IBRANIYIIN 6:16 - Uduk New Teatament and OT Portions

¹⁶ ’Kwani ka jiŋ gana/ thulki gwo me’da p̱o/ ki a’di jin caaca mmobol uni e ki is buniŋ gana/ mo, dhali eya ris gwom buni kun suka uni mo tani gwo jin thulu me’da p̱o/ mo a’di ta gwo jiŋ ’ko’d jin toruwa bora ’cesh mo.

IBRANIYIIN 6:16 Iomraidhean Croise

ṮAKWIIN 14:22

Hili Abraam oki’da maliḵ gi Pan Saduum gwo mo ki: Aha/ thulkina gwo me’da p̱o/ gom Tap̱a Arumgimis jin Cayaa/ e ki Ca mo, a’di jin uḵki momis dhali mony’cesh mo,

ṮAKWIIN 21:23

Dhali gom gwo gi wakan mo tani thuli /e me’da p̱o/ mmahan ki gway ma Arumgimis mo gom aha/ mo ki /e mini diki mii to shiyi’da p̱o/ aha/ mo walla ap̱o/ ya/m pem mo walla ap̱o/ iya/m pem kun mini dho’th iya/ i’ko’d mo, hili gom mii kun miiga/ ki bwaŋkush gom /e mo tani /e si’da/ mini mii a’di gom aha/ mo be, dhali e mony’cesh a’di jin mina /e ya ki yaŋ’kus mo.

ṮAKWIIN 21:24

Dhala Ibrahiim oki gwo mo ki: Aha/ mina thul gwo me’da p̱o/ mo be.

ṮAKWIIN 31:53

Arumgimis ma Ibrahiim dhali Arumgimis ma Nahur a’di jin ta’da Arumgimis ga babam buni mo dhalki a’di dwall gwo i bwaman ana mo. Wakana Yakuub thulki gwo me’da p̱o/ mo ki moŋḵo/ is ma babam piti ka Is/hak mo.

GALATHIYYA 3:15

Aha/ mina c̱i um mii gi wathi/ en’thi/ gom she/mm mii mo, iwaḵ mo. Wathiŋ kamu/ yisa di’da jin midi p̱uu gwo gom mal gi wathi/ mo walla mar gwom piti is mo ’ko’di a’di ṯekunu shoka ’cesh mo.

IBRANIYIIN 6:13

Haali/ ka Arumgimis oki gwo is goma Ibrahiim mo me’d jin dara a’di gi jin ṯal ’deŋ kamu/ jin eḵa/ eḵ ki a’di jin thulkina a’di gwo me’da p̱o/ mo tani a’di ki is piti a’di ki thul a’di gwo me’da p̱o/ ki is pitiŋ gana/ mo