IBRANIYIIN 6:3 - Uduk New Teatament and OT Portions

³ Dhali mii yansan a’di imina ana imii mo waḵki/ Arumgimis midi dhal ana bway mo be.

IBRANIYIIN 6:3 Iomraidhean Croise

MII GUN MIINU MO 18:21

Hili mmobu’thkina a’di moyam piti ’peni uni mo dhali mmo/o uni gwo mo ki: Aha/ mina doḵu/ mo i um doḵ/e mo waḵki/ Arumgimis midi ’taki o bwa mo. Dhali a’di ’cuḵki’da ḵur yi’de/ jin bela ’tham ’peni Pan Ep̱asus mo be.

RUUMIYA 15:32

Wakan ki bwa ma Arumgimis mo tani aha/ mina yaku/ i um ki bwaŋ ’kunyga/ mo dhali aha/ minu wac̱ mo e bampam bum mo be.

KURINṮH̱UUS ’DE/ 16:7

Haali/ aha/ ona bwa mmop̱ar um e shwane/ mo, yisa jasi e yampe yisa. Aha/ tana gi mo ma ’teŋ kap̱e/ mo mmo’baar yila tiya mo nyaḵki um mo waḵki/ Tap̱a midi dhal aha/ bway mo be.

KURINṮH̱UUS ’DE/ 4:19

Hili aha/ mina yaku/ i um ki ’dishe/ mo waḵki/ a’di ta bwa gi Tap̱a mo dhali aha/ mina nyiṯẖ mom’bi’th gi ’kwani gwansan kun dhu ’ba/ ki ca mo, yisa gom gwom buni ’te/.

IBRANIYIIN 6:4

Haali/ a’di molu mii mo mmotash mii e mo doḵ/e gom mo jin rijuwa du is mo gom uni gwansan kun takin gi e ma du kun ’twaḵki mo ki ’twaḵ jin shi/i’d ’thissa/ mo, uni gun nyoḵki to gi momis jin c̱inu ki me’d mo dhali war ki uni gun pwaḵkunu Shi/in Dheleladhelel mo be,

YAKUUB 4:15

Gom kan ḵa ba/ gun o gwo mo ki: Waḵki/ Tap̱a ona bwa mo tani ana mina ’ko ki e mo dhali ana ki mii to yansan mo walla to c̱aan mo.