IBRANIYIIN 5:7 - Uduk New Teatament and OT Portions

⁷ Dhali ka tee jin bu’thkina a’di buŋgwar is gi ’kwani ki is piti mo tani, aYesus c̱iki mo ma ’tho jin ’thonu mo dhali di’ba di’b is mo ki ’twa/ jin caaca ki moŋko mo dhali ki jabu’th mo, e a’di jin mishi a’di is ta ki me’d mo ’peni mowu mo, dhali a’di ciḵkunu ko mo gom mii ma gayiin piti jin ḵogu mo.

IBRANIYIIN 5:7 Iomraidhean Croise

GWAY GI IDAWUU’D 22:24

Haali/ a’di diki waḵa waḵ mo dhali shi/a shi/ i e mo gom monṯo’c bwa jin ṯoci wathi/ bwa mo. Dhali a’di diki bag jis/em piti ’peni wathi/ mo, hili a’di ciḵki ko mo me’d jin gwokina wathi/ ’twa/ i a’di mo.

GWAY GI IDAWUU’D 69:1

Tayi aha/ is is ki me’d mo ma, ayy Arumgimis. Haali/ yi’de/ loski aha/ ki ’ba/ ilu/ mo.

GWAY GI IDAWUU’D 88:1

Ayy Tap̱a, Arumgimis pem, aha/ yuḵkina /e mmowoṯẖ aha/ montee mo. Aha/ gwokina mon’thiny ibwambori /e mo.

MAṮṮA 27:46

Dhali ka tente/ ta’da tente/ kwara mo tani Yesus gwoki’d ki ’twa/ jin caaca mo ki: Ili, Ili, lama sabaktani, a’di jin ta ’pemen gwo jin onu ki: Arumgimis pem, Arumgimis pem, atinta dhalkina /e aha/ ’pen kan mo?

MAṮṮA 27:50

Dhala Yesus cuu’d ki dhan ’twa/ jin caaca doḵ/e mo dhali a’di ki c̱i shi/in piti mo be.

MARKUS 15:34

Dhali ka tente/ ’koni kwara mo tani Yesus cuuki’d ki dhan ’twa/ jin caaca mo ki: Iluwi, Iluwi, lama sabaktani, a’di jin ta ’pemen gwo jin onu ka: Arumgimis pem, Arumgimis pem, atinta dhalkina /e aha/ ’pen kan mo?

MARKUS 15:37

Dhala Yesus cuuki’d kagahara mo dhali a’di ki c̱i shi/in piti jiŋ ’ko’d mo be.

LUUKA 23:46

Dhali yan’ko’d Yesus ki cuu ki dhan ’twa/ jin caaca mo mmo/o gwo mo ki: Ababa, e me’d pini mo tani aha/ c̱ikina /e shi/in pem mo be. Dhali ki a’di oki gwo yansan mo tani a’di ki c̱i shi/ir piti jiŋ ’ko’d mo.

YOHAAN 1:14

Dhali Gwo warki’d ki buŋgwar mo dhali shurki c̱a’b mo e bwam ana mo, ’tu’du/ ka ’the dhali ki gwoŋ gana/ mo. Ana mishkina cam piti mo, monyca gi Ya/ jin di’d ṯal ’de/ ’peni Com mo be.

YOHAAN 11:35

Yesus gwoki’d mo be.

YOHAAN 11:42

Aha/ mishkina ki /e ciḵki aha/ ’twa/ isa yempa/ mo, hili aha/ okina gwo yansan gom gway gi ’kwani kun doshkin ki ’dishe/ mo ki uni mini ’taki gam gwo is ki /e a’di ihashki aha/ mo be.

YOHAAN 17:1

Ka Yesus ’baarki gwo gwansan mmo/o mo tani a’di ’de’kki em piti ’kup̱ ki momis mo dhali o gwo mo ki: Ababa, mo p̱u’dki’d mo. Kari /e Ya/m pini ki ca mo ki Ya/m pini si’da/ midi kar /e ki ca mo be.

RUUMIYA 8:3

Haali/ Arumgimis ’baarki a’di jin mola gwoŋḵan jin c̱inu mii mo haali/ a’di ’ka’da’d mo e buŋgwar is mo mmohashkina a’di Ya/m pitiŋ gana/ mo e jamas gi buŋgwar is gi miinthus jin shi/ashi/ mo dhali gom miinthus si’da/ tani a’di waḵki miinthus e buŋgwar is mo be.

