IBRANIYIIN 4:10 - Uduk New Teatament and OT Portions

¹⁰ Haali/ a’diyin jin midi cic̱ mo eya tee jin min ma Arumgimisi si/is mo tani a’di si’da/ midi daḵ miim piti mo me’d jin daḵ ma Arumgimis miim piti mo be.

IBRANIYIIN 4:10 Iomraidhean Croise

ṮAKWIIN 2:2

Dhali ka cim ma pesu/ mo tani Arumgimis ’baarki miim piti jin miikina a’di mo, dhali a’di ki si is ka cim ma pesu/ ’pena ris miin tom piti kun miikina a’di mo.

YOHAAN 19:30

Ka Yesus bu’thki yiman tom’pac̱a’d mo tani a’di ki o gwo mo ki: A’di ’baarki’d mo, dhali a’di ki luŋ ’kup̱ piti mo dhali c̱i shi/in piti mo be.

IBRANIYIIN 1:3

A’di dhelki monyca ma Arumgimis mo mo dhali ḵal isi jamas jin takina a’di buyempam pitiŋ gana/ mo, mmojeṯkina a’di aris to kun uḵu mo ki gwo gi mom’bi’th piti mo be. Ki a’di diki’d mmodhelela dhelel mo gom miinthus mo tani a’di c̱a’bki’d ki me’da bim poros gi a’di jin Eḵa/ Eḵ e momis mo,

IBRANIYIIN 10:12

Hili ka Ḵrisṯẖos a’di jin c̱iki is piti mo mmota to jin ’ciṯẖu/ ’kus mo tani me’d ’deŋ gana/ gom ki sule/ mo gom miinthus gi ’kwani mo tani a’di c̱a’bki’d ki me’da bim poros ma Arumgimis mo be.

IBRANIYIIN 4:9

Wakan a’di ic̱a’bkin ma cim ma pesu/ mo jin mina ’kwani ma Arumgimisi si/is mo be.

GWO JIN ’CEENU MO 14:13

Dhali aha/ ciḵkina ’twa/ ’peni momis mo mmo/o gwo mo ki: ’Kwari gwo yansan mo ma. Mom’bor mii gom uni kun wukin mo, uni gun wun e Tap̱a mo ’peni shwane/ ki sule/ mo. Mom’bor mii ka jiŋ gana/ mo, me’d gwo jin ona Shi/in mo, ki uni mini ’taki si/is mo ’peni mii ma ṯu’c buni mo haali/ miin tom buni baṯẖki uni isho’k mo be.

GWO JIN ’CEENU MO 6:11

Yan’ko’d uni ’baar ka ’deṯe/ ’deṯe/ c̱ikunu burrinyeŋ kush mo dhali ṯorkunu gwo mo mmosi/is ari’ceenne/ mo ntagi mondeŋ gi igarr buni kun nyaḵkina ṯu’c mii mo dhali iwaḵ buni mo minu ’taki thim mo, uni gun minu ’taki ’kosh jwa mo me’d uni, uni ki is buni mmomiikunu uni kan mo.