IBRANIYIIN 3:1 - Uduk New Teatament and OT Portions

¹ Wakan iwaḵ kun ḵogu mo, um gun pwaḵkunu to gi momis mo ka yuḵ jin yuḵu mo, mmoḵwo’c jasi eya Yesus mo, a’di jin karkunu ki she/ mo dhali ta’da gasiis jin ca’d mo gom gwom bana jin pikina ana mo.

IBRANIYIIN 3:1 Iomraidhean Croise

GWAY GI IDAWUU’D 110:4

Tap̱a thulki gwo me’da p̱o/ mo dhali a’di midi diki aḵ bwam piti e mo: /E tana gasiis ki sule/ sule/ mo mmobaṯẖa cuḵ ma Malkisaadag isho’k mo be.

YOHAAN 17:3

Dhali moŋ’koki/e ki sule/ sule/ ya ye ’ba/ mo a’dan be, ki uni mini mish /e mo, ki /e tana Arumgimis gana/ /e ’de/ ki lish mo, dhala Yesus Ḵrisṯẖos, a’di jin hashkina /e mo be.

YOHAAN 20:21

Yesus ki o uni gwo doḵ/e mo ki: Moŋḵu’th is midi di e um mo. Me’d jin hashkin ma Baba aha/ mo tani isi kan si’da/ aha/ hashkina um mo be.

YOHAAN 20:27

Dhali yan’ko’d a’di ki owa Ṯuuma gwo mo ki: Kari me’d pini imahan mo dhali p̱ari me’d pem e mo, dhali hethi me’d pini mo dhali dwari a’di e gwar pem mo. Dhalku/ ki di ki dar gi gwo jin gamu is kan mo, hili gami gwo is mo ma.

MII GUN MIINU MO 1:15

Dhali ka cim gwansan mo tani Buṯerus doshki’d ki mis mo ibwaman ma waḵ buni mo dhali o gwo mo ki: (dhala waambuhany ’kwani tul isi monṯal ’de/ mo uni wana e ki issi pe’de/ mo be).

RUUMIYA 11:17

Dhali hili waḵka bin tiya ḵwa/kunu mo tani dhali /e jin tana ale/ ’te/ ’pena seṯuun jin ’kaki is piti ’te/ ḵamkunu mo e embul buni mo tani mmonyaḵ pa ta ki cwa seṯuun ’te/ mo tani

RUUMIYA 15:27

Uni ’kokina bwa mmo’bor mo mmomii a’di mo dhali ka jiŋ gana/ uni ’kon ma mure/ m’ba/ mo gom uni mo, haali/ waḵki/ ’kwani kun ’koki ta ’Kwani Yahuuda/ daḵa p̱u’dkin mmopwaḵ to gi shi/in buni bwa mo e mom’bor mii mo tani uni ḵa si’da/ ba/ mini ta imanmii uni to ki mom’bor mii ki to gun isha e uni mo be.

RUUMIYA 15:8

Haali/ aha/ ṯora um gwo ka Ḵrisṯẖos warki’d ki c̱iŋkina/ e mo jin ’ciṯẖuwa munyjal yis mo mmoṯora Arumgimis gwoŋ gana/ mo mmothim gwo jin onu is yan jin c̱ikunu idhan ibaba mo be.

RUUMIYA 9:24

me’d isi anayi kun yuḵkina a’di mo, yisa jasi ’peni ’Kwani Yahuuda/ uni ’cena yisa si’da/, hili ’peni ’kwani kun ’koki ta ’Kwani Yahuuda/ mo be.

KURINṮH̱UUS ’DE/ 1:2

A’di ’kwarkunu goma ḵaniisa ma Arumgimis jin di’d e Paŋ Kurinṯẖuus mo, e uni gwansan kun dhukunu ki she/ mo eya Ḵrisṯẖos jin ta’da Yesus mo, uni gun yuḵkunu mo mmodhu ki she/ ki dhelel dhelel mo imonṯal ’de/ nyaḵka ris uni gwansan kun ’kokin mo e mo ’baar mo kun yuḵki gway gi Tap̱am bana jin ta’da Yesus Ḵrisṯẖos mo, a’di jin ta Tap̱am buni mo dhali Tap̱am bana mo be.

