IBRANIYIIN 3:12 - Uduk New Teatament and OT Portions

¹² Hili ki ’bore/ iwaḵ mo isi ciki/ ki jin ṯal ’deŋ kamu/ ’peni bwam um mo midi diki ’taki ta ga du jin ta thus ki thus mo mmo/ush gwo gam is mo, mmosus um mmoṯa’k mo ’peni bway ma Arumgimis jin di ki e mo be.

IBRANIYIIN 3:12 Iomraidhean Croise

ṮAKWIIN 8:21

Dhali ki Tap̱a cic̱ki’da shim jin c̱iiyi mo ki c̱ii jin ’bor a’di bwa mo tani Tap̱a o gwo eya dum piti mo ki: Aha/ mina diki doḵ/e jee a’cesh mo gom ’kwani ki sule/ mo haali/ gwalal buni kun kulumkina uni gwo ibwa ta thus ki thus ’peni dhuru’c buni mo. Aha/ si’dayi mina diki ’ce’da ris to sho’k doḵ/e ki sule/ mo kun ’kon ki e kun uḵu mo me’d jin miikika/ mo.

GWAY GI IDAWUU’D 18:21

Haali/ aha/ dhukina bway gi Tap̱a mo dhali aha/ dinaki mii tonthus mmoper mo ’peni bway ma Arumgimis pem mo.

MAṮṮA 16:16

Simaan Buṯerus thoḵ a’di gwo mo ki: /E tana Ḵrisṯẖos mo, Ya/ ma Arumgimis jin di’d ki e mo be.

MAṮṮA 24:4

Dhala Yesus ki thoḵ uni gwo mo ki: Hili ki ’bore/ mo ma, ki wathin ’deŋ kamu/ midi diki sus umi dheres mo.

MARKUS 13:23

Hili ’cunycuri is bum ki ’bore/ mo. Aha/ ṯorkina um aris to gwansani ’baar mo nṯwa/a/ mo be.

MARKUS 13:33

’Cunycuri is bum ki ’bore/ mo ma dhali timi mo mo ma dhali ’thoyi mo ma, haali/ um ’koki mish mo mo atente/ jin mina mo p̱u’du/ mo be.

MARKUS 13:9

Hili ’cunycuri mii ki is bum ki ’bore/ mo ma. Haali/ uni mini c̱i um mo e montul is mo dhali um minu dor mo e gu’b gi montul is mo dhali um mini doshi bwambor imudhiir mo dhali imaliḵ mo gom gway pem mo mmoc̱i gwo ibwambori uni mo be.

LUUKA 21:8

Dhali a’di ki o gwo mo ki: ’Cunycuri mii ki is bum ki ’bore/ mo ma ki um minu ’koki susi dheres mo. Haali/ ’kwani tana ris mini iiyu/ ki gway pem mo mmo/o gwo mo ki: Aha/ tana a’di be, dhali, Mo a’di p̱u’dki’d hila/ mo tani, dhalku/ ki ii mmobaṯẖ uni isho’k mo.

RUUMIYA 11:21

Haali/ waḵki/ Arumgimis diki ṯor momiimiim piti ap̱o/ abiny cwa ka ’kup̱ ’de/ mo tani wakan si’da/ a’di midi diki ṯor a’di ki /e mo be.

KURINṮH̱UUS ’DE/ 10:12

Wakan ba/ dhalki a’din ’de/ yin jin kulum gwo ibwa mo ki a’di mishi dosh mo tani dhalki a’di hil miim piti i e ki ’bore/ mo isi ciki/ a’di midi la kum ’twa/a ’cesh mo.

KULUSSI 2:8

Jiyi mo ki e ki ’bore/ mo ki wathin ṯal ’deŋ kamu/ midi diki ’kwar um ka gwap̱i/ mo ki gwoŋ ’kwaniŋ gaŋgasha/ mo dhali ki gwo kun hekuwa he’k e kun ’ko bwa ’te/ mo, isi ki gwoŋ ’kwani en’thin dhamo/ mo kun luḵu mo, isi ki gwo ma bwa nyara/ gom gwoŋḵan gi mony’cesh yan mo, dhali yisa isi ki gwo ma Ḵrisṯẖos mo.

TASALUNIIKI ’DE 1:9

Haali/ uni ki is buni be’dki isi gwo mo gom aman mo gom han jin hankunu aman mo e bwaman um mo dhali gom mom bum jin ṯu’kkina um mo eya Arumgimis mo ’peni aris tomp̱inycon mo mmomii to gom a’di jin di ki e mo, a’di jin ta’da Arumgimis gana/ mo be,

IBRANIYIIN 10:31

A’di ta to jin ḵogu is mo mmomina ’kwani ṯa’k mo e me’d ma Arumgimis jin di ki e mo be.

IBRANIYIIN 10:38

Hili a’dim pem jin ta’da ḵar/e mo tani midi di ki e e moŋgam gwo is mo, dhali waḵki/ a’di midi guwa ’kany’cesh ka nyaŋ’ko’d mo tani aḵashiram pem midi dar gi mo jin midi ’kol ’ce mo e a’di mo be.

IBRANIYIIN 12:15

Mishi gwo ’ban mo ki wathin ṯal ’deŋ kamu/ midi diki ush me’d mo mmobudha ’the ma Arumgimis mo, dhali dar gi mo ma birman jin ḵa/aḵa/ mo mmo’ka ale/ mo dhali raḵ monṯo’c bwa mo dhali ki a’di mo tani aris ’kwani ka ris warkin ki uni kun shi/u is mo be,

IBRANIYIIN 12:22

Hili um p̱u’dkin mo e ’Kuwosh ma Sihyuun mo dhali e ’peŋkuman Bampa/ ma Arumgimis jin di ki e mo, a’di jin ta bampa/ gi momis jin ta Pa Urushaliim mo, dhali eya ris iman’doyu gwom piti kun molu deŋ e mo eya dhana tul ’kup̱ kun tula uni is mo be,

IBRANIYIIN 12:25

Hili um ki ’bore/ mo. Dhalki a’di ki ush mo, a’di jin ṯorki um gwo mo. Haali/ waḵki/ uni ’koki ye mo ki uni ushki a’di gwo mo, a’di jin rumki uni ki gwo mo e mony’cesh yan mo tani ba ana bala mina ye kata mo waḵki/ ana mina waḵ a’di mo, a’di jin rumki ana ki gwo mo ’peni momis mo?

IBRANIYIIN 3:1

Wakan iwaḵ kun ḵogu mo, um gun pwaḵkunu to gi momis mo ka yuḵ jin yuḵu mo, mmoḵwo’c jasi eya Yesus mo, a’di jin karkunu ki she/ mo dhali ta’da gasiis jin ca’d mo gom gwom bana jin pikina ana mo.

IBRANIYIIN 3:10

Wakan aha/ c̱i’thkunuwa du mo ki ’kwani ma nyaḵum yil gwansan mo, dhali o gwo mo ki: Uni isa yempa/ iikini dheres mo eya dum buni mo dhali uni ’koki mish bway pem mo.

IBRANIYIIN 3:19

Wakan ana p̱arkina uni e mo ki uni molki cic̱ mo haali/ uni ushki gwo gam is mo be.

IBRANIYIIN 9:14

bakata ’te/ imin ma bas ma Ḵrisṯẖos, a’di jin c̱i is piti ka Arumgimis mo ki Shi/in gi mo ma sule/ ya ye ’ba/ mo, a’di jin dara’d gi thalkin mo mmodiki dhelel um ’twa/ ma dum bum ’peni mii kun wukin mo mmomii to goma Arumgimis jin di ki e mo.