IBRANIYIIN 5:12 - Uduk New Teatament and OT Portions

¹² Haali/ ba um ka tee yansan mo tani um ḵa ba/ imini ’taki ta imanṯor gwo mo, hili um mini mii ta gi jan ’deŋ kamu/ mmoṯor um gwo mo doḵ/e isi ki gwo ma bwa nyara/ jin ṯwa/a/ gi gwo ma Arumgimis mo. Um mini mii ta ga ko mo mmop̱i mo, yisa mmoshwa maa ki ḵa’c yisa.

IBRANIYIIN 5:12 Iomraidhean Croise

GWAY GI IDAWUU’D 34:11

Iiyu/ ma, ayy iya/ mo, ciḵi gwo ’peni aha/ mo. Aha/ mina ṯor um gwo gom moŋḵo/ is gom Tap̱a mo.

MAṮṮA 17:17

Dhala Yesus ki thoḵ uni gwo mo ki: Ayy, um ’kwani kun aṯẖa moŋgam gwo is ki aṯẖ kan mo dhali kun c̱aca ii ki c̱aca mo eya nyaḵum yil bum mo, aha/ mina di i um ki mo gi wakata mo? Dhali ki mo gi wakata imiga/ i’dim ’kup̱ e um mo sa/? Susi a’di mmahan i aha/ mo ma.

MARKUS 9:19

Dhali a’di ki thoḵ uni gwo mo ki: Ayy, um ’kwani kun tana nyaḵum yil kun aṯẖa moŋgam gwo is ki aṯẖ mo. Ki aha/ mina di i um ki mo gi wakata mo? Dhali ki mo gi wakata imiga/ i’dim ’kup̱ e um mo sa/? Susi a’di i aha/ mo ma.

MII GUN MIINU MO 7:38

Yan ta a’di jin di’d e montul is e mombwaasho nyaḵka man’doyu gwo jin o a’di gwo e ’Kuwosh Sinaa/ mo dhali nyaḵ ki ibabam bana kun bu’th gwo gi mondiki/e mmoc̱i ana mo.

RUUMIYA 3:2

Shi/ miim ’boro’d ’teki nyanye/ mo be. To jin ṯelkika/ ’pen a’dan be ki ’Kwani Yahuuda/ c̱inu gwo ma Arumgimis kun ’kwarkunu mo.

KURINṮH̱UUS ’DE/ 14:19

Bahili eya ḵaniisa mo tani aha/ mina dhal mii e i is mo mmoṯor um gwo mo jasi mudhe’d ka dum pem mo, ma kan mo mmoye’th kun tiya sho’k mo, ki gwo gun ’koni alaap̱i ’kume’d mo jin miga/ ṯor ki ’twaŋ kamu/ mo be.

KURINṮH̱UUS ’DE/ 14:20

Iwaḵa, dhalku/ ki ’ko mo mmota uc̱i mo e gwom bum kun kuluma umi bwa mo. Gom gwon thus mo tani wari ki usha ŋa/ mo hili e gwo gun kuluma umi bwa mo tani tayi ku gun isin mo.

GALATHIYYA 4:3

Wakan gom ana mo. Ki ana takina uc̱i mo tani ana takina c̱iŋkina/ gi gwo ma bwa nyara/ gom gwoŋḵan gi mony’cesh yan mo.

P̱ILIBBI 3:1

Gom gwo jin boc̱o’d mo gom um, iwaḵ pem mo. ’Bori bwa mo ma, e Tap̱a mo. Mmo’kwar um gwo kun nyaḵkan mo tani a’di diki ṯocaa/ bwa mo haali/ a’di ta’da teṯe/ gom um mo be.

KULUSSI 3:16

Dhalki gwo ma Ḵrisṯẖos c̱a’ba’d e um ki c̱a’b ’pempaŋ gana/ mo me’d mii jin ṯorkina um gwo mo dhali mmorogom gwo ka rem ’kup̱ mo ka ris moyuḵ mo, dhali me’d jin yuḵkina um gway mo mmoka mo jin miinuwa mii e mo dhali gway jin maŋuwa maŋ mo dhali gway jin yuḵu gom to gi shi/in mo ki mii jin ’boruwa ’bor bwa i is eya dum bum goma Arumgimis mo be.

IBRANIYIIN 10:32

Hili yuḵa teen dhamo/ gwansan mo ki ’ko’di um ’kokina e ma du kun ’twaḵki mo mo tani um ’dim ’kup̱ mo e mii jin ’batha’ba’th jin jwakaṯki’d ki mo/isa nyor mo

IBRANIYIIN 5:11

Gom gwo yansan mo tani ana takina gi gwo kagahara mo mmo/o mo, a’di jin ’bitha’bi’th mo mmobe’d ’pen ka pije/ mo, haali/ um ushkina ’ce ki us mo mmociḵ a’di mo be.

IBRANIYIIN 5:13

Haali/ aris ’kwani ’baar ka ’deṯe/ ’deṯe/ mo kun ’ko ’ko’d eya ko mo tani uni daran gi ’twaŋ gwocon mo e gwo jin ta’da ḵar/e mo, haali/ uni ta uc̱i mo be.

IBRANIYIIN 6:1

Wakan, dhalki ana dhala gwo ma bwa nyara/ kun ṯoru ’pen mo goma Ḵrisṯẖos mo dhali yip̱ ’kup̱ki isi yip̱ gana/ mo e mo jin isuwa is mo, yisa mmomina ana n’thi toŋ kamu/ doḵ/e ap̱o/ mo jin ḵa’bu/ e mo jin rijuwa du is mo ’peni mii kun wukin mo, dhali moŋgam gwo is ’kup̱ ka Arumgimis mo yisa,

BUṮERUS ’DE/ 2:2

Me’d usha ŋam ’pereny kun daḵa dhodhu mo tani oyi bwa mo goma ko mo jin ta to gi shi/in jin dheleli’d mo. Ki a’di mo tani um mini ca mo e bway gi mowoṯẖ mo.

BUṮERUS ’DE/ 4:11

A’diyin jin oki gwo mo tani me’d a’din ’de/ yin jin baḵki gwoŋḵan ma Arumgimis mo. Dhali a’diyin jin mii to e mo jin miinu to mo tani me’d a’din ’de/ yin jin mii to mo ki mom’bi’th jin thip̱ ma Arumgimisa thip̱ mo. Ki mii gi wakan mo tani eya ris to ’baar mo Arumgimis minu kar ki ca mo eya Yesus Ḵrisṯẖos mo be. E a’di mo tani monyca cila a’di mo dhali mo jin tanu tap̱a mo gom ’pemen ki sule/ dhali ki sule/ ya ye ’ba/ mo. Amen.