IBRANIYIIN 6:5 - Uduk New Teatament and OT Portions

⁵ dhali uni kun nyoḵki mo jin ’kunya gwo ma Arumgimis mo dhali aris mom’bi’th kun mini p̱u’du/ ki she/ yil mo,

IBRANIYIIN 6:5 Iomraidhean Croise

GWAY GI IDAWUU’D 34:8

Ayy nyoḵi ma dhali p̱ar e ki Tap̱a ’boro’d mo. Mom’bor bwa gom wathi/ jin bu’thki mo jin huru jwa e a’di mo.

MAṮṮA 12:32

Dhali a’diyin jin midi o gwo ap̱o/ Ya/ gi ’Kwani mo tani a’di minu dhal miinthus piti ’pen mo, hili a’diyin jin o gwo sor ap̱o/ Shi/in Dheleladhelel mo tani a’di minu ’koki dhal miinthus piti ’pen mo hili ki she/ yil yan mo walla ki yil jin midi p̱u’du/ mo be.

MARKUS 6:20

Haala Hirodus a’di ḵo/ki’da Yohaan mo mmomishkina a’di a’di ki a’di ta wathiŋ ḵar/e mo dhali wathi/ jin ḵogu mo dhali kar a’di ki ’dantar mo. Ki a’di ciḵki gwo ’peni a’di mo tani a’di duŋkurkina ’kup̱ is kagahara mo dhali a’di di’d mmociḵ gwo ’peni a’di ki bwaŋ ’kunyga/ mo be.

LUUKA 8:13

Dhali unin tiya kun biṯkin mo e mowosh mo tani uni ita uni gwansan, ki uni ciḵki gwo mo tani bu’th a’di ki bwaŋ ’kunyu’d mo hila/. Hili uni gwansan idar ga birman mo. Uni gam gwo is mo ari’ceenne/ mo dhali ki mo p̱u’dki’d jin paluwa pal mo tani uni ṯa’kkin mo be.

EP̱ASUS 6:17

Dhali budhi toŋ’kup̱ ki bway mowoṯẖ mo dhali gandala turga/ gi Shi/in mo, a’di jin ta gwo ma Arumgimis mo be.

IBRANIYIIN 11:3

Ki moŋgam gwo is mo tani ana mishkina gwo ’ban mo ki mony’cesh uḵkunu ki gwo ma Arumgimis mo, wakan ki a’di jin p̱arkunu e mo tani uḵkunu ki to kun ’koki piyu/ is ka pije/ mo be.

IBRANIYIIN 2:5

Haali/ Arumgimis diki kar gwo gi moshirr mo ap̱o/ iman’doyu gwo mo gom to gun ta kun this kun minu mii e mony’cesh yan mo, a’di jin ’kokina ana mo mmo/o mo.

IBRANIYIIN 4:12

Haali/ gwo ma Arumgimis ta gwo jin di ki e mo dhali umi is mo dhali kaaka ki ŋarŋar mo mmobol gandala turga/ jin ka’d ka ’ban su/ e ki ka mo mmosuka su’k mo mmoḵwa/a ḵashira/ bwa mo dhali shi/in mo, dhali gwocor mo dhali noro’d mo, dhali mmonyiṯẖ gwo kun kulumu ibwa mo dhali ayiseŋ gwo gi ’twa/ ma du mo.

BUṮERUS ’DE/ 1:25

hili gwo gi Tap̱a mo tani a’di c̱a’bki’d ki sule/ sule/ ya ye ’ba/ mo be. Gwo yansan a’di ta gwom ’boro’d mo, a’di jin c̱ikunu um mo be.

BUṮERUS ’DE/ 2:3

Haali/ um nyoḵki bwaŋkush gi Tap̱a mo be.

BUṮERUS SU/ 2:20

Haali/ waḵki/ ’ko’di uni yekin mo ’peni mo jin shi/u buŋgwar is mo ’peni mony’cesh mo ki monyiṯẖ Tap̱am bana mo dhali Amanwoṯẖ jin ta’da Yesus Ḵrisṯẖos mo tani uni doḵ/e koṯẖkunu mo e uni mo dhali p̱inu e mo tani moŋ’kom buni jin ta jiŋ ’ko’d mo tani warki’d ki shi/ kagahara mo gom uni mo mmobol jin ṯwa/a/ e mo be.