IBRANIYIIN 4:12 - Uduk New Teatament and OT Portions

¹² Haali/ gwo ma Arumgimis ta gwo jin di ki e mo dhali umi is mo dhali kaaka ki ŋarŋar mo mmobol gandala turga/ jin ka’d ka ’ban su/ e ki ka mo mmosuka su’k mo mmoḵwa/a ḵashira/ bwa mo dhali shi/in mo, dhali gwocor mo dhali noro’d mo, dhali mmonyiṯẖ gwo kun kulumu ibwa mo dhali ayiseŋ gwo gi ’twa/ ma du mo.

IBRANIYIIN 4:12 Iomraidhean Croise

GWAY GI IDAWUU’D 110:2

Tap̱a ki hash ’pena Sihyuun cwa ma maliḵ pini jin ta gi mo ma dem dem mo. Jiyiya ji e bwaman ’kwani kun ta ’kup̱ pini mo.

GWAY GI IDAWUU’D 119:130

Gwom pini kun ’ceenu mo tani uni c̱iki moŋkush mo. A’di c̱iki mo jin mishu gwo ’ban ki ’kwani kun tekela/ tekel mo.

GWAY GI IDAWUU’D 139:2

/E mishkina mish mo ki aha/ c̱a’bkina ’cesh mo dhali ki aha/ cuna mis mo. /E nyiṯẖki gwom pem kun kulumka/ ibwa ’pena dhana/ mo.

GWAY GI IDAWUU’D 149:6

Dhalki mo jin eḵa/ eḵ jin minu maŋ Tap̱a di’d e ’kus buni mo, dhali dhan gandal kun kaaka ka ’ban su/ ’kon e me’d buni mo,

GWAY GI IDAWUU’D 45:3

Deḵi gandal pini ap̱owa wum pini mo, ayy /en ’de/ jin c̱a’bki dem dem mo e monycam pini mo dhali e mo/eḵ pini mo.

LUUKA 8:11

Gwom ’bi’th/e a’di a’dihe/ mo be: Aḵa’bany to a’di ta gwo ma Arumgimis mo be.

YOHAAN 12:48

A’diyin jin ushki aha/ mo dhali diki bu’th gwom pem jin oka/ mo tani a’di ta gi jan ṯal ’deŋ kamu/ jin midi dwall a’di gwo mo. Gwo jin oka/ mo tani a’di midi ta gwon dwall piti ka cim jiŋ ’ko’d mo.

YOHAAN 6:51

Aha/ tana maa jin di’d ki e jin thulki’da ’cesh ’peni momis mo. Waḵki/ wathin ṯal ’deŋ kamu/ jin midi shwa maa yansan mo tani a’di midi di ki e ki sule/ sule/ mo. Dhali maa jin miga/ c̱i gom moŋ’koki/e gi ’kwaniny’cesh mo tani a’di ta buŋgwar is pem mo be.

MII GUN MIINU MO 2:37

Dhali ki uni ciḵki gwo yan mo tani uni suka gwo adum buni mo dhali owa Buṯerus mo dhali imandhun ma Yesus ki shen tiya gwo mo ki: Ikam bamma, am mina miiya ta mo?

MII GUN MIINU MO 4:31

Dhali ki uni ’thon mo tani mo yiḵinki is mo e mo jin tula uni is nycine/ mo dhali uni ’baar mo ’tu’dkunu mo ki Shi/in Dheleladhelel mo dhali uni oki gwo ma Arumgimis ki dar gi monyju/ ’kwani mo be.

MII GUN MIINU MO 5:33

Hili ki uni ciḵ gwo yansan mo tani uni c̱ithirkin ma dum buni ka nyor mo dhali ’kona gwo bwa mo mmo’kosh uni jwa mo.

MII GUN MIINU MO 7:38

Yan ta a’di jin di’d e montul is e mombwaasho nyaḵka man’doyu gwo jin o a’di gwo e ’Kuwosh Sinaa/ mo dhali nyaḵ ki ibabam bana kun bu’th gwo gi mondiki/e mmoc̱i ana mo.

