IBRANIYIIN 6:4 - Uduk New Teatament and OT Portions

⁴ Haali/ a’di molu mii mo mmotash mii e mo doḵ/e gom mo jin rijuwa du is mo gom uni gwansan kun takin gi e ma du kun ’twaḵki mo ki ’twaḵ jin shi/i’d ’thissa/ mo, uni gun nyoḵki to gi momis jin c̱inu ki me’d mo dhali war ki uni gun pwaḵkunu Shi/in Dheleladhelel mo be,

IBRANIYIIN 6:4 Iomraidhean Croise

MAṮṮA 12:45

Dhali yan’ko’d a’di ki ya mo dhali susa rum thus kun ’koni pesu/ nyaḵki a’di mo kun ta thus ki thus mo mmobol a’di e ki is piti mo dhali uni cic̱kin mo dhali nyaḵki ’ko mo. Dhali monyc̱a’b gi wathi/ jin ta jiŋ ’ko’d mo tani a’di warki’d ki shi/ mo mmobol jin ṯwa/a/ e mo be. Wakan si’da/ a’di mina e waki ’kwani ma nyaḵum yil gwansan kun ta thus ki thus mo be.

MAṮṮA 5:13

Um tana ’doŋkoro/ gom mony’cesh mo. Hili waḵka ’doŋkoro/ midi this montaŋkar piti e mo tani a’di midi mish ’bala’th kata mo? A’di diki ha me’d mo doḵ/e gom toŋ kamu/ mo, hili isi ciki/ a’di minu biṯa sho mo dhali minu yap̱ ki sho’k gi ’kwani mo be.

YOHAAN 15:6

Waḵki/ wathi/ diki c̱a’b e aha/ mo tani a’di biṯu ka pije/ me’da biny cwa mo dhali a’di ki ḵu’th mo dhala binycwa tulkunu is mo mmoṯa’k i o’d mo, dhali o’d ki shwa mo be.

YOHAAN 3:27

Yohaan ki thoḵ uni gwo mo ki: Wathin ṯal ’deŋ kamu/ yisa di’da jin midi bu’th toŋ kamu/ mo hili isi ciki/ a’di c̱ikunu a’di ’peni momis mo be.

YOHAAN 4:10

Dhala Yesus ki thoḵa yim gwo mo ki: Waḵki/ /e mini nyiṯẖ to jin c̱in ma Arumgimis ki me’d mo dhali gom gwo gi a’di yansan jin o /e gwo mo ki: C̱iyi aha/ yi’de/ aha/ p̱ina mo tani /e mini ’taki doṯ a’di mo dhali a’di midi ’taki c̱i /e yi’de/ jin di ki e mo be.

YOHAAN 6:32

Dhali yan’ko’d Yesus ki o uni gwo mo ki: Ka jiŋ gana/, ka jiŋ gana/ aha/ ṯora um gwo mo ki: AMusa, yisa a’di ic̱iki um maa yan ’peni momis yisa. Ababam pem a’di c̱iki um maaŋ gana/ yan ’peni momis mo be.

MII GUN MIINU MO 10:45

Dhali uni kun ’ciṯẖu/ amunyjal yis kun gam gwo is mo tani merkin kagahara mo, uni ’baar mo kun iina Buṯerus haali/ to jin c̱inu ki me’d jin ta Shi/in Dheleladhelel mo gac̱ki’da p̱o/ ’kwani kun ’koki ta ’Kwani Yahuuda/ si’da/ mo.

MII GUN MIINU MO 11:17

Waḵki/ Arumgimis ki c̱i uni to jin c̱inu ki me’d kansan mo tani me’d jin miina a’di si’da/ gom ana ki ana gamkina Tap̱a Yesus jin ta’da Ḵrisṯẖos gwo is mo tani aha/ tana aja sa/ jin miga/ mish roc̱a Arumgimis mo?

MII GUN MIINU MO 15:8

Dhala Arumgimis jin mishki’da du mo tani a’di ṯorki gwonṯor gom uni mmoc̱i uni Shi/in Dheleladhelel mo me’d jin c̱ikina a’di ana mo.

MII GUN MIINU MO 8:20

Hila Buṯerus ki thoḵ a’di gwo mo ki: Aguurush pini dhalki a’di nyaḵ sho’k ’ce’d ki /e mo haali/ /e ṯoshki gam to jin c̱in ma Arumgimis ki me’d ka guurush ’te/ mo.

RUUMIYA 1:11

Haali/ aha/ ’kosha ṯe/ um kagahara mo ki aha/ mina ’taki c̱i um to gi shi/in mo, mmominu ’taki ’bi’th um is mo.

