IBRANIYIIN 5:9 - Uduk New Teatament and OT Portions

⁹ Dhali mmo’borkunu a’di ki ’bor gana/ mo tani a’di warki’d ki ’kusan gi bway gi mowoṯẖ ki sule/ sule/ mo e uni ’baar mo kun haki a’di gwo e mo be,

IBRANIYIIN 5:9 Iomraidhean Croise

GWAY GI IDAWUU’D 45:17

Aha/ mina kar gway pini ki a’di midi ’ciṯẖa cim bwa mo jin minu taḵ a’di mo eya risa nyaḵum yil gi ’kwani mo. Wakan ’kwani ’baar mo mini maŋ /e mo gom ki sule/ mo dhali ki sule/ mo.

GWAY GI IDAWUU’D 51:6

Hili mo mo ma /e ona bwa ki gwoŋ gana/ e isi bwaman ma dum ’per mo. Dhali gom gwo gi wakan mo tani ṯori aha/ gwo gom moyuḵ mo eya dum pem ki kup̱ mo.

GWAY GI IDAWUU’D 51:8

’Tu’di aha/ ki bwam ’borga/ mo dhali ki bwaŋ ’kunyga/ mo. Dhalka sima/ jin ’ce’da /e mo ’kunya bwa mo si’da/.

MAṮṮA 17:5

Ki a’di di’d mmo/o gwo mo tani hili araḵ jin kushu mo mo ’kamki uni is mo dhali ’twa/ ’pena raḵ yan mo tani o gwo mo ki: Yansan ta Ya/m pem jin enka/ mo, a’di jin ’borka/ bwa i is mo. Ciḵi a’di gwo mo ma.

LUUKA 13:32

Dhali a’di ki o uni gwo mo ki: Iiku/ um mo ma dhali ṯora maḵ c̱aan gwo mo ki: Hili mo mo ma. Aha/ urkina ruma ’cesh ka pije/ mo dhali mii mowac̱ shwane/ mo dhali ka’thamo/ si’da/ mo, dhali ka cim kwara mo tani aha/ mina ’baar bway pem mmothim a’di mo be.

YOHAAN 19:30

Ka Yesus bu’thki yiman tom’pac̱a’d mo tani a’di ki o gwo mo ki: A’di ’baarki’d mo, dhali a’di ki luŋ ’kup̱ piti mo dhali c̱i shi/in piti mo be.

MII GUN MIINU MO 3:15

Dhali Amanṯel mondiki/e ’pen ’koshkina um jwa mo jin ’de’kkin ma Arumgimis ’peni mowu mo tani ana ’baar mo tana iman/o gwo gom a’di mo.

MII GUN MIINU MO 4:12

Dhali mowoṯẖ yisa di’da e wathiŋ kamu/ yisa haali/ gwaya kamu/ yisa di’da i’bame’d momis jin c̱inu ibwaŋ ’kwaniny’cesh ki ana minu mii woṯẖ mo e a’di mo be.

MII GUN MIINU MO 5:32

Dhali am tana iman/o gwo gom to gwansan am ki Shi/in Dheleladhelel si’da/ jin c̱in ma Arumgimis gom uni kun ha gwom piti e mo mmomii mo be.

RUUMIYA 1:5

Dhali ki a’di mo tani am bu’thkina ’the mo dhali am takina imandhunu ki she/ mo imonṯal ’de/ mo e mmoha gwom piti e mo ki moŋgam gwo is mo em bwaman kal gi ’kwani e mony’ceshi ’baar mo gom gway piti mo be.

RUUMIYA 10:16

Hili uni ’baar ’koki c̱i is ki gwom ’borga/ yan mo. Haali/ a/Ishaya o gwo mo ki: Tapa gamkin maja gwo is jin ciḵa a’di ’peni aman mo?

RUUMIYA 15:18

Haali/ aha/ dinaki mii ka gugundhi/ mo mmoc̱i gwo gom toŋ kamu/ ’de/ hili isi ciki/ a’di jin wagaskin ma Ḵrisṯẖos ki aha/ mo mmodhu ’kwani ’peni ’kwani kun ’koki ta ’Kwani Yahuuda/ mmoha gwo e mo ki gwo mo dhali ki mii mo be.

RUUMIYA 2:8

Hili anyor midi di mo dhali mo jin ḵa/aḵa/ si’da/ mo gom uni gwansan kun ta ibiriŋ gwo mo dhali kun ush gwoŋ gana/ ha e mo mmomii mo hili uni ha gwon ton thus e mo mmomii mo be.

RUUMIYA 6:17

Hili ’bora’bor ka Arumgimis mo haali/ um gun ’thissa/ ta c̱iŋkina/ gi miinthus mo tani shwane/ um warkin ki imanha gwo e ’pena duŋ gana/ gom gwoŋ ḵar/e yan jin c̱inu um mmomii mo.

KURINṮH̱UUS SU/ 10:5

Ana ’ce’dkina gwo jin garu ’kusi ’twa/ sho’k mo dhala ris mo jin dhunu is ki ca mo mmo’tasha ’tash ’twa/ mo gom mo jin minu nyiṯẖa Arumgimis mo dhali budha ris gwo kun kulumkina ana i bwa mo mmodhu mo mmoha gwo ma Ḵrisṯẖos e mo be.

P̱ILIBBI 2:12

Dhali wakan, um pem gun enka/ mo, me’d jin hana um gwo e isa yempa/ mo tani wakan shwane/, yisa jasi mmodika/ um e buŋ’kus mo hili ki nyanye/ mmop̱ika/ mo, miiyi mowoṯẖ bum gana/ mo ki moŋko/ is mo dhali ki mondee mo.

