IBRANIYIIN 4:15 - Uduk New Teatament and OT Portions

¹⁵ Haali/ ana tana ka gasiis jin ca’d mo, a’di jin misha isa nyor ’ciŋ mo nyaḵki moŋ’ka’d is bana mo, a’di jin ta jan ṯal ’de/ jin palkunu mo ki ’twaŋkal kuku/ mo me’d ana mo tani hili a’di diki mii miinthus mo be.

IBRANIYIIN 4:15 Iomraidhean Croise

MAṮṮA 12:20

Dhali a’di midi diki ’ce’d bwa mo me’d apil jin mu/u mo walla midi diki usa thus jin mura she/ ikup̱ mo ntagi a’di midi ḵal mo ma ḵar/e ki mo jin minu p̱i mii e mo be.

MAṮṮA 4:1

Yan’ko’d aYesus a’di urkina Shi/in ka pije/ mo e mombwaasho mo dhali a’di palkina tap̱a ma ruma ’cesh mo be.

LUUKA 22:28

Um ta uni gwansan kun rashi ’ko nyaḵki aha/ mo e mompal pem mo.

LUUKA 4:2

Dhali a’di diki’d em bwaasho ka cim ma issu/ mo dhali palkina tap̱a ma ruma ’cesh mo be. Dhali a’di diki shwa toŋ kamu/ mo eya cim gwansan mo. Dhali ka cim ’baarkin mo tani a’di ’koshkina ṯe/ mo be.

YOHAAN 8:46

Wathi/ jana ’peni bwam um gamki aha/ ki aha/ dina mii m’ba/ gom miinthus mo? Waḵki/ aha/ ṯora gwoŋ gana/ mo tani ata ’kona um ki gam aha/ gwo is mo si’da/?

RUUMIYA 8:3

Haali/ Arumgimis ’baarki a’di jin mola gwoŋḵan jin c̱inu mii mo haali/ a’di ’ka’da’d mo e buŋgwar is mo mmohashkina a’di Ya/m pitiŋ gana/ mo e jamas gi buŋgwar is gi miinthus jin shi/ashi/ mo dhali gom miinthus si’da/ tani a’di waḵki miinthus e buŋgwar is mo be.

KURINṮH̱UUS SU/ 5:21

Gom gway bana mo tani a’di ki kar a’di mo mmota ji gi miinthus mo, a’di jin molki miinthus mo. Wakan e a’di mo tani ana minu dhuku/ mo ki ku ma ḵar/e mo goma Arumgimis mo be.

IBRANIYIIN 4:14

Me’d jin takina ana ka dhana gasiis jin caaca mo, a’di jin peki’d ki tur mo eya ris momis mo, a’di jin ta’da Yesus mo, jin ta Ya/ ma Arumgimis mo tani, dhalki ana budha a’di ki ri’d mo mmoṯel sho’k mo e gwom bana jin pina ana mo be.

IBRANIYIIN 5:2

A’di mishi mii us is ka daran du mo gom ’kwani kun ta p̱us mo dhali kun thami mii mo, haali/ a’di ki is piti ’kamu ki mo jin ’ka’du is mo.

IBRANIYIIN 7:26

Haali/ a’di ha me’d ki haŋ gana/ mo ki ana mina ’taki ta ga gasiis jin ca’d gi wakan mo, a’di jin ḵogu mo dhali a’di jin dar gi mii ’ba/ mo dhali a’di jin dar gi mo jin nyo/o’d mo, dhali a’di jin ḵwa/i is mo ’peni imanmii miinthus mo, dhali a’di jin karu ki ca mo ap̱o/ momisi ’baar mo.

IBRANIYIIN 9:28

wakan aḴrisṯẖos, a’di jin c̱ikunu mo mmoḵal miinthus gi ’kwani ka ris me’d ’de/ mo tani a’di midi piyu/ doḵ/e me’di su/ mo tani yisa mmo/us mii is mo gom miinthus mo, hili mmota uni gwansan is ki me’d mo, uni gun gananki ’ba/ ki ganan jin shi/i’d mo mmoc̱or a’di mo be.

BUṮERUS ’DE/ 2:22

A’di diki mii miinthusa ’deŋ kamu/ mo. Dhali gwo maḵa ’deŋ kamu/ si’da/ dinuki gam ’pena le’d piti mo be.

YOHAAN ’DE/ 3:5

Um mishin ki a’di ṯoru eya tente/ mo mmoḵal miinthus mo be dhali e a’di mo tani miinthus p̱iyi’d mo be.