IBRANIYIIN 3:10 - Uduk New Teatament and OT Portions

¹⁰ Wakan aha/ c̱i’thkunuwa du mo ki ’kwani ma nyaḵum yil gwansan mo, dhali o gwo mo ki: Uni isa yempa/ iikini dheres mo eya dum buni mo dhali uni ’koki mish bway pem mo.

IBRANIYIIN 3:10 Iomraidhean Croise

ṮAKWIIN 6:6

Dhali Tap̱a ḵalki bwan diṯi’d mo ki a’di uḵki ’kwani e mony’cesh mo dhali a’di jwakaṯki a’di adum piti mo.

GWAY GI IDAWUU’D 147:20

Kal gi ’kwanin tiya dina a’di ki ṯu/ul ki mii gi wakan mo. Uni ’koki mish gwoŋḵan piti kun onu mo. Maŋi Tap̱a mo.

GWAY GI IDAWUU’D 67:2

ki bway pini minu mish mo ap̱o/ mony’cesh mo, dhali mom’bi’th pini jin tana /e ata is ki me’d mo e bwaman kal gi ’kwaniny’cesh mo.

GWAY GI IDAWUU’D 78:40

Me’d wana risa kun pisha uni is ka le’da p̱o/ a’di e mombwaasho mo dhali jwakaṯ a’di adum piti e bwam ma si’b mo.

GWAY GI IDAWUU’D 78:8

dhali ki uni mini ’taki ’koki waki ibabam buni mo, mmota ga du jin tana wa’ba/ mo dhali ta anyaḵum yil kun mini pish is ka le’d mo, uni gun mini ta anyaḵum yil kun min ma du ṯel shoka ’cesh mo, uni gun mini ta ga ḵashira/ kun mini ’koki ta ku isiŋ gana/ goma Arumgimis mo.

GWAY GI IDAWUU’D 95:10

Ki yila issu/ mo tani aha/ jwakaṯkunuwa du mo gom ’kwani ma nyaḵum yil gwan mo, dhali o gwo mo ki: Uni ’kwani gwansan uni tan ma dum buni ṯẖuthu/ ki ṯẖuthu/ mo, dhali uni ’koki dhu gwo ki bway pem mo.

MAṮṮA 20:24

Dhali ki uni gun ’koni ’kume’d ciḵki gwo yan mo tani uni ’kokin ka nyor mo ap̱o/ uni su/ gwansan mo kun ta ikam mo be.

MARKUS 3:5

Dhali a’di ki hil mo mo mmo’kar mo ki e mo ka nyor e uni mo mmoḵal bwa diṯ mo goma dum buni kun ’bitha’bi’th mo. Dhali a’di ki o wathi/ gwo mo ki: Hethi me’d pini mo ma. Dhali a’di he’thki a’di mo dhali me’d piti wac̱kunu mo be.

YOHAAN 8:45

Hili haali/ gom gwoŋ gana/ jin ṯorka/ um mo tani um ’koki gam aha/ gwo is mo be.

RUUMIYA 1:28

Dhali haali/ Arumgimis usha uni mmonyiṯẖ mo tani Arumgimis si’da/ c̱iki uni bway mo mmota gi bwa kun mini ta aye/iŋ gwo mo dhali ki mii kun shi/ashi/ mo be.

RUUMIYA 3:7

Hili waḵki/ gwoŋ gana/ ma Arumgimis ishkina monycam piti mo goma ṯor pem mo tani atinta iwaḵkunu aha/ mo me’d wathi/ jin miiki miinthus mo si’da/?

EP̱ASUS 4:30

Dhali dhalku/ ki jwakaṯ Shi/in Dheleladhelel ma Arumgimis mo e a’di jin ’dap̱kunu um ’twa/ mo goma tee gi wanuwa wan ’ba/ mo be.

IBRANIYIIN 3:12

Hili ki ’bore/ iwaḵ mo isi ciki/ ki jin ṯal ’deŋ kamu/ ’peni bwam um mo midi diki ’taki ta ga du jin ta thus ki thus mo mmo/ush gwo gam is mo, mmosus um mmoṯa’k mo ’peni bway ma Arumgimis jin di ki e mo be.