IBRANIYIIN 3:5 - Uduk New Teatament and OT Portions

⁵ Dhala Musa a’di ta a’di jin ta isiŋ gana/ mo mmomiiya ris to ’baar mo e gu’b ma Arumgimis mo me’da manmii to mo, mmoṯesa ris gwo gom to ’baar mo kun minu mii ṯori ’ko’d mo be.

IBRANIYIIN 3:5 Iomraidhean Croise

GWAY GI IDAWUU’D 105:26

A’di ki hasha Musa jin ta c̱iŋkinam piti mo, dhala Haruun jin kwanykina a’di mo.

Mmo/ii ka Pije/ mo 14:31

Dhala Israyiil mishki dhan mom’bi’th jin miikina TAP̱A ap̱o/ ’kwani Pam Masir mo. Dhali ’kwani uni ḵo/ki TAP̱A mo. Dhali uni gamki gwo is e TAP̱A mo dhali e c̱iŋkinam piti ka Musa mo be.

MAṮṮA 24:45

Kaja a’di jin ta isiŋ gana/ mo dhali jin ta c̱iŋkina/ jin yuḵayuḵ moye? A’di, jin mina tap̱am piti kar a’di tap̱a ap̱o/ gu’b piti mo mmoc̱i unim piti tonṯe/ ka tenteŋ gana/ mo?

MAṮṮA 25:21

Dhali tap̱am piti ki o a’di gwo mo ki: Mba/ c̱a/. /E ta c̱iŋkina/ jin ’boro’d mo dhali jin ta isiŋ gana/ mo be. /E ta a’di jin ta isiŋ gana/ ap̱o/ ushi to kun gwa’dan mo. Aha/ mina kar /e ap̱owa ris to ki nyanye/ mo. Huri /e mo ’te/ ma e moŋ’kuny bwa gi tap̱am pini mo.

LUUKA 12:42

Dhali Tap̱a ki o a’di gwo mo ki: Kaja a’di jin ta wathi/ isiŋ gana/ mo dhali yuḵa yuḵ mo mmota mandhu to mo? a’di jin mina tap̱am piti kar ari tap̱a ap̱o/ gu’b piti mo mmoc̱i uni tonṯe/ ki ’ban buni ka tente/ ka ḵar/e mo?

LUUKA 24:27

Dhali mmoṯel ’pen ’pena Musa mo dhali imanc̱i gwo ma Arumgimis kadhamo/ mo tani a’di ki ṯor uni aris ’pemen gwo kun ’kwarkunu mo e Gwo ma Arumgimis mo goma ris to gi isi gom is piti mo be.

LUUKA 24:44

Dhali yan’ko’d a’di ki o uni gwo mo ki: Gwo gwansan ta gwom pem kun oka/ um mo ki aha/ dina um naskina/ mo, ka ris to gwansan kun ’kwarkunu mo gom aha/ mo e gwoŋḵan ma Musa jin c̱inu mo dhali e gwo gi imanc̱i gwo ma Arumgimis kadhamo/ mo dhali eya Masamiir mo tani minu mii thim mo be.

YOHAAN 5:39

Um ŋap̱kin ki burbur e bwaŋ Gwo ma Arumgimis kun ’kwarkunu mo haali/ um ṯoshkin ki um ta gi moŋ’koki/e ki sule/ sule/ ya ye ’ba/ mo e uni mo. Dhali uni itana man/o gwo gom aha/ mo be.

MII GUN MIINU MO 28:23

Dhali ki uni karkina cim gom a’di mo tani uni ṯẖa’thkin i a’di mo e mo jin c̱a’bkina a’di mo. Dhali a’di ṯorki uni gwo eya tente/ mo mmoc̱i gwo gom Bampa/ ma Arumgimis mo dhali mmolal uni sho’k ki gwo mo goma Yesus mo ’peni gwoŋḵan ma Musa jin c̱inu mo dhali gwo gi imanc̱i gwo ma Arumgimis kadhamo/ mo si’da/ ’peni mon’thamo/ ntagi mom’peŋḵaskum mo be.

