IBRANIYIIN 6:2 - Uduk New Teatament and OT Portions

² ki gwo jin yedhu sho’k mo gom gwo gi mo jin lamuwa lam is mo ki miin dhamo/ mo, dhali mo jin ’thikunu mii ’ko’di me’d mo, dhali mompi ’peni mowu mo, dhali mo jin toru gwon dwall ’twa/a ’cesh ki sule/ mo.

IBRANIYIIN 6:2 Iomraidhean Croise

MAṮṮA 28:19

Wakan iiku/ mo ma, dhali waraa ris kal gi ’kwaniny’cesh ki imanciḵ aha/ gwo mo. Miiki uni ki yi’de/ ki gway ma Ababa mo dhali ki gway gi Ya/ mo dhali ki gway gi Shi/in Dheleladhelel mo be.

MAṮṮA 3:14

Yohaan a’di ur a’di gwo mo mmo/o gwo mo ki: Aha/ mina mii ta gi mo gi miinuwa mii ki yi’de/ ki /e mo dhali /e p̱u’dkini aha/ kan mo ’taa?

MARKUS 16:16

I/a’di jin midi gam gwo is mo dhali minu mii ki yi’de/ mo tani a’di iminu iwoṯẖ mo be. Hili a’di jin diki gam gwo is mo tani a’di minu waḵ mo be.

MARKUS 7:4

Dhali ki uni p̱u’dkin ’peni mo ma suug mo tani uni si’da/ ’koki shwa to mo hili isi ciki/ uni mini mii nyoŋ is buni mo dhali miin tiya ka ris si’da/ miikina uni mo gom miin dhamo/ kun ṯorkunu uni mo mmomii mii mo mmolama ḵubbaaya mo dhala nos mo dhali toŋ’kul bwa kun ta gurany kush mo.)

MARKUS 7:8

Um dhalki gwoŋḵan ma Arumgimis mo dhali bu’th gwoŋ ’kwanin dhamo/ ki nyeŋ ka bor mo.

LUUKA 11:38

Dhali Wathim P̱arisi merki’d kagahara mo mmop̱ar a’di e mo mmodina a’di ki ’thur me’d ki yi’de/ nṯwa/a/ ki tonṯe/ gi montee mo.

LUUKA 12:50

Aha/ tana gi mo jin minu mii ki yi’de/ mo mmomii nycine/ mo dhali aha/ miina is ki ’kasa/ ’kasa/ mo ntagi a’di minu thim mo be.

LUUKA 14:14

dhali /e minu ’bor mii mo haali/ uni mini mol /e to raḵi bway mo be. Hili /e minu raḵ to ibway mo ki mompinu ki uni kun ta kuŋ ḵar/e mo be.

LUUKA 3:16

Yohaan thoḵki uni ’baar mo gwo mo ki: Aha/ miikina um ki yi’de/ mo tani hili a’di jin ca’d ki aha/ ki caŋ gana/ mo midi yayu/ mo be. Dhali wac̱kana p̱p̱am piti mo tani aha/ dinaki ha me’d mo mmo’cuḵ uni mo. A’di midi mii um ki Shi/in Dheleladhelel mo dhali ki o’d mo be.

YOHAAN 1:33

Aha/ ki is pem dinaki mish a’di mo. Hili a’di jin hashki aha/ mo mmomiiya mii jin miinu ki yi’de/ mo tani a’di o aha/ gwo mo ki: A’di jin mina /e p̱ar Shi/in e mmothulu/ mo dhali c̱a’ba p̱o/ a’di mo tani a’di ta a’di yansan jin mii’da mii jin miinu ki Shi/in Dheleladhelel mo be.

YOHAAN 5:29

dhali uni mini piyu/ ka pije/ mo uni gwansan kun miiki miim ’boron mo e mo jin pinu e moŋ’koki/e mo dhali uni gwansan kun miiki tonthus mo tani uni mini piyu/ e momiiwaḵ mo be.

MII GUN MIINU MO 10:47

Mina wathiŋ kamu/ mish non yi’de/ ki uni minu ’taki ’koki mii ki yi’deya, uni kun bu’th Shi/in Dheleladhelel me’d ana mo ’taa?

