/ ki aman ṯorkina gwo goma Ḵrisṯẖos mo dhali a’di ’baar mo gom mmonyaŋ bum kun minu nyaŋ um is mo, um gun enu mo be.

KURINṮH̱UUS SU/ 7:1

Me’d jin takina ana gi gwo gwansan gun onu is mo tani um gun enu mo tani dhalki ana dhelela is bana mo ’pena ris mii gun nyo/i buŋgwar isi ’baar mo dhali shi/in mo mmosus mo jin ḵogu ki jaro/ jaro/ mo e moŋḵo/ goma Arumgimis mo.

KURINṮH̱UUS SU/ 7:10

Haali/ monyjwakaṯ ’peni Arumgimis mo a’di ki wagas mo jin rijuwa du is mo jin shu’di tagi bway mo jin tanuwa ta is ki me’d jin diki sus e mo jin ’donu is mo, hili monyjwakaṯ jin ta ji gi ’kwaniny’cesh mo tani a’di wagaski mowu mo be.

GALATHIYYA 5:6

Haali/ eya Ḵrisṯẖos jin ta’da Yesus mo walla e mo ma munyjal yis jin ’ciṯẖu/ mo walla e mo ma munyjal yis jin ’konuki ’ciṯẖ mo tani a’di midi mii toŋ kamuwa? Hili moŋgam gwo is mmomiina a’di to mo ki mii gi mo/en mo be.

IBRANIYIIN 10:34

Haali/ um ḵo’cki e gom ’kwani habuus mo dhali um bu’thki mo jin dilkunu um to mo kun tana um mo ki bwaŋ ’kunyga/ mo me’d jin misha um ki um ki is bum tan gi tom bum kun ’boron ki ’bor gana/ mo dhali kun mini ’ko ki sule/ mo.

IBRANIYIIN 10:39

Hili ana ’konaki ta uni gwansan kun mini ’dowa ’kany’cesh ka nyaŋ’ko’d mo dhali kun ’ce’du sho’k mo, hili ana tana uni gwansan kun ta gi moŋgam gwo is mo dhali mmodhuwa ḵashiram bana mo be.

IBRANIYIIN 2:3

i/ana mina ye kata mo, waḵki/ ana p̱inykina is mo gom dhan gumbway mowoṯẖ yan mo? A’di baḵkunu iṯwa/a/ mo ki Tap̱a mo, dhali a’di ṯelkunu sho’k mo e ana mo ki uni gwansan kun ciḵki a’di mo be,

IBRANIYIIN 5:9

Dhali mmo’borkunu a’di ki ’bor gana/ mo tani a’di warki’d ki ’kusan gi bway gi mowoṯẖ ki sule/ sule/ mo e uni ’baar mo kun haki a’di gwo e mo be,

IBRANIYIIN 6:10

Haali/ Arumgimis diki mola ḵar/e ta mo wakan mmoshampar miin tom bum ki e mo dhali mo/en jin ṯorkina um gom gway piti mo e miin to gun miikina um mo gom uni kun dhunu ki she/ ki dhelel dhelel mo, me’d mii gun ’kokina um mmomii a’di shwanesan mo.

BUṮERUS ’DE/ 2:11

Um gun enu mo, aha/ yuḵa um mo me’d ’kwani kun ’kon ka pije/ mo ’peni bampaŋ kamu/ mo dhali me’d uni kun ’kon e bwaman ’kwanin tiya mo, mmoga/ mii kun dhunu e ki ’thir ’thir mo gi shuman is mo jin ta to jin aski’da asa p̱owa ḵashiram bum mo.

BUṮERUS SU/ 3:1

Gwo yansan shwane/ a’di ta gwo jin ’kon ma p̱o/i su/ mo jin ’kwarkika/ um mo, um gun enu mo, dhali e uni su/ kan mo tani aha/ yiḵinkina uma du is mo e bwam bum kun dar ki washila/ mo e bway yan mo mmoka um gwo e mo,

YOHAAN ’DE/ 2:7

Um gun enu mo, aha/ dinaki ’kwar um gwoŋḵan jin ’kwarkunu mo jin ta jin this mo hili gwoŋḵana dhamo/ jin ’kwarkunu mo a’di jin takina um ’peni ka muŋ’kup̱ mo, gwoŋḵana dhamo/ jin ’kwarkunu mo jin ta gwo jin ciḵkina um mo be.

YAHUUSA 1:3

Um gun enka/ mo tani dhali mmo/oka/ bwa kagahara mo mmo’kwarki um gwo mo gom mowoṯẖ bana jin nyaḵki’d mo tani aha/ gamkina a’di jin ta jin minu mii mii ta mo mmo’kwar mo mmoyip̱ ’kup̱ ’kup̱ki um mo mmosu’k ki gwo mo gom moŋgam gwo is mo, a’di jin c̱inu mo me’d ’de/ ki sule/ mo gom uni kun dhunu ki she/ ki dhelel dhelel mo.