IBRANIYIIN 5:8 - Uduk New Teatament and OT Portions

⁸ Ba a’di ita Ya/ mo tani a’di da/arki gwo jin hanu gwo e mo gom to jin ’koshki a’di is ka nyor mo.

IBRANIYIIN 5:8 Iomraidhean Croise

MAṮṮA 3:15

Hila Yesus thoḵ a’di gwo mo ki: Dhalki a’di miinu mo wakan shwane/ haali/ a’di wakan jin midi ha me’d mo gom ana mmothima ris mo ma ḵar/e mo. Dhali yan’ko’d a’di gamki gwo me’d mo be.

YOHAAN 10:18

Wathin ṯal deŋ kamu/ yisa di’da jin midi bu’th a’di ’peni aha/ mo, hili aha/ karkina a’diya ’cesh ki bwam pem gana/ mo. Aha/ tana gi mom’bi’th mo mmokar a’diya ’cesh mo dhali aha/ tana gi mom’bi’th mo mmobu’th a’di doḵ/e mo be. Gwoŋḵan yan bu’thkika/ ’pena Babam pem mo be.

YOHAAN 15:10

Waḵki/ um dhu gwoŋḵan pem kun ’kwarkunu mo tani um mini ’ko e mo/en pem mo, me’d jin dhukika/ gwoŋḵan ma Babam pem mo kun ’kwarkunu mo dhali c̱a’b e mo/en piti mo be.

YOHAAN 4:34

Yesus ki thoḵ uni gwo mo ki: Tonṯem pem jin shwaka/ mo tani ta bwa gi a’di jin hashki aha/ mo dhali mmothima ṯu’c piti mo be.

YOHAAN 6:38

Haali/ aha/ p̱u’dkina i mony’cesh yansan ’peni momis mo, yisa mmomii ki bwam pem yisa, hili ki bwa gi a’di jin hashki aha/ mo be.

P̱ILIBBI 2:8

Dhali mmogamu a’di kan ki is gi wathiny’cesh mo tani a’di karki isi is piti ki gwa’d mo dhali mmowar ka manha gwo e mo mmowu mo isi wu gi cwany’ciṯẖan dhul mo be.

IBRANIYIIN 1:2

Hili ka tee kuŋ ’ko’d gwansan mo tani a’di ṯorki gwo e ana ki a’di jin ta Ya/ mo be, a’di jin karkina a’di ’pen ka pije/ mo mmota amanbu’th mal gom to ’baar mo. Dhali e a’di mo tani mony’cesh si’da/ uḵkina a’di mo be.

IBRANIYIIN 1:5

Haali/ eya man’doyu gwo jana sa/ i/on ma Arumgimis gwo mo me’d ’de/ mo ki: /E ta Ya/m pem mo, shwane/ aha/ dho’thkina /e mo? walla doḵ/e, Aha/ mina ta a’di com mo, dhali a’di midi ta aha/ ya/um mo?

IBRANIYIIN 1:8

Hili gom Ya/ mo tani a’di ki o gwo mo ki: Aḵursin tap̱am pini, ayy Arumgimis, ta a’di jin midi di goma sule/ mo dhali ki sule/ mo. Cwa ma ḵar/e mo ta cwa gi bampam pini mo.

IBRANIYIIN 3:6

Hila Ḵrisṯẖos a’di ta a’di jin ta isiŋ gana/ mo ap̱o/ gu’b ma Arumgimis mo me’d ya/ mo. Dhali ana tana kuŋ gu’b piti mo waḵki/ ana mina bu’th gwo ki nyeŋ mo, gwo gom mom bana jin wukina ana a’di jwa i is mo dhali dhu ’ba/ ki ca mo e mo ma ’teŋ kap̱em bana mo be.