MII GUN MIINU MO 13:3

Dhali ki uni ga/ to mo dhali ’tho mo dhali dhu me’d buni ap̱o/ uni mo tani uni ki hash uni mo mmo/ii mo be.

MII GUN MIINU MO 16:15

Dhali a’di miikunu ki yi’de/ mo dhali ki kuŋ gu’b piti ilu/ mo tani a’di yuḵki am mo mmo/o gwo mo ki: Waḵki/ um nyiṯẖkin ki aha/ tana a’di jin ta isiŋ gana/ gom Tap̱a mo tani iiyu/ i gu’b pem mo ma dhali ’ko ise/ mo. Dhali a’di ṯu’cki am mo be.

MII GUN MIINU MO 16:33

Dhali a’di bu’thki uni ki mo yansan jin ta mon’thiny mo dhali up̱ki uni mondorum buni mo dhali ise/ a’di miikunu ki yi’de/ mo, a’di dhala ris unim piti ’baar mo be.

MII GUN MIINU MO 17:18

Dhali ’kwaniŋ gaŋgashan tiya si’da/ ’peni ’Kwani ma Apikuur mo dhali ’Kwani Ruwaak gam ’kup̱ ki a’di mo. Dhali kun tiya o gwo mo ki: Aman’ta’b mo ki ’twa/ yan mo midi ’taki o katinta sa/ ise/? Kun tiya o gwo mo ki: A’di wana e ka manṯor gwo goma rum kun molu mo haali/ a’di c̱iki gwo ma Yesus mo dhali gwo gom mompinu mo be.

MII GUN MIINU MO 2:38

Dhala Buṯerus ki o uni gwo mo ki: Rici adu is mo ma dhali miiyi ki yi’de/ ki gway ma Yesus Ḵrisṯẖos mo, aris umi ’baar mo ki ’beles gom miinthus bum minu gwam um mo. Dhali um mini buṯẖ Shi/in Dheleladhelel jin ta a’di jin c̱inu ki me’d mo.

MII GUN MIINU MO 2:41

Yan’ko’d uni si’da/ kun bu’th gwom piti mo, uni miikunu ki yi’de/ mo dhali uni maru is ka cim yin mo ’kwani ka ris wari wana e ka alaap̱i kwara mo.

MII GUN MIINU MO 23:6

Hili ka Buulus nyiṯẖki’d ki ’bana ’de/ ta ji gi ’Kwani Sadukiyiin mo dhali ’bana kamu/ ta ji gi ’Kwani P̱arisiyiin mo tani a’di cuuki’d mo e montul is yan mo ki: Iwaḵ pema aha/ tana Wathim P̱arisi mo jin ta ya/ gi ’Kwani P̱arisiyiin mo be dhali gom mo jin tanu ga ’teŋ kap̱e/ mo dhali gom mompinu ’peni mowu mo tani aha/ yuḵkunu mo gom gwondoṯ yan mo.

MII GUN MIINU MO 24:15

mmota ga ’teŋ kape/ eya Arumgimis mo dhali gwohe si’da/ ki is buni hili ’kup̱ ki yan mo, ki mompinu jin midi di mo gom uni kun mii jasi miiŋḵar/e mo dhali uni si’da/ kun ’koki mii miiŋḵar/e mo be.

MII GUN MIINU MO 24:21

walla isi kan mo gom ’twan ṯal ’de/ yan jin cuuka/ mo mmodoshi bwaman uni mo ki: Gwo gom mompinu ’peni mowu mo tani aha/ yuḵkunu mo gom gwondoṯ ibwambori /e ka tee yan mo.

MII GUN MIINU MO 24:25

Dhali me’dyin ṯorkina a’diya ṯor ka rem ’kup̱ gom mo ma ḵar/e mo dhali mo jin ’timuwa du mo dhali gom gwo miiwaḵ jin midi yayu/ yilaŋ kamu/ mo tani P̱iliks ḵo/ki is mo dhali thoḵki gwo mo ki: Yayi ibway pini shwanetan mo ma dhali ki aha/ mina ta gi embul jin ’boro’d mo tani aha/ mina yuḵ /e i aha/ mo.

MII GUN MIINU MO 26:8

Ata ṯosha /e ki a’di ta gwo jin molu gam is mo waḵka Arumgimis midi ’taki ’de’k jin wu’d mo?