KURINṮH̱UUS ’DE/ 10:17

Haala guraasa maaŋḵuthu’d ṯal ’de/ mo, ba ana kun tana ris mo tani ana ṯala ’de/ e buŋgwar isa ’de/ mo be. Haali/ ana ’baar mo nyaḵkina guraasa maaŋḵuthu’d yan mo be.

KURINṮH̱UUS ’DE/ 9:23

Aha/ miikina a’di ’baar mo gom gway gi gwom ’borga/ mo ki aha/ minu ’taki pwaḵ mom’bor miim piti mo be.

KURINṮH̱UUS SU/ 1:7

Mo ma ’teŋ kap̱em bam mo gom um mo tani a’di molu yiḵin is mo haali/ aman misha ki um pwaḵki mo gi isa nyor baman bwa mo tani um si’da/ minu nyaḵ momalas baman pwaḵ mo be.

KURINṮH̱UUS SU/ 9:13

E bwaŋ’kwariny mo yansan jin nyo/u mo gom mo jin miinu to mo tani um mini kara Arumgimis ki ca mo gom gwo jin hana um e mo mmomii mo gom monyiṯẖ jin nyiṯẖkina um gwom ’borga/ ma Ḵrisṯẖos mo dhali gom to jin c̱ina um ka ’ka’d me’di is mo gom uni mo dhali gom cin tiya ’baar mo si’da/.

EP̱ASUS 3:6

Ba kani a’di ita gwo gom ’kwani kun ’koki ta ’Kwani Yahuuda/ mo mmonyaḵ mal mo, mmota waḵa ’de/ mo e buŋgwar is mo dhali mmonyaḵ gwo pwaḵ bwa jin onu is eya Ḵrisṯẖos jin ta’da Yesus ki gwom ’borga/ mo be.

EP̱ASUS 4:1

Wakan aha/ jin tana habuus gom Tap̱a mo yuḵkina um mo mmoshuwa shum bway ki mii kun ha me’d mo ka yuḵ jin yuḵkunu um mo be

EP̱ASUS 4:4

Buŋgwar isi ṯal ’de/ mo dhali Shi/ini ṯal ’de/ mo jasi me’d jin ’kokunu mo mmoyuḵ um mo e mo ma ’teŋ kap̱en ’de/ mo, a’di jin ta’da yuḵ bum jin yuḵkunu mo,

P̱ILIBBI 3:14

aha/ gusa ur to i’ko’d mo e mo jin tanu gi ’kup̱ to mo mmogam ’kup̱a ŋwa ’pena yuḵ ma Arumgimis ’peni momis mo eya Ḵrisṯẖos jin ta’da Yesus mo be.

KULUSSI 1:12

mmoc̱iya Baba bwam ’boro’di is mo, a’di jin thumki ana mo mmonyaḵ mal pwaḵ ki uni kun dhunu ki she/ ki dhelel dhelel mo e moŋkush mo be.

KULUSSI 1:22

a’di shwane/ gwamki’da gwam mo ki is piti mo jin ta shuman is ki jwam piti mo, ki mii gi wakan mo tani a’di midi ṯor um eya tente/ mo me’d ku gun dhelelkin mo dhali kun dar gi thalkin mo dhali ku gun mini dar gi mo ma waḵ ibwambori a’di mo,

KULUSSI 3:12

Wakan, hithi ma mii gwansan mo, me’d uniŋ gana/ kun kwanykin ma Arumgimis mo, um kun dhelelkin mo dhali kun enu mo, mii gi wakansan mo kun ta mii kun ḵwojuwa ḵwo’c e i is mo dhali mii kun miinu ki bwaŋkush mo dhali mii gun dhunu is ki gwa’d mo dhali mii kun miinu ka ’thup̱ e mo dhali mii kun ’kuc̱u bwa ki ’kari’th mo,

TASALUNIIKI ’DE 2:12

mmo’ko ’ko jin ha me’d mo goma Arumgimis mo, a’di jin yuḵki um mo e bampam pitiŋ gana/ mo dhali monyca mo be.

