IBRANIYIIN 2:9 - Uduk New Teatament and OT Portions

⁹ Hili ana p̱arkina Yesus e mo, a’di jin diki’d ki ari mo mo mmokarkunu a’di ki gwa’d mo ki iman’doyu gwo mo tani a’di shumkunu mo ki monyca mo dhali montaḵ mo gom isa nyor jin wukina a’di mo. Wakan ka ’the ma Arumgimis mo tani a’di midi ’taki nyoḵ wu mo goma ris ’kwani ’baar mo be.

IBRANIYIIN 2:9 Iomraidhean Croise

ṮAKWIIN 3:15

Aha/ mina kar mo jin dup̱u i bwaman /e mo dhala ’bom mo, dhali e bwaman emen pini mo dhali emen ma yim mo. A’di midi pwaṯẖ /e ’kup̱ pini mo dhali /e mini ṯikina ṯiŋkilam piti ka ulmany mo.

MAṮṮA 16:28

Ka jiŋ gana/ aha/ ona um gwo mo ki ’kwanin tiya ’kon kun doshkini mahan mo shwane/ mo tani uni mini ’koki nyoḵ wu nṯwa/a/ mo ki uni ’koki p̱ar Ya/ gi ’Kwani e mo mmop̱u’du/ mo nyaḵki Bampam piti mo be.

MAṮṮA 6:28

Dhali atinta anana um is mo gom burrinye/ mo? Kulumi gwo ibwa mo ma gom