MII GUN MIINU MO 4:2

mmo’kon ma du uni ki mur mo haali/ uni ṯor ’kwani gwo mo dhali uni o gwo eya tente/ si’da/ ki mompinu ’peni mowu di’d eya Yesus mo.

MII GUN MIINU MO 6:6

Uni gwahan idhuna uni ibwambori imandhunu ki she/ dhali ki uni ’thokin mo tani uni dhuki me’d buni ap̱o/ uni mo be.

RUUMIYA 2:16

ka tee gwansan ka Arumgimis midi dwall ’kwani gwo kun kuma uni e bwa mo isi ki gwom ’borgam pem ka Ḵrisṯẖos jin ta’da Yesus mo be.

KURINṮH̱UUS ’DE/ 10:2

Dhali uni ’baar mo ’kokunu mo mmocuc̱ mo ki mii ma Musa mo eya raḵ mo dhali ki ḵumma/ yi’de/ mo be.

KURINṮH̱UUS ’DE/ 12:13

Haali/ ki Shi/ina ’de/ mo tani ana ’baar mo ’kokunu mo mmocuc̱ mo ki yi’de/ mo e buŋgwar isa ’de/ mo – ku Yahuuda/ dhali kuŋ Griḵi mo, walla uni gun ta c̱iŋkina/ kun yolu mo walla kun ’kon ki ’kus mo – aris uni ’baar mo ’kokunu mo mmodhu mo mmonyaḵ p̱i ’peni Shi/ina ’de/ mo be.

KURINṮH̱UUS SU/ 5:10

Haali/ ana ’baar mo mina mii pi mo e bwambor ma ḵursi ma Ḵrisṯẖos gi gwon dwall mo, wakan ki ’kwani ka ’deṯe/ ’deṯe/ mo mini ’taki bu’th to kun ’boron mo walla kun shiyin mo be isi me’d mii kun miikina uni ki buŋgwar is mo be.

P̱ILIBBI 3:21

a’di jin midi aḵ buŋgwara ha’th’ko’d bana yan e mo mmowa e ki buŋgwar is piti mo e monyca mo ki mom’bi’th jin ’bitha a’di e mo mmomisha ris to dhu ’baar mo mmobaṯẖ a’di i’ko’d me’d is pitiŋ gana/ mo be.

KULUSSI 2:12

Dhali um ’kokunu mo mmokan mo nyaḵki a’di mo e mo jin cuc̱uwa cuc̱ mo dhali e mii jin ’kokunu mmocu um mis mo si’da/ nyaḵki a’di e moŋgam gwo is mo e mo/um ma Arumgimis mo, a’di jin ’de’kki a’di mo ’peni mowu mo be.

ṮIMUṮH̱AWUUS SU/ 2:18

uni kun wanykin mo ’peni gwoŋ gana/ mo mmobu’th gwo ki wup̱ mo mmo/o ki mompinu a’di peki’d mo hila/. Uni ki kum moŋgam gwo is gi ’kwanin tiya ’twa/a ’cesh mo.

IBRANIYIIN 11:35

Up̱ bu’thki kum buni kun wukin mo ki mompi jin piyunu/ mo. Kun tiya ’koshkunu is ka nyor ka ’cem ’cem mo, mmo/ush mo bu’th mo, mo jin ’cuḵuwa ’cuḵ mo, ki uni mini ’taki piyu mo doḵ/e e mondiki/e jin dina jaro/ ki she/ mo.

IBRANIYIIN 9:10

hili uni ki us mii is mo jasi gom tonṯe/ mo dhali gom tomp̱i mo dhali aris miin tiya kun lamu is ki she/ ki she/ mo gom gwon dhamo/ mo, uni kun ta mii gun ḵankunu mo gom buŋgwar is mo, mmo’dap̱ uni ’twa/a ’cesh mo ntagi mo jin min ma tee irica ri’c is mo.

BUṮERUS SU/ 3:7

Hili ki gwon ’de/ mo tani aris momis dhali mony’cesh kun ’kokin mo shwane/ mo tani uni dhunu mo mmo/ish ḵumma/ mo gom mo/o’d mo, mmo’kokunu mmodhu uni mo ntaga tee jin minu tor gwon dwall ’twa/a ’cesh mo dhali ’ce’d ’kwani sho’k mo uni gun ushuna ush mo be.