TASALUNIIKI SU/ 1:8

mmorica ri’c ap̱o/ uni gwansan kun ’koki misha Arumgimis mo dhali ap̱o/ uni gwansan kun ’koki ha gwom ’borga/ gi Tap̱a Yesus bana e mo mmomii mo.

TASALUNIIKI SU/ 2:16

Dhali shwane/ dhalki Tap̱a Yesus Ḵrisṯẖos bana ki is piti mo dhali Arumgimis jin ta’da Babam bana mo, a’di jin enki ana mo dhali c̱i ana momalas jin midi di ki sule/ sule/ ya ye ’ba/ mo dhali mo ma ’teŋ kap̱eŋ gana/ ka ’the mo,

ṮIMUṮH̱AWUUS SU/ 2:10

Wakan aha/ ’dimkina ’kup̱ mo eya ris to ’baar mo gom gway gi uni kun kwanykunu mo, ki uni si’da/ mini ’taki bu’th bway mowoṯẖ yan jin diki’d eya Ḵrisṯẖos jin ta’da Yesus mo jin midi nyaḵ ya ki monyca ki sule/ sule/ ya ye ’ba/ mo.

IBRANIYIIN 1:14

’Kona ris uni ki ta shi/in kun mii to mo, kun hashkunu mo mmomii to mo, gom gway gi uni gwansan kun mini bu’th bway gi mowoṯẖ mowa?

IBRANIYIIN 11:40

Haali/ Arumgimis p̱arki to e nṯwa/a/ mo jin ’boro’d ki ’bor gana/ mo gom ana mo ki uni minu ’taki ’koki dhu ki uni kun isin mo ki dar gi ana mo be.

IBRANIYIIN 11:8

Ki moŋgam gwo is mo tani a/Ibrahiim haki gwo e mo ki a’di yuḵkunu mo mmoya ka pije/ mo e mo jin mina a’di bu’th mal mo. Dhali ki a’di yaki’d ka pije/ mo tani, mo misha a’diya jin yana a’di ya mo?

IBRANIYIIN 12:2

mmohil ’kup̱ ka Yesus mo a’di jin ta’da ’kaŋ’kup̱ mo dhali a’di jin midi thim moŋgam gwo is bana mo, ma a’di gom moŋ’kuny bwa jin diki’da bori a’di mo tani a’di ’dimki ’kup̱ mo gom cwany’ciṯẖan dhul mo mmoruḵkina a’di mo jin ’thenu is mo dhali a’di c̱a’bki’d ki me’da bim poros ma ḵursi ma Arumgimis mo be.

IBRANIYIIN 2:10

Haali/ a’di gama’d ki isi gam gana/ mo ki a’di, a’di jin uḵu to ’baar mo gom gway piti mo dhali a’di jin ’kon ma ris to ’baar mo mmo/uḵa uḵ ki a’di mo, mmosuskina a’di iya/ gi ’kwani ka ris mo e monyca mo, a’di jin ta’da shu/um bway gom gway gi mowoṯẖ buni mo tani ki a’di minu ’taki kar ji gi isi ’borgaŋ gana/ mo ki mo jin ’koshu is ka nyor mo be.

IBRANIYIIN 2:3

i/ana mina ye kata mo, waḵki/ ana p̱inykina is mo gom dhan gumbway mowoṯẖ yan mo? A’di baḵkunu iṯwa/a/ mo ki Tap̱a mo, dhali a’di ṯelkunu sho’k mo e ana mo ki uni gwansan kun ciḵki a’di mo be,

IBRANIYIIN 9:12

a’di cic̱ki’d me’d ’deŋ gana/ mo gom mmoṯeya ṯe/ mo e Mo jin Ḵogu mo, dhali a’di diki budha bas mi mo dhala bas gi ushi bip̱ mo, hili abas pitiŋ gana/ mo, wakan a’di ki bu’th mo jin wanuwa wan ’ba/ ki sule/ sule/ mo.

IBRANIYIIN 9:15

Wakan a’di ta a’di jin doshki’da galany mo mmota gwon this jin gamu me’d mo. Wakan, ki uni gwansan kun yuḵkunu mo mini ’taki bu’th mal gi mo ma sule/ sule/ ya ye ’ba/ mo jin onu gwo is mo, haali/ mowuŋ kamu/ bu’thki mo mo, a’di jin wanki uni ’ba/ mo ’peni gwon dhaŋ mo e bwaŋ’kwariny gwo jin ṯwa/a/ jin gamu me’d mo.

IBRANIYIIN 9:28

wakan aḴrisṯẖos, a’di jin c̱ikunu mo mmoḵal miinthus gi ’kwani ka ris me’d ’de/ mo tani a’di midi piyu/ doḵ/e me’di su/ mo tani yisa mmo/us mii is mo gom miinthus mo, hili mmota uni gwansan is ki me’d mo, uni gun gananki ’ba/ ki ganan jin shi/i’d mo mmoc̱or a’di mo be.

BUṮERUS ’DE/ 1:22

Mmodhelelkina um aḵashiram bum mo ki gwom bum jin hana um e mo e gwoŋ gana/ mo gom washila/ jin p̱iyi’d e um mo e mo/en mo gom iwaḵ mo, mmo/enkina uma en mo ki bwan dara’d mo ’pena duŋ gana/ mo.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.

YAHUUSA 1:21

Dhuyi is bum e mo/en ma Arumgimis mo. C̱ori momiimii gi Tap̱a Yesus Ḵrisṯẖos bana mo ntagi moŋ’koki/e ki sule/ sule/ ya ye ’ba/ mo.