MII GUN MIINU MO 7:37

Yan ta’da Musa c̱aan jin o ki uc̱i ma Israyiil gwo mo ki: Amanc̱i gwo min ma Arumgimis ipiyu mo gom um ’peni bwaman ma waḵ bum mo mmowa e ki aha/ mo.

RUUMIYA 3:21

Hili shwane/ tani mo ma ḵar/e ma Arumgimis a’di ṯorkunu eya tente/ ki dar gi gwoŋḵan mo be. Ba gwoŋḵan jin c̱inu mo dhali gwo gi imanc̱i gwo ma Arumgimis kadhamo/ mo jin ’kwarkunu si’da/ mo uni ta iman/o gwo gom a’di mo be.

KURINṮH̱UUS ’DE/ 4:2

Bakata ’te/ a’di itheke’thkunu gwo mo gom imandhu to mo ki uni minu gam mo ki uni mini ta uni kun ta isiŋ gana/ mo.

ṮIMUṮH̱AWUUS ’DE/ 1:12

Aha/ ’borkina a’di bwa i is mo a’di jin c̱iki aha/ mom’bi’th mo gom a’di yan mo, a’di jin ta’da Ḵrisṯẖos jin ta’da Yesus mo jin ta Tap̱am bana mo, haali/ a’di mishki aha/ mo ki aha/ tana ji isiŋ gana/ mo mmokarkina a’di aha/ ’pen ka pije/ mo mmomii to mo gom a’di mo,

IBRANIYIIN 1:1

Eya ris bway kun ’ko ki she/ ki she/ mo tani Arumgimis ṯorki gwo e ibabam bana kadhamo/ mo ki imanc̱i gwom piti kadhamo/ mo.

IBRANIYIIN 3:2

A’di ta a’di jin ta a’di isiŋ gana/ mo gom a’di jin karki a’di ’pen ka pije/ mo, me’da Musa mo mmotakina a’di isiŋ gana/ mo si’da/ e gu’b ma Arumgimis mo.

IBRANIYIIN 3:4

(Haali/ aris gu’b ki she/ ki she/ nyaŋkunu ki ’kwani mo, hili amannyaŋa ris to ’baar mo tani a’di ta’da Arumgimis mo be.)

IBRANIYIIN 8:5

Uni bu’thki mii me’d mo mmota ayinyjwa mo dhali a’thintha/ mii mo gom to jin ḵogu mo jin di’di momis mo. Haali/ ka Musa murki’di nyaŋ gu’b burrinye/ mo tani a’di ye’thkunu sho’k ka Arumgimis mo mmo/o gwo mo ki: Hili ki ’bore/ mo ki /e mini nyaŋa ris to ’baar mo isi ki she/mm jin ṯorkunu /e mo ’peni ’kuwosha turga/ mo be.

IBRANIYIIN 9:24

Haala Ḵrisṯẖos a’di cic̱ki’d mo, yisa e mo jin ḵogu mo jin uḵu ki me’d gi ’kwani mo, a’di jin ta’da yinyjwa gi a’din ’deŋ gana/ mo, hili e momis ki is pitiŋ gana/ mo tani, hili a’di piki’d mo ibuŋ’kus ma Arumgimis mo gom gway bana mo be.

GWO JIN ’CEENU MO 15:3

Dhali uni yuḵki gway ma Musa mo, a’di jin ta c̱iŋkina/ ma Arumgimis mo, dhali gway gi Ari Ḵa’bal mo mmo/o gwo mo ki: Miin tom pini uni caaca mo dhali to mer mo, ayy, Tap̱a Arumgimis jin Eḵa/ Eḵ mo. Miim pini ta kuŋ ḵar/e mo dhali kuŋ gana/ mo, ayy, Maliḵ jin ta ji gi she/ yil mo.