IBRANIYIIN 4:11 - Uduk New Teatament and OT Portions

¹¹ Wakan dhalki ana bira bir mo mmocic̱ mo e mo ma si/is yan mo, wakan ki jan ṯal ’deŋ kamu/ midi diki biṯ mo e ’kusan gwon ’de/ yan jin ushu gwo ha e mo.

IBRANIYIIN 4:11 Iomraidhean Croise

MAṮṮA 11:12

’Pena tee ma Yohaan jin ta’da manmii ki yi’de/ mo ntagi shwane/ mo tani Bampa/ gi Momis ’koshu ki mombujur mo dhali ’kwani kun bujurki a’di mo tani bu’thki a’di ki mom’bi’th mo be.

MAṮṮA 7:13

Cic̱i um mo ma e bway jin nyutha ’twaman ki nyu’th mo haali/ acampur a’di waŋgala waŋgal mo dhali bway a’di ’disha mii mo e mo jin shunu mo e mo jin ’ce’du sho’k mo dhali uni gwansan kun cic̱kin e a’di mo tani tana ris ka ris mo be.

LUUKA 13:24

Uṯẖi/ mo ma mmocic̱ mo eya campur jin nyuthanyu’th mo haali/ ’kwani ṯorkika/ um gwo mo ki: Uni tana ris mo kun mini simm mo e mmocic̱ mo tani dhali uni mini mol se mo be.

LUUKA 16:16

Gwoŋḵan jin c̱inu mo dhali imanc̱i gwo ma Arumgimis kadhamo/ mo uni ’kokin mo ntaga Yohaan mo. ’Peni mo yan mo tani gwom ’boro’d gi Bampa/ ma Arumgimis a’di c̱ikunu mo dhali aris ’kwani ’baar mo ka ’deṯe/ ’deṯe/ cic̱kini a’di ki mombujur mo be.

YOHAAN 6:27

Dhalku/ ki miiya ṯu’c gom tonṯe/ mo jin midi ’ce’d sho’k mo hili gom tonṯe/ jin midi ’dim ’kup̱ ntagi moŋ’koki/e ki sule/ sule/ ya ye ’ba/ mo, a’di jin mina Ya/ gi ’Kwani ic̱i um mo. Haali/ e a’di mo tani Arumgimis jin ta Com mo a’di ’dap̱ki gwom piti ’twa/ ki a’di mo be.

MII GUN MIINU MO 26:19

Wakan si’da/, ayy Maliḵ Aghripaas, aha/ dinaki usha ush e tony jan jin piyaa/ i is ’peni momis mo.

EP̱ASUS 2:2

e uni kun iikina um ’thissa/ mo mmobaṯẖkina um ya gi mony’cesh yan mo dhali mmobaṯẖkina um miin tap̱a gi mom’bi’th kun p̱wanu/ e mis mo, jin ta shi/in c̱aan jin di’d mmo/um mo e iya/ gi iman/ush gwo ha e mo be.

EP̱ASUS 5:6

Dhalku/ ki dhal wathin ’deŋ kamu/ bway mo mmohe’k um e mo ki gwo kun ’ko bwa ’te/ mo haali/ gom to gi wakansan mo tani a’di ip̱u’dkin ma nyor ma Arumgimis ap̱o/ iya/ gi uni gun ush gwo ha e mo.

P̱ILIBBI 2:12

Dhali wakan, um pem gun enka/ mo, me’d jin hana um gwo e isa yempa/ mo tani wakan shwane/, yisa jasi mmodika/ um e buŋ’kus mo hili ki nyanye/ mmop̱ika/ mo, miiyi mowoṯẖ bum gana/ mo ki moŋko/ is mo dhali ki mondee mo.

KULUSSI 3:6

Gom mii gwansan mo tani a’di ip̱u’dkin ma nyor ma Arumgimis ap̱o/ iya/ gi ’kwani kun ushi gwo ha e mo.

TIITHUS 1:16

Uni ṯorki gwo ki ’twa/ ki uni mishkina Arumgimis mo tani uni waṯki a’di gway ki miim buni mo be. Uni waḵkunu ki waḵ jin shi/ashi/ mo gom bul buni mo dhali uni ta iman/ush gwo ha e mo dhali uni ha me’d gom ari tom ’boro’da kamuwa?

TIITHUS 3:3

Haali/ ana ki is bana ’thissa/ nṯwa/a/ mooniin tani takina p̱us mo mmo/ush gwo ha e mo dhali ana suskunu per mo dhali ana takina c̱iŋkina/ ka ris mii kun dhukunu e ki ’thir ’thir mo, haali/ ana ’kona ’ce ki ’kol mo, mmo’baara teem bana mo jin dup̱uwa dup̱ i e mo dhali ki miin dhap̱an mo, dhali ana shinu i e ki ’kwani mo dhali ana shina shi/ i e ka rem ’kup̱ mo.

IBRANIYIIN 3:12

Hili ki ’bore/ iwaḵ mo isi ciki/ ki jin ṯal ’deŋ kamu/ ’peni bwam um mo midi diki ’taki ta ga du jin ta thus ki thus mo mmo/ush gwo gam is mo, mmosus um mmoṯa’k mo ’peni bway ma Arumgimis jin di ki e mo be.

IBRANIYIIN 3:18

Dhali ki ija si’da/ ithulkina a’di me’da p̱o/ gwo mo mmo/o ki uni mini ’koki ’taki cic̱ mo e mo ma si/is piti ki sule/ sule/ mo, hili a’di diki ta uni gwansan kun ushki gwo ha e mo mmomii mowa?

IBRANIYIIN 4:6

Me’dyin ki mii gi wakan mo tani kun tiya ’kon mmocic̱ mo e a’di ki a’di diki’d naskina/ mo. Dhali uni gwansan kadhamo/ kun bu’thki gwom ’boro’d mo dhali ush me’d mo mmo’koki cic̱ a’di mo tani haali/ uni warkin ki iman/ush gwo ha e mo be.

IBRANIYIIN 6:11

Dhali aman ona bwa ki isi oŋ gana/ ki um ka ’deṯe/ ’deṯe/ mo mini ṯor mii yan ka daran du mo mmonyiṯẖa/ nyiṯẖ ki mii jin shi/i’d mo mmomish ki isa duŋ gana/ gom mo ma ’teŋ kap̱e/ jin midi di ntagi ’pemen mo be,

BUṮERUS SU/ 2:6

Waḵki/ mii jin ṯugu ’peŋkuman bampa/ gi Pan Saduum mo dhali Paŋ Gamuura mo ki burṯa/ o’d mo tani a’di ki waḵ uni mo ki mo jin toru gwo ’twa/a ’cesh ki mony’ce’d sho’k mo dhali dhu uni mo mmota she/mm mo gom uni kun mini ta uni gun ushuna ush mo.