GALATHIYYA 4:4

Hili ka tee p̱u’dki’d mo mmothimkunu a’di mo tani Arumgimis hashki Ya/m piti mo, a’di jin dhodhu ’pena ’bom mo dhali a’di jin dho’thkunu mo e bwaŋ’kwariny gwoŋḵan jin c̱inu mo be, mmowan uni gwansan ’ba/ mo, uni kun ’kokin mo e bwaŋ’kwariny gwoŋḵan jin c̱inu mo,

ṮIMUṮH̱AWUUS ’DE/ 3:16

Ka jiŋ gana/ ana pikina gwo mo gom a’di yansan jin ta dhan gwo jin c̱inu ki jim bag mo jin ta jim bana jin luŋa ana aluŋ mo: A’di jin ṯorkunu eya tente/ mo e shuman is mo, dhali a’di jin karkunu ki mo ma ḵar/e e Shi/in mo dhali a’di jin p̱arkina iman’doyu gwo e mo dhali a’di jin c̱ikunu gwo mo e bwaman kal gi ’kwaniny’cesh mo dhali a’di jin gamkina ’kwani gwo is mo e mony’cesh mo dhali a’di jin bu’thkunu bway momis mo e monyca mo.

IBRANIYIIN 10:10

Dhali ki bwa ma Arumgimis yan mo tani ana dhagamkunu mo ki to jin c̱inu jin ta buŋgwar is ma Yesus Ḵrisṯẖos mo me’d ’de/ ki sule/ mo.

IBRANIYIIN 10:5

Haali/ a’di gi wakan mo tani, ka Ḵrisṯẖos p̱u’dki’d e mony’cesh yan mo tani a’di ki o gwo mo ki: To kun ’ciṯẖu/ ’kus mo mmomiiya bas mo dhali to gun c̱inu mo tani /e dina bwa ki o ki a’di mo, hili buŋgwar is mo tani /e thosonki a’di gom aha/ mo be.

IBRANIYIIN 11:7

Ki moŋgam gwo is mo tani aNuuh, a’di rumkunu ka Arumgimis mo isi goma yirto jin dina a’di ki mish naskina/ mo tani a’di yip̱i unu ’kup̱ mo ki moŋḵo/ is jin ta’da gayiin mo, a’di ki dhera ḵur mo gom kuŋ gu’b piti jin minu ta is ki me’d mo be. Ki mii yan mo tani a’di ki mii miiwaḵ gom gwon dwall jin toru gwo ’twa/a ’cesh mo gom ’kwaniny’cesh mo dhali a’di warki’d ka manḵal mal gom mo ma ḵar/e mo jin p̱u’dki’d ki moŋgam gwo is mo be.

IBRANIYIIN 12:28

Wakan mo, dhalki ana tana gi mo jin ’boruwa ’bor bwa i is mo gom mmobu’th ’peŋkuman bampa/ jin molu yiḵin is mo dhali wakan dhalki ana c̱ina Arumgimis mo jin luŋuwa luŋ mo jin mishu bu’th mo ki mo jin tuḵuwa tuḵ mo dhali ki moŋḵo/ is mo.

IBRANIYIIN 13:20

Shwane/ dhalka Arumgimis gi moŋḵu’th is, a’di jin guyi Tap̱a Yesus bana ’peni mowu mo doḵ/e, a’di jin ta’da Amanhil ḵa’bal, ka bas gi gwo jin gamu me’d jin midi di ki sule/ sule/ ya ye ’ba/ mo

IBRANIYIIN 2:14

Me’d jin wakina a’di kan mo mmobu’thkina uc̱i buŋgwar is mo dhala bas mo tani a’di ki is piti si’da/ bu’thki buyempa jin nyaḵka’d kan mo, ki, ki e mowu mo tani a’di midi ’taki ’ce’d a’di sho’k mo, a’di jin ta gi mom’bi’th gi mowu mo, a’di jin ta tap̱a ma ruma ’cesh mo

YOHAAN ’DE/ 4:3

dhali aris shi/in ’baar ka ’deṯe/ ’deṯe/ kun ’koki pi gwo ka Yesus mo tani uni ’peni Arumgimis yisa. A’di yan ta shi/in ma ḵrisṯẖos jin diki ta jiŋ gana/ mo, a’di jin ciḵkina um gwo mo ki a’di midi p̱u’du/ mo dhali shwane/ a’di diki’d e mony’cesh hila/ mo be.

YOHAAN SU/ 1:7

Haali/ ’kwani ka ris kun he’kkina he’k e mo tani iikin ka pije/ mo e mony’cesh mo, ’kwani kun ’koki pi gwo mo gom mo jin yayin ma Yesus Ḵrisṯẖos ki buŋgwar is mo. A’din ’de/ gi wakan mo tani ita’da he’k e mo dhala Ḵrisṯẖos jin diki ta jiŋ gana/ mo.