TASALUNIIKI ’DE 5:27

Aha/ ḵankina um gwo mo ki gwon Tap̱a mo ki gwo yansan minu deŋ e mo goma risa waḵi ’baar mo be.

TASALUNIIKI SU/ 1:11

Itagi ’pemen yan mo isa yempa/ mo tani aman ’thokina mo gom um mo ka Arumgimis bana midi dhu um ki uni kun ha me’d mo ka yuḵ piti mo dhali thima ris ’kup̱ mii ’baar mo kun ’boron mo dhali mii kun piyin mo ’peni mo jin gamu gwo is mo ki mom’bi’th piti mo.

TASALUNIIKI SU/ 2:14

E mii yan mo a’di yuḵkina a’di um mo e gwom ’borgam bam mo, wakan ki um mini bu’th monyca gi Tap̱a Yesus Ḵrisṯẖos bana mo be.

ṮIMUṮH̱AWUUS ’DE/ 6:12

Asi ki as gana/ mo gom moŋgam gwo is mo. Budhi a’di ki nyeŋ mo, a’di jin ta mondiki/e ki sule/ ya ye ’ba/ mo, a’di jin yuḵkunu /e nycine/ mo me’d jin pikina /e gwom ’boro’d mo gom a’di mo e buŋ’kusi iman/o gwo ka ris mo.

ṮIMUṮH̱AWUUS ’DE/ 6:2

Uni gwansan kun takin gi itap̱a kun gamki gwo is mo tani uni mini mii ’koki dhu uni ki mon’the is mo mmo/o gwo mo ki uni ta ikam mo ’te/. Hili uni mini mii dhal mii yan e i is mo mmomii aris to ’baar mo ki ’bore/ ki nyanye/ mo haali/ uni gwansan kun miina c̱iŋkinam buni to mo tani ta uni kun gamki gwo is mo dhali uni gun enu mo be. Ṯori gwo mo dhali ṯirrishi gwo mo goma ris to gwansan kun minu mii mii mo.

ṮIMUṮH̱AWUUS SU/ 1:9

a’di jin woṯẖki ana mo dhali yuḵ ana mo ka yuḵ jin ḵogu mo, yisa gom miim bana jin ha me’d mo, hili ki miim piti kun ha me’d mo e ’kup̱ miim pitiŋ gana/ yan mo dhali a’the jin c̱ikina a’di ana mo tani eya Ḵrisṯẖos jin ta’da Yesus mo ki yil ka risi ṯwa/a/ mo,

ṮIMUṮH̱AWUUS SU/ 2:7

Kulumi gwo ibwa mo gom gwo kun oka/ mo haali/ Tap̱a a’di midi c̱i /e mo jin mishu gwo ’ban mo goma ris to ’baar mo be.

IBRANIYIIN 10:19

Wakan iwaḵ mo, me’d jin takina ana ki mo jin wuna ana a’di jwa i is mo mmocic̱ mo e mo jin ḵogu mo ka bas ma Yesus mo

IBRANIYIIN 10:21

dhali me’d jin takina ana ka dhana gasiis jin caaca mo e gu’b ma Arumgimis mo tani

IBRANIYIIN 10:23

Dhalki ana budha ki ri’d mo ma ’teŋ kap̱em bana jin mina ana pi ki dar gi monṯosh mo, haali/ a’di jin oki gwo is mo tani a’di ta a’diŋ gana/ mo be.

