IBRANIYIIN 5:13 - Uduk New Teatament and OT Portions

¹³ Haali/ aris ’kwani ’baar ka ’deṯe/ ’deṯe/ mo kun ’ko ’ko’d eya ko mo tani uni daran gi ’twaŋ gwocon mo e gwo jin ta’da ḵar/e mo, haali/ uni ta uc̱i mo be.

IBRANIYIIN 5:13 Iomraidhean Croise

GWAY GI IDAWUU’D 119:123

Em pem ushki me’d mo mmotim bway mowoṯẖ pini mo, dhali gom gwom pini jin minu thim jin ona /e is ki o ma ḵar/e mo.

MAṮṮA 11:25

Dhali ki mo c̱aan mo tani Yesus ki ṯor gwo mo eya tente/ mo ki: Aha/ ’bora /e bwa i is mo. Ababa jin ta Tap̱a gi momis mo dhali mony’cesh mo, ki /e bagki to gwansan ’peni ’kwani kun yuḵayuḵ mo dhali kun mishi gwo ’ban mo mmoṯor a’di eya tente/ ki uni gun tana ’pereny mo be.

MARKUS 10:15

Ka jiŋ gana/ aha/ ṯora um gwo mo ki a’diyin jin midi diki bu’th Bampa/ ma Arumgimis mo mmowa e ka ’ci yan mo tani a’di midi diki se a’di mo be.

RUUMIYA 2:20

dhali /e tana manṯo’k gom ’kwani kun ta p̱us mo dhali amanṯor ’kwanim ’pereny gwo mo tani mmotana /e gi gwoŋḵan jin c̱inu mo tani arisa yuḵ gun p̱e’dkunu mo mmomish to mo,

KURINṮH̱UUS ’DE/ 13:11

Ki aha/ tana a’ci mo tani aha/ ona gwo mo me’da ’ci mo, aha/ kulumkina gwo ibwa mo me’da ’ci mo, aha/ miina mii me’da ’ci mo. Ki aha/ wara ki wathi/ mo tani aha/ dhalkina mii ma ’ci ’pen mo.

KURINṮH̱UUS ’DE/ 14:20

Iwaḵa, dhalku/ ki ’ko mo mmota uc̱i mo e gwom bum kun kuluma umi bwa mo. Gom gwon thus mo tani wari ki usha ŋa/ mo hili e gwo gun kuluma umi bwa mo tani tayi ku gun isin mo.

KURINṮH̱UUS ’DE/ 3:1

Hili iwaḵ mo, aha/ mola gwo o e um mo me’d ’kwani kun ta gi to gi shi/in mo, hili me’d ’kwani kun ta ku gi buŋgwar is mo, me’d usha ŋa/ eya Ḵrisṯẖos mo be.

KURINṮH̱UUS SU/ 3:9

Haali/ waḵki/ mo jin miinu ki ra/ra/ di’d mo gom mo jin ’dap̱u/ isi jwa mo gom miiwaḵ mo tani mo jin ’dap̱u/ isi jwa mo gi mii ma ḵar/e mo midi mii se ka pije/ ki ra/ra/ mo mmobol jin ṯwa/a/ e kagahara mo be.

EP̱ASUS 4:14

Wakan ki ana mina ’taki ’koki ’ko mo mmota uc̱i naskina/ mo ki ana minu ’koki ’dash mo dhali wuṯul mo dhali ḵal mo ka ris ’tham gi gwon thus ki eŋ ’kwani kun korakor mo ka maḵ buni kun takina uni mo eya he’k e jin he’kkina uni ka gany mo.

ṮIMUṮH̱AWUUS SU/ 3:16

Aris Gwo ma Arumgimisi ’baar ka ’deṯe/ ’deṯe/ mo kun ’kwarkunu mo tani uni shi/irrkin ma Arumgimis mo dhali ha me’d mo gom gwo mmoṯor mo dhali gom ḵucur jin minu ḵucura ḵucur mo dhali gom ṯo’k jin minu ṯoka ṯo’k mo dhali goma nyoŋ is jin minu nyoŋ mo gom mii ma ḵar/e mo

BUṮERUS ’DE/ 2:2

Me’d usha ŋam ’pereny kun daḵa dhodhu mo tani oyi bwa mo goma ko mo jin ta to gi shi/in jin dheleli’d mo. Ki a’di mo tani um mini ca mo e bway gi mowoṯẖ mo.

YOHAAN SU/ 1:11

haali/ a’di jin theki a’di me’d mo tani nyaḵki miin tonthus piti bu’th mo be.