RUUMIYA 1:16

Haali/ aha/ dina is ki ’the mo gom gwom ’borga/ mo haali/ a’di ta mom’bi’th ma Arumgimis mo e bway mowoṯẖ mo, e uni ’baar mo ki ’beles kun gam a’di gwo is mo. Nṯwa/a/ e ’Kwani Yahuuda/ mo dhali e ’Kwaniŋ Griḵi si’da/ mo be.

KURINṮH̱UUS ’DE/ 1:24

Hili gom uni gwansan kun yuḵkunu uni gun ta ’Kwani Yahuuda/ mo dhali ’Kwaniŋ Griḵi si’da/ mo tani aḴrisṯẖos ta mom’bi’th ma Arumgimis mo dhali moyuḵ ma Arumgimis mo be.

KURINṮH̱UUS SU/ 2:17

Haali/ aman yisa wana e ki ’kwani ka risa, uni gun laṯ ’kwani e gi gwo ma Arumgimis mo. Hili mmota ’kwani kun daran ki washila/ mo ki gwoŋḵan ma Arumgimis mo dhali e jis/e ma Arumgimis mo tani aman ṯorkina gwo mo goma Ḵrisṯẖos mo be.

KURINṮH̱UUS SU/ 4:2

Aman dhaŋkina to shigga/ mo dhali mii gun ishuwa ’cesh mo. Dhali aman ushkina mo mmoboṯki mii ma maḵ mo walla mmolaṯ gwo ma Arumgimis e mo, hili mmoṯor gwo eya tente/ gom gwoŋ gana/ mo tani aman mina dhu is bam ki ku gi ha me’d mo gom ’twa/ ma du ma ris ’kwani ’baar ka ’deṯe/ ’deṯe/ e jis/e ma Arumgimis mo be.

EP̱ASUS 5:13

Hili waḵki/ toŋ kamu/ ṯal ’de/ ṯoru eya tente/ ki moŋkush mo tani a’di wara’d ki to jin mishu mo haali/ ton ’deŋ kamu/ jin wara’d ki to jin mishu mo tani a’di ta moŋkush mo be.

EP̱ASUS 5:26

ki a’di midi dhagama yim mo ki mo jin dhelelkina a’di ayim mo ki gwo mo me’d mo jin lamu ki yi’de/ mo

EP̱ASUS 6:17

Dhali budhi toŋ’kup̱ ki bway mowoṯẖ mo dhali gandala turga/ gi Shi/in mo, a’di jin ta gwo ma Arumgimis mo be.

TASALUNIIKI ’DE 2:13

Dhali aman si’da/ ’bora Arumgimis bwa i is mo ki ṯikir ṯikir mo gom mii yan mo haali/ ki um bu’thki gwo ma Arumgimis mo jin ciḵkina um ’peni aman mo tani um bu’thki a’di mo me’d gwoŋ ’kwani yisa, hili me’d a’di jin ta a’di mo, a’di jin ta gwo ma Arumgimis mo, a’di jin diki’d mo mmo/um mo e um kun gamki gwo is mo be.

TASALUNIIKI ’DE 5:23

Dhalka Arumgimis jin ta moŋḵu’th is ki is piti mo dhagam um ka ’bimpil mo, dhali dhalki shi/in bum dhala ḵashiram bum dhali buŋgwar is bum minu dhu ki ’dantar mo dhali dar gi monthalkin mo gom p̱u’d jin mina Tap̱a Yesus Ḵrisṯẖos bana p̱u’du/ mo be.

IBRANIYIIN 13:7

Kayi imanshu/um bway e mo, uni gwansan kun oki um gwo ma Arumgimis mo dhali nyiṯẖi/ adu’d mii mo gom moŋ’koki/em buni mo dhali thoḵiya thoḵ mo gom moŋgam gwo is buni mo.