IBRANIYIIN 13:22

Aha/ yip̱a ’kup̱ ’kup̱ki um iwaḵ mo. Thonaa/ me’di ’ko’d mo ki gwom pem jin malaskika/ um mo haali/ aha/ ’kwarkina um gwo ki e ’pe’pere/ mo.

IBRANIYIIN 2:11

Haali/ a’di jin dhagamki’da dhagam mo dhali uni gwansan kun dhagamkunu mo tani uni takin gi mo ma ṯel ’pen jin ta’da ’kaŋ’kup̱ mo. A’di ḵa ba/ idina is ki ’the a’di mo mmoyuḵ uni ki iwaḵ piti mo,

IBRANIYIIN 2:17

Wakan a’di ḵa ba/ iṯuju mmowa e ki iwaḵ piti mo eya ris ’twaŋkal kuku/ mo, wakan ki a’di midi ’taki war ka gasiis jin ca’d mo jin ta’da manmiimii mo dhali jin ta isiŋ gana/ mo, e mo jin miinu to goma Arumgimis mo, mmomii mii jin ta ji ma the/m me’d gom miinthus gi ’kwani mo be.

IBRANIYIIN 3:12

Hili ki ’bore/ iwaḵ mo isi ciki/ ki jin ṯal ’deŋ kamu/ ’peni bwam um mo midi diki ’taki ta ga du jin ta thus ki thus mo mmo/ush gwo gam is mo, mmosus um mmoṯa’k mo ’peni bway ma Arumgimis jin di ki e mo be.

IBRANIYIIN 3:14

Haali/ ana pwaḵkunu to eya Ḵrisṯẖos mo waḵki/ ana jasi ’te/ mo mina bu’th monyjwam bana jin wuna ana a’di i isi ṯwa/a/ mo mmoṯel sho’k mo ntagi ’pemen mo,

IBRANIYIIN 6:20

mo c̱aan jin yakin ma Yesus nṯwa/a/ mo gom gway bana mo mmotakina a’di agasiis jin ca’d mo ki sule/ sule/ mo mmothuḵ mii ma Malkisaadag mo be.

IBRANIYIIN 7:26

Haali/ a’di ha me’d ki haŋ gana/ mo ki ana mina ’taki ta ga gasiis jin ca’d gi wakan mo, a’di jin ḵogu mo dhali a’di jin dar gi mii ’ba/ mo dhali a’di jin dar gi mo jin nyo/o’d mo, dhali a’di jin ḵwa/i is mo ’peni imanmii miinthus mo, dhali a’di jin karu ki ca mo ap̱o/ momisi ’baar mo.

IBRANIYIIN 7:28

Ka jiŋ gana/ gwoŋḵan jin c̱inu mo dhuki ’kwani ’pen ka pije/ mo e moŋ’ka’d is buni mo mmota igasiis kun can mo, hili gwo jin thulu me’da p̱o/ mo jin p̱u’dki’di ’ko’d mo ’ko’di gwoŋḵan jin c̱inu mo tani, a’di karki Ya/ ka pije/ mo, a’di jin karu mmota a’di jin ’boro’d ki ’bor gana/ ki sule/ sule/ ya ye ’ba/ mo.

IBRANIYIIN 9:11

Hili ka Ḵrisṯẖos piki’d mo mmota gasiis jin ca’d mo gom tom ’boron mo kun p̱u’dkin mo tani yan’ko’d e a’di jin ta gu’b burrinye/ jin bol a’di e ki ca mo dhali jin bol a’di e ki ’bor mo (a’di jin ’konuki uḵ ki me’d gi ’kwani mo, a’di jin diki ta mo jin uḵuwa uḵ mo e mony’cesh yansan mo)

IBRANIYIIN 9:15

Wakan a’di ta a’di jin doshki’da galany mo mmota gwon this jin gamu me’d mo. Wakan, ki uni gwansan kun yuḵkunu mo mini ’taki bu’th mal gi mo ma sule/ sule/ ya ye ’ba/ mo jin onu gwo is mo, haali/ mowuŋ kamu/ bu’thki mo mo, a’di jin wanki uni ’ba/ mo ’peni gwon dhaŋ mo e bwaŋ’kwariny gwo jin ṯwa/a/ jin gamu me’d mo.