KURINṮH̱UUS SU/ 4:4

E ’kup̱ miim buni yan mo tani arum gi mony’cesh yan jin luŋa uni mo tani dha’bki uni adum buni e mo uni gun daran gi gwo jin gamu is mo, mmonon uni ’peni mmop̱ar moŋkush gi gwom ’borga/ e mo jin ta monyca ma Ḵrisṯẖos mo, a’di jin nyaḵki’da nyaḵ ka Arumgimis mo be.

KURINṮH̱UUS SU/ 4:6

Haali/ a’di ta’da Arumgimis jin o gwo mo ki: Dhalki moŋkush a’di ’twaḵki mondhurumi’d bwa mo, a’di jin kushki mo mo eya dum bana mo mmoc̱i moŋkush gi moyuḵ gi monyca ma Arumgimis e jis/e ma Ḵrisṯẖos mo be.

GALATHIYYA 3:2

Dhalki aha/ doṯa um jasi gwo gom gway yansan mo. A/ki um bu’thki Shi/in ki mii gi gwoŋḵan jin c̱inu mowa? Walla ki gwo jin ciḵkina um ki moŋgam gwo is mo?

GALATHIYYA 3:5

Dhali a’di si’da/ jin thip̱ki’da thip̱ ki Shi/in e um mo dhali mii miimer e bwam um mo tani a/a’di ki mii a’di ki gwoŋḵan jin c̱inu mo walla ki gwo jin ciḵu ki moŋgam gwo is mo?

EP̱ASUS 1:18

mmotana um gi e ma du kun ’twaḵki mo ki ’twaḵ jin shi/i’d mo, ki um mini mish mo ma ’teŋ kap̱e/ yan mo jin yuḵkina a’di um icine/ mo dhali mom piti jin tana a’di pa ki pa mo gi mal gi monycam piti e uni kun dhunu ki she/ ki dhelel dhelel mo,

EP̱ASUS 2:8

Haali/ ka ’the mo tani um woṯẖkunu mo ki moŋgam gwo is mo be. Dhali yansan ta mii jin miina um ki is bum mo yisa. A’di ta to jin c̱in ma Arumgimis ki me’d mo be.

EP̱ASUS 3:7

Gom gwom ’borga/ yan mo tani aha/ karu ka manmii to mo isi ki to jin c̱in ma Arumgimis ki me’d ka ’the mo, a’di jin c̱ikunu aha/ mo ki mo/um ki mom’bi’th piti mo be.

EP̱ASUS 4:7

Hili a’the c̱ikunu ana ka ’deṯe/ ’deṯe/ mo isi ki mombar to jin c̱in ma Ḵrisṯẖos ki me’d mo.

ṮIMUṮH̱AWUUS ’DE/ 4:14

Dhalku/ ki ta p̱iny is mo gom to jin c̱inu ki me’d mo jin tana /e mo, a’di jin c̱ikunu /e mo ki gwo jin onu is mo jin bahu mo me’d jin dhukina jwahaŋ ’kwani me’d buni ap̱o/ /e mo be.

ṮIMUṮH̱AWUUS SU/ 2:25

mmoḵucur unim piti gwahan ki gwo mo kun cesh a’di mo ki thiṯẖ mo, ki mii jin ’thup̱u e ki ’thup̱ mo. Arumgimis wari midi ’taki c̱i uni mo jin rijuwa du is mo dhali p̱u’du/ mo mmomish gwoŋ gana/ mo,

ṮIMUṮH̱AWUUS SU/ 4:14

Iskandar jin ta’da mantor to mo tani a’di miiki aha/ dhan to jin shi/ashi/ mo, dhali Tap̱a midi raḵ a’di to ibway mo gom miim piti jin miina a’di mo.

IBRANIYIIN 10:32

Hili yuḵa teen dhamo/ gwansan mo ki ’ko’di um ’kokina e ma du kun ’twaḵki mo mo tani um ’dim ’kup̱ mo e mii jin ’batha’ba’th jin jwakaṯki’d ki mo/isa nyor mo

IBRANIYIIN 2:4

ka Arumgimis di’d si’da/ mmoḵal gwo o ki jamas mii mo kun miikina a’di mo dhali aris momer mo dhali aris miimer kun ’kona e ki she/ ki she/ mo dhali ki to kun c̱inu ki me’d ki Shi/in Dheleladhelel mo, kun pwaḵkunu bwa mo isi ki bwam pitiŋ gana/ mo be.

YOHAAN ’DE/ 5:16

Waḵki/ wathin ’deŋ kamu/ p̱arki’da kam piti e mo mmomii miinthus jin diki ta ji gi wunu mo tani a’di midi doṯa/ doṯ mo dhali Arumgimis midi c̱i a’di mondiki/e mo gom uni gwansan kun ta gi miinthus kun ’koki ta ku gi wunu mo. Miinthus ’kon kun gamu mo kun wunu mo. Aha/ dinaki o ki jaŋ kamu/ midi ’tho mo gom gwo yansan mo.