IBRANIYIIN 6:5

dhali uni kun nyoḵki mo jin ’kunya gwo ma Arumgimis mo dhali aris mom’bi’th kun mini p̱u’du/ ki she/ yil mo,

YAKUUB 1:18

’Peni bwam pitiŋ gana/ mo tani a’di ki dho’th ana mo ki gwoŋ gana/ mo ki ana mina ta maman kun ṯwa/a/ ’peni mo/uḵ piti mo be.

BUṮERUS ’DE/ 1:23

Um dho’thkunu mo doḵ/e ki dho’th this mo, yisa ’peni emen to jin midi p̱u/ mowa, hili ’peni emen to jin midi mol p̱u/ mo, e a’di jin ta gwo ma Arumgimis jin di’d ki e mo dhali jin midi di ki sule/ mo.

GWO JIN ’CEENU MO 1:16

Dhali e me’da bim poros piti mo tani a’di bu’thki’da cul kun ’koni pesu/ mo. Dhali ’peni ’twam piti mo tani a’di gac̱ki gandala turga/ jin ka’d ka ’ban su/ mo dhali bwam/em piti ’twaḵki mo mo me’da tente/ mo mmo’tu’d mo ki mom’bi’th is mo be.

GWO JIN ’CEENU MO 19:15

Dhali ’peni ’twam piti mo tani a’di gac̱ki gandala turga/ jin kaaka mo, a’di jin mina a’di ’kosh aris kal gi ’kwaniny’cesh mo dhali a’di midi ta tap̱a ap̱o/ uni ki cwa jin ta toŋḵuthu’d mo. Dhali a’di midi yap̱ mo jin nyu/u yimana mura’th ki sho’k mo, a’di jin ta’da nyor ma Arumgimis jin Eḵa/ Eḵ mo, anyor jin ’batha’ba’th mo.

GWO JIN ’CEENU MO 19:21

Dhali kun tiya ’kokunu mo mmo’kosh ki gandala turga/ mo ki a’di jin c̱a’bki’da p̱o/ shumarum mo, gandala turga/ jin gac̱ki’d ’peni ’twam piti mo, dhali aris ’dii ’baar mo komki ’pen mo gom buŋgwar is buni mo be.

GWO JIN ’CEENU MO 2:16

Kan mo tani rici /e adu is mo. Waḵki/ /e diki rica du is mo tani heeyy, aha/ mina yaku/ i /e ki jahanne/ mo dhali mii mo/as ap̱o/ uni ki gandala turga/ jin ta ’twam pem mo.

GWO JIN ’CEENU MO 2:23

Dhali aha/ mina ’kosh uc̱i ma yim jwa mo. Dhali arisa ḵaniisa gwansan mini mish mo mo ki aha/ tana a’di jin ŋap̱ki bwaŋ ’kwani ki bur bur mo dhali aduŋ ’kwani mo, dhali aha/ mina c̱i aris umi ’baar mo to ka ’deṯe/ ’deṯe/ mo, to kun wana e ki miin to kun miina um mo.

GWO JIN ’CEENU MO 20:4

Dhali yan’ko’d aha/ p̱arkina risa ḵursi ma maliḵ e mo, dhali uni gun ’kokina p̱o/ uni mo tani uni ta uni gun c̱ikunu gwon dwall jin toru gwo ’twa/a ’cesh mo. Dhali aha/ si’da/ p̱arkina ḵashira/ gi uni gwansan kun ’ciṯẖkunu ’kup̱ mo gom gwom buni kun ṯora uni goma Yesus mo dhali gom gwo ma Arumgimis mo, dhali uni gun ’koki luŋ to/e yan mo walla jamas piti jin uḵu mo, dhali uni gun ’koki bu’th jamas piti e buyem buni mo walla e me’d buni mo. Uni p̱u’dkin ki e mo doḵ/e dhali nyaḵ tap̱a ta ka Ḵrisṯẖos ki yil alip̱ mo be.