BUṮERUS ’DE/ 2:9

Hili um ta emen kun kwanykunu mo dhali imanmii mii ma gasiis jin waki ji ma maliḵ mo, dhali um ta kal gi ’kwani kun ḵogu mo, dhali um ta ’kwani ma Arumgimis ki is pitiŋ gana/ mo, ki um mini bah eya tente/ mo miim ’borgam piti mo, a’di jin yuḵki um mo ’peni bwam mondhurumi’d mo e moŋkush piti jin ta momer mo.

BUṮERUS ’DE/ 3:5

Wakan ’thissa/ up̱ kun dhelelin mo, uni kun tan ga ’teŋ kap̱e/ eya Arumgimis mo tani nyoŋki is buni mo dhali ’dap̱ ’twa/ mo e gwo gi ikaṯẖim buni mo,

BUṮERUS ’DE/ 5:1

Wakan aha/ malaskina jwahaŋ ’kwaniŋ ḵaniisa mo e bwam um mo, me’d jin taka/ garr jin ta jwaha/ si’da/ mo dhali ta aman/o gwo mo gom isa nyor ma Ḵrisṯẖos mo dhali me’d jin bu’thkika/ monycam piti si’da/ jin minu ṯor eya tente/ mo be.

BUṮERUS ’DE/ 5:10

Dhali ’ko’di mo jin ’koshkina um is ka nyor ki ari mo mo tani Arumgimis jin ta’d ga ’the ’baar mo dhali a’di jin yuḵki um mo e monycam piti jin di’d ki sule/ sule/ mo eya Ḵrisṯẖos mo tani a’di ki is piti midi thoson um ki ’dantar mo, dhali ṯel um sho’k mo dhali ’bi’th um is mo be.

YOHAAN ’DE/ 1:3

a’di c̱aan jin misha aman mo dhali ciḵ mo tani ṯora aman um eya tente/ si’da/ mo ki um si’da/ mini nyaḵ to mii ki aman mo dhali tom bana jin nyaḵa ana mii mo tani nyaḵka Baba mo dhali nyaḵki Ya/m piti jin ta’da Yesus Ḵrisṯẖos mo be.

YAHUUSA 1:1

Yahuusa jin ta c̱iŋkina/ ma Yesus Ḵrisṯẖos mo dhali jin ta’da kam ma Yakuub mo. E uni gwansan kun yuḵkunu mo ki ku gi en ma Arumgimis jin ta’da Baba mo dhali kun dhunu goma Yesus Ḵrisṯẖos mo be.

GWO JIN ’CEENU MO 17:14

Uni mini mii mo/as ap̱o/ Ari Ḵa’bal mo, dhali Ari Ḵa’bal midi p̱i uni e mo haali/ a’di ta Tap̱a jin di’da p̱owa ris itap̱a mo dhali a’di ta’da Maliḵ jin di’da p̱owa ris imaliḵ mo dhali uni gwansan kun nyaḵ ’ko ki a’di mo tani uni yuḵkunu mo dhali kwanykunu mo dhali ta uni kun ta isiŋ gana/ mo.

GWO JIN ’CEENU MO 18:20

’Kunyi bwa mo ma, ap̱owa yim mo, ayy um ’kwani kun ’koni momis mo, ayy um kun dhunu ki she/ ki dhelel dhelel mo dhali um kun dhunu ki she/ mo dhali imanc̱i gwo mo, haali/ Arumgimis c̱iki um gwon dwall jin minu tor gwo ’twa/a ’cesha p̱owa yim mo.