IBRANIYIIN 4:2 - Uduk New Teatament and OT Portions

² Haali/ gwom ’boro’d p̱u’dki’di ana mo jasi me’d jin p̱u’dki’d e uni mo. Hili gwo jin ciḵkina uni mo tani diki war ki ji gi ha me’d gom uni mo, haali/ a’di diki ’dap̱ ki me’d mo ki moŋgam gwo is mo e uni gun ciḵki a’di mo be.

IBRANIYIIN 4:2 Iomraidhean Croise

MII GUN MIINU MO 13:46

Dhala Buulus dhala Barnaaba o gwo eya tente/ mmo’koki ju/ mo dhali o gwo mo ki: A’di minu mii mii mo ki gwo ma Arumgimis minu mii o i/um nṯwa/a/ mo be. Haali/ um bel a’di ’peni um mo dhali um ’cunycurki is bum mmo/o ki um ’koki ’bor mmota gi moŋ’koki/e ki sule/ ya ye ’ba/ mo tani hili ma, aman ṯuka mo ki ’kwani kun ’koki ta ’Kwani Yahuuda/ mo.

MII GUN MIINU MO 3:26

Mmo’de’kkin ma Arumgimis c̱iŋkinam piti imis mo tani a’di c̱ina a’di um iṯwa/a/ mo mmo’bor um mii mo mmoṯuka ris umi ’baar ka ’deṯe/ ’deṯe/ ki ’beles ’pena bor miiny ’coḵgam bum mo be.

RUUMIYA 2:25

Haali/ ka jiŋ gana/ mo tani mo jin ’ciṯẖuwa munyjal yis ta jim ’borga/ mo waḵki/ /e ha gwoŋḵan e mo mmomii mo, hili waḵki/ /e ’ce’dki gwoŋḵan mo tani mo ma munyjal yis pini jin ’ciṯẖu/ mo tani a’di warki’d ka munyjal yis jin dinuki ’ciṯẖ mo be.

RUUMIYA 3:3

Dhali gwo wakata waḵki/ kun tiya dar gi gwo jin gamu is mo? Mmo’kona uni ki dar gi gwo jin gamu is mo tani a/a’di imina gwo jin gamu is ma Arumgimis i/ush me’d mowa?

KURINṮH̱UUS ’DE/ 13:3

Waḵki/ aha/ c̱ina tom pemi ’baar mo kun taka/ mo dhali waḵki/ aha/ pisha is pem ki o’d mo mmopur mo tani ihili aha/ dara gi mo/en mo tani aha/ ḵala toŋ kamu/ ’kup̱ paa?

GALATHIYYA 3:2

Dhalki aha/ doṯa um jasi gwo gom gway yansan mo. A/ki um bu’thki Shi/in ki mii gi gwoŋḵan jin c̱inu mowa? Walla ki gwo jin ciḵkina um ki moŋgam gwo is mo?

GALATHIYYA 3:8

Dhali Gwo ma Arumgimis kun ’kwarkunu mo, mmonyiṯẖkina a’di nṯwa/a/ mo ka Arumgimis midi dhu ’kwani kun ’koki ta ’Kwani Yahuuda/ ki mo ma ḵar/e ki moŋgam gwo is mo tani a’di c̱iki gwo ki gwom ’borga/ nṯwa/a/ ka Ibrahiim mo mmo/o gwo mo ki: E /e mo tani aris kal gi ’kwaniny’ceshi ’baar mo tani minu ’bor mii mo be.

GALATHIYYA 4:13

Haali/ um mishkin mo ki mo jin ’ba’thka/ mo e buŋgwar is pem mo tani a’di c̱ikika/ um gwo gom gwom ’borga/ yani ṯwa/a/ mo be.

TASALUNIIKI ’DE 1:5

haali/ gwom ’borgam bam p̱u’dki’d e um mo jasi ki gwo yisa, hili si’da/ ki mom’bi’th mo dhali ki Shi/in Dheleladhelel mo dhali ki gwo jin ’tu’du’d mo ki mo jin suguwa du mo. Um mishkin ki aman tana ’kwani kun wakata kun nyo/kunu mo e bwam um mo gom gway bum mo.

TASALUNIIKI ’DE 2:13

Dhali aman si’da/ ’bora Arumgimis bwa i is mo ki ṯikir ṯikir mo gom mii yan mo haali/ ki um bu’thki gwo ma Arumgimis mo jin ciḵkina um ’peni aman mo tani um bu’thki a’di mo me’d gwoŋ ’kwani yisa, hili me’d a’di jin ta a’di mo, a’di jin ta gwo ma Arumgimis mo, a’di jin diki’d mo mmo/um mo e um kun gamki gwo is mo be.

ṮIMUṮH̱AWUUS ’DE/ 4:8

haali/ me’d jin hana a’di ari me’d mo mmonyoŋ buŋgwar is mo ’te/ mo tani mii ma gayiin a’di ha me’d mo eya ris ’twaŋkal kuku/ mo haali/ a’di gam mii adu is mo gom mondiki/e jin di’d shwane/ mo dhali si’da/ gom mondiki/e jin midi p̱u’du/ yilaŋ kamu/ mo be.

IBRANIYIIN 11:6

Ki dar gi moŋgam gwo is mo tani a’di molu mii mo mmo’bora Arumgimis bwa i is mo be. Haali/ a’diyin jin midi ’taki ’disha Arumgimis is mo tani midi mii gam gwo is ki a’di diki’d mo, dhali ki a’di midi c̱i uni gwansan to kun ish ḵumma/ mo kun ŋap̱i a’di mo be.

IBRANIYIIN 3:12

Hili ki ’bore/ iwaḵ mo isi ciki/ ki jin ṯal ’deŋ kamu/ ’peni bwam um mo midi diki ’taki ta ga du jin ta thus ki thus mo mmo/ush gwo gam is mo, mmosus um mmoṯa’k mo ’peni bway ma Arumgimis jin di ki e mo be.

IBRANIYIIN 4:6

Me’dyin ki mii gi wakan mo tani kun tiya ’kon mmocic̱ mo e a’di ki a’di diki’d naskina/ mo. Dhali uni gwansan kadhamo/ kun bu’thki gwom ’boro’d mo dhali ush me’d mo mmo’koki cic̱ a’di mo tani haali/ uni warkin ki iman/ush gwo ha e mo be.

YAKUUB 1:21

Dhali ki mii gi wakan mo tani dhuyi aris tony nyogga/ ’pen ka pije/ mo dhali mii kun ’coḵa’coḵ kun ishin ka enthus mo dhali bu’thki mo jin dhunu is ki gwa’d mo gwo jin sinu mo a’di jin mishki’da ḵashiram bum woṯẖ mo.

BUṮERUS ’DE/ 1:12

A’di ṯorkunu uni eya tente/ mo ki uni ’koki mii to mo gom is buni mo, hili gom um mo, eya ris to gun baḵkunu um shwane/ mo ki uni gwansan kun ta imanc̱i gwom ’boro’d e um mo ki Shi/in Dheleladhelel mo, a’di jin hashkunu ’peni momis mo, uni kun ta to jin ’koshkina iman’doyu gwo ṯe/ mo mmop̱ar e mo be.