IBRANIYIIN 4:9 - Uduk New Teatament and OT Portions

⁹ Wakan a’di ic̱a’bkin ma cim ma pesu/ mo jin mina ’kwani ma Arumgimisi si/is mo be.

IBRANIYIIN 4:9 Iomraidhean Croise

GWAY GI IDAWUU’D 47:9

Iya/ gi ’kwani mo tani uni tulki isi monṯal ’de/ mo me’d ’kwani ma Arumgimis ma Ibrahiim mo. Haala goŋgoro/ jin ta ji gi mony’cesh mo tani a’di cil ma Arumgimis mo be. A’di karu ki ca jin eḵa/ eḵ mo.

Mmo/ii ka Pije/ mo 16:30

Wakan ’kwani si/ki is mo ka cima pesu/ mo be.

MAṮṮA 1:21

Ayim midi dho’th ya/ mo dhali /e mini yer a’di gway ka Yesus mo haali/ a’di midi woṯẖ ’kwanim piti ’peni miinthus buni mo be.

TIITHUS 2:14

A’di jin c̱iki is piti mo gom ana mo mmowan ana ’ba/ mo ’peni aris miinthus mo dhali mmodhelel ’kwanim pitiŋ gana/ mo gom is piti mo, uni kun shwana mii anyor ki thiṯẖ mo gom miim ’boron mo be.

IBRANIYIIN 11:25

A’di ki dhal mii e i is mo mmokwany mo gi mii ma ha’th’ko’d mo nyaḵki ’kwani ma Arumgimis mo, ma mmodiki ’kuny bwa mo nyaḵki uni gwansan e mo jin ’konu ki ’kol ’ce e miinthus mo ki mo jin minu tor sho’k ka pupush mo be.

IBRANIYIIN 3:11

Me’d jin thulka/ me’da p̱o/ gwo mo goma nyor pem jin deḵga/ mo tani uni mini ’koki cic̱ mo e mo ma si/is pem ki sule/ sule/ mo be.

IBRANIYIIN 4:1

Wakan, ki gwom piti jin okunu is mo gom cic̱ jin minu cic̱ mo e mo ma si/is piti diki’d mo tani dhalki ana ḵo/ka is mo isi ciki/ mo ki jan ṯal ’deŋ kamu/ ’peni um midi ’taki aṯẖa/aṯẖ mo mmojidhir a’di mo be.

IBRANIYIIN 4:10

Haali/ a’diyin jin midi cic̱ mo eya tee jin min ma Arumgimisi si/is mo tani a’di si’da/ midi daḵ miim piti mo me’d jin daḵ ma Arumgimis miim piti mo be.

IBRANIYIIN 4:3

Haali/ ana kun gamkina gwo is mo tani cic̱kina mo e mo ma si/is yan mo, me’d gwo jin okina a’di mo ki: Me’d jin thulka/ me’da p̱o/ gwo mo goma nyor pem jin deḵga/ mo tani Uni mini ’koki cic̱ mo e mo ma si/is pem ki sule/ sule/ mo be, ba miim piti ’baarkunu mo ’peni moŋḵa’b jin ḵa’bkina a’di mony’cesh mo be.

IBRANIYIIN 4:8

Haali/ waḵka Yashuu/ midi ’taki c̱i ki uni mo ma si/is mo tani Arumgimis midi diki ’taki o gwo goma teeŋ kamu/ jin midi di i’ko’d mo be.

BUṮERUS ’DE/ 2:10

Nṯwa/a/ mo tani um ’koki ta ’kwani mo, hili shwane/ um ta ’kwani ma Arumgimis mo. Nṯwa/a/ mo tani um ’koki bu’th mo jin miinu mii mo, hili shwane/ um bu’thki momiimii mo be.

GWO JIN ’CEENU MO 14:13

Dhali aha/ ciḵkina ’twa/ ’peni momis mo mmo/o gwo mo ki: ’Kwari gwo yansan mo ma. Mom’bor mii gom uni kun wukin mo, uni gun wun e Tap̱a mo ’peni shwane/ ki sule/ mo. Mom’bor mii ka jiŋ gana/ mo, me’d gwo jin ona Shi/in mo, ki uni mini ’taki si/is mo ’peni mii ma ṯu’c buni mo haali/ miin tom buni baṯẖki uni isho’k mo be.

GWO JIN ’CEENU MO 21:4

Dhali a’di midi shumuṯ jabu’th ’pena ris em buni ka ’deṯe/ ’deṯe/ mo, dhali wuŋ kamu/ midi doḵ/e diya, walla kony jabudha kamu/ minu kowa, walla cuuwaŋ kamu/ minu cuuwa, walla isa nyora kamu/ midi diya? haali/ aris ton dhamo/ gwansan mo tani uni pekin mo be.