IBRANIYIIN 3:6 - Uduk New Teatament and OT Portions

⁶ Hila Ḵrisṯẖos a’di ta a’di jin ta isiŋ gana/ mo ap̱o/ gu’b ma Arumgimis mo me’d ya/ mo. Dhali ana tana kuŋ gu’b piti mo waḵki/ ana mina bu’th gwo ki nyeŋ mo, gwo gom mom bana jin wukina ana a’di jwa i is mo dhali dhu ’ba/ ki ca mo e mo ma ’teŋ kap̱em bana mo be.

IBRANIYIIN 3:6 Iomraidhean Croise

GWAY GI IDAWUU’D 2:12

p̱iyi sho’k piti ’twa/ mo, isi ciki/ ki a’di midi diki shwaa nyor mo, dhali um minu ’ce’d sho’k ibway mo, haali/ anyor piti ’thakunu hila/ ki jahanne/ mo. Mom’bor mii goma ris uni gun bu’thki mo jin huru jwa e a’di mo.

MAṮṮA 10:22

Dhali um minu ishi/ i e mo gom gway pem mo be. Hili a’diyin jin midi ’dim ’kup̱ ntagi ’pemen mo tani a’di minu woṯẖ mo be.

MAṮṮA 16:18

Dhali aha/ ṯora /e gwo mo, /e jin tana Buṯerus mo, dhali eya p̱o/ wosh yan mo tani aha/ mina nyaŋa ḵaniisam pem mo, dhali mom’bi’th gi mowu mo tani midi diki p̱i a’di jip̱i/ mo be.

MAṮṮA 24:13

Hili a’di jin ’dimki ’kup̱ mo ntagi ’pemen mo tani a’di iminu woṯẖ mo be.

RUUMIYA 11:22

Hili a’di mo ma, mo jin miin ma Arumgimis ki bwaŋkush mo dhali mo jin miinuwa jisa ki ’bi’th ka ḵar/e ’peni Arumgimis mo. Jisaŋ ḵar/e yan ’kup̱ ki uni gwansan kun biṯkin mo, hili Arumgimis midi mii ki bwaŋkush gom /e mo waḵki/ /e mini c̱a’b ki sule/ e mo gi bwaŋkush piti mo. Waḵki/ a’di diki wakan mo tani /e si’da/ minu ’ciṯẖ mo be.

RUUMIYA 12:12

’Kunyi bwa mo ma e mo ma ’teŋ kap̱em bum mo. ’Kuc̱i bwa mo ma ki ’kari’th e monṯo’c bwa mo. ’Dimi ’kup̱ ki sule/ e mon’tho mo ma.

RUUMIYA 15:13

Dhalka Arumgimis jin ta ji gi mo ma ’teŋ kap̱e/ ’tu’d um ka ris bwaŋ ’kunyga/ dhali moŋḵu’th is e moŋgam gwo is mo, wakan ki mom’bi’th gi Shi/in Dheleladhelel ki um mini ish ka enthus e mo ma ’teŋ kap̱e/ mo be.

RUUMIYA 5:2

Dhali e a’di si’da/ ana takina ki bway mo eya ’the yansan mo jin doshkina ana nycine/ mo be. Dhali ana ’kunya bwa mo e mo ma ’teŋ kap̱em bana gi monyca ma Arumgimis jin pwaḵkunu ana bwa mo be.

KURINṮH̱UUS ’DE/ 3:16

’Kona um ki misha ki um ta monyc̱a’b ma Arumgimis mowa? dhali Shi/in Dheleladhelel ma Arumgimis di’d e umi.

KURINṮH̱UUS ’DE/ 6:19

’Kona um ki misha ki buŋgwar is bum ta monyc̱a’b gi Shi/in Dheleladhelel jin di e uma? a’di jin takina um ’peni Arumgimisa? Um yisa ta uni gun ta ku gi is bum yisa.

KURINṮH̱UUS SU/ 6:16

Gwo gi wakata mina gu’b gi mondheleladhelel ma Arumgimis gam me’d mo ki ji gi luŋu tomp̱inycon mo? Haali/ ana tana gu’b gi mondheleladhelel ma Arumgimis jin di ki e mo me’d gwo jin on ma Arumgimis mo ki: Aha/ mina di e uni mo dhali nyaḵ shekem ibwaman uni mo, dhali aha/ mina ta uni Arumgimis buni mo, dhali uni mini ta ’kwanim pem mo be.

GALATHIYYA 6:10

Dhali wakan mo tani me’d jin takina ana ki embula ’borga/ mo tani dhalki ana miina miim ’boron e ’kwani ’baar mo dhali isi kan ki jim mum mo gom uni gwansan kun ’kokin eya ṯa/ gi moŋgam gwo is mo be.

GALATHIYYA 6:9

Dhali dhalki ana daḵa mii is jin wu e mo mmomii miim ’borga/ mo, haali/ ki she/ yil mo mo tani ana mina ’ciṯẖ to mo waḵki/ ana ’kona bwa ki biṯ ka luŋgu’b mo be.

EP̱ASUS 3:12

E a’di mo tani ana dara gi monyju/ mo dhali wu a’di jwa i is mo gom bway yan e moŋgam gwo is bana e a’di mo be.

KULUSSI 1:23

ba shi/ mii a’dan ’te/ ba/, waḵki/ um mini ṯikir ’ko mo e moŋgam gwo is mo, ki moŋḵa’b mo dhali ṯel sho’k mo, yisa mmoṯi’k mo ’peni mo ma ’teŋ kap̱e/ gi gwom ’borga/ jin ciḵkina um mo, a’di jin c̱ikunu aris ’kwani ’baar mo kun uḵkunu mo e bwaŋ’kwariny momis mo, dhali gom a’di mo tani aha/ jin tana Buulus warkina ka manmii a’di mo be.

TASALUNIIKI ’DE 5:16

’Kunyi bwa mo isa yempa/ mo.

TASALUNIIKI SU/ 2:16

Dhali shwane/ dhalki Tap̱a Yesus Ḵrisṯẖos bana ki is piti mo dhali Arumgimis jin ta’da Babam bana mo, a’di jin enki ana mo dhali c̱i ana momalas jin midi di ki sule/ sule/ ya ye ’ba/ mo dhali mo ma ’teŋ kap̱eŋ gana/ ka ’the mo,

ṮIMUṮH̱AWUUS ’DE/ 3:15

Wakan, waḵki/ aha/ takina diiṯe/ mo tani um mini ’taki mish mo mo ki um ḵa ba/ mini ’taki mii mii ki is bum mo me’d uni kun ta kuŋ gu’b ma Arumgimis mo, a’di jin ta’da ḵaniisa jin ta ji ma Arumgimis jin di ki e mo, a’di jin ta’da atiŋkiliŋ mo dhala cur gi gwoŋ gana/ mo be.

IBRANIYIIN 1:2

Hili ka tee kuŋ ’ko’d gwansan mo tani a’di ṯorki gwo e ana ki a’di jin ta Ya/ mo be, a’di jin karkina a’di ’pen ka pije/ mo mmota amanbu’th mal gom to ’baar mo. Dhali e a’di mo tani mony’cesh si’da/ uḵkina a’di mo be.

IBRANIYIIN 10:19

Wakan iwaḵ mo, me’d jin takina ana ki mo jin wuna ana a’di jwa i is mo mmocic̱ mo e mo jin ḵogu mo ka bas ma Yesus mo

IBRANIYIIN 10:21

dhali me’d jin takina ana ka dhana gasiis jin caaca mo e gu’b ma Arumgimis mo tani

IBRANIYIIN 10:23

Dhalki ana budha ki ri’d mo ma ’teŋ kap̱em bana jin mina ana pi ki dar gi monṯosh mo, haali/ a’di jin oki gwo is mo tani a’di ta a’diŋ gana/ mo be.

IBRANIYIIN 10:35

Wakan dhalku/ ki buḵ is bum mo ’peni mom bum jin wuna uma wuny jwa i is mo, a’di jin ta gi dhan mo jin isha to ḵumma/ mo.

IBRANIYIIN 11:1

Moŋgam gwo is a’di imishu ki isa duŋ gana/ ki a’di ta to gom mo ma ’teŋ kap̱e/ mo, mmosuka du mo gom to kun ’konuki p̱ar e mo.

IBRANIYIIN 3:14

Haali/ ana pwaḵkunu to eya Ḵrisṯẖos mo waḵki/ ana jasi ’te/ mo mina bu’th monyjwam bana jin wuna ana a’di i isi ṯwa/a/ mo mmoṯel sho’k mo ntagi ’pemen mo,

IBRANIYIIN 4:11

Wakan dhalki ana bira bir mo mmocic̱ mo e mo ma si/is yan mo, wakan ki jan ṯal ’deŋ kamu/ midi diki biṯ mo e ’kusan gwon ’de/ yan jin ushu gwo ha e mo.

IBRANIYIIN 4:14

Me’d jin takina ana ka dhana gasiis jin caaca mo, a’di jin peki’d ki tur mo eya ris momis mo, a’di jin ta’da Yesus mo, jin ta Ya/ ma Arumgimis mo tani, dhalki ana budha a’di ki ri’d mo mmoṯel sho’k mo e gwom bana jin pina ana mo be.

IBRANIYIIN 4:16

Wakan dhalki mom bana jin wuna ana a’di jwa i is mo ’dish ana abor mo ki ’dish ’dish mo eya ḵursi ma maliḵ jin ta ji ma ’the mo, ki ana mina ’taki bu’th momiimii mo dhali gama ’the mo mmowoṯẖa/ woṯẖ mo ka tee jin minu mii ta gi a’di mo be.

IBRANIYIIN 6:11

Dhali aman ona bwa ki isi oŋ gana/ ki um ka ’deṯe/ ’deṯe/ mo mini ṯor mii yan ka daran du mo mmonyiṯẖa/ nyiṯẖ ki mii jin shi/i’d mo mmomish ki isa duŋ gana/ gom mo ma ’teŋ kap̱e/ jin midi di ntagi ’pemen mo be,

IBRANIYIIN 6:18

Wakan ki gwo kun ’koni su/ kun ’konuki aḵ e mo tani e mo jin moluwa Arumgimis nyo/ mo ki a’di ta thus mo tani ana kun takina gi mo jin sokina ana mo gom jwam bana jin sokina ana mo mmohur mo e a’di mo tani minu ’taki ’bitha du is mo mmobu’th mo ma ’teŋ kap̱e/ jin karkunuwa bori ana mo be.

IBRANIYIIN 7:19

(Haali/ gwoŋḵan jin c̱inu mo tani yisa piyi miiŋ kamu/ jin ’boro’d ki ’bor gana/ ’kup̱ ka pije/ yisa.) Dhali ki me’da kamu/ doḵ/e mo tani mo ma ’teŋ kap̱em ’borga/ mo tani a’di waru/ is mo, a’di jin ’dishkina ana Arumgimis is ki a’di mo be.

BUṮERUS ’DE/ 1:8

Ki dar gi mmop̱ar a’di e mo tani um enki a’di mo. Ba um bala kun ’koki p̱ar a’di e mo shwane/ mo tani um gamki gwo is e a’di mo dhali ’kunykina bwa mo ki gwo jin molu bah mo dhali jin eḵa/ eḵ mo.

BUṮERUS ’DE/ 2:5

Dhali me’d wosh kun ’ko ki e mo tani tayi um ki is bum kun minu nyaŋ mo mmota gu’b gi to gi shi/in mo, mmota uni gun mii mii ma gasiis kun ḵogu mo, mmoc̱i to kun ’ciṯẖu/ ’kus mo kun ta gi shi/in mo kun mishu bu’th ka Arumgimis eya Yesus Ḵrisṯẖos mo be.

BUṮERUS ’DE/ 4:17

Haali/ mo p̱u’dki’d mo gom gwon dwall mo mmoṯel ’pen ’peni uni gun tana ṯa/ ma Arumgimis mo. Dhali waḵki/ a’di ṯelu ’pen ki ana mo tani ’pemen midi ta ata mo gom uni gwansan kun ’koki ha gwom ’borga/ ma Arumgimis e mo?

GWO JIN ’CEENU MO 2:18

Dhali eya man’doyu gwo ma ḵaniisa gi Pan Ṯẖiyatira mo tani ’kwari gwo mo ki: Gwo jin ta ji gi Ya/ ma Arumgimis mo, a’di jin ta gi e jin shwa’d ka le’dan o’d ki bar bar mo dhali a’di jin wana ’basho’k ka koroḵ mo.

GWO JIN ’CEENU MO 2:25

Hili ṯeli sho’k mo e a’di jin tana um mo ntagi aha/ mina p̱u’dku/ mo.

GWO JIN ’CEENU MO 2:26

A’di jin p̱iki mii e mo tani dhali dhu miin tom pem mo ntagi ’pemen mo tani aha/ mina c̱i a’di mom’bi’th mo ap̱owa ris kal gi ’kwaniny’cesh mo

GWO JIN ’CEENU MO 3:11

Aha/ mina p̱u’dku/ ki ’dishe/ mo. Ṯeli sho’k mo e a’di jin tana /e mo, wakan ki jan ṯal ’deŋ kamu/ midi ’taki diki bu’th toŋ ’kup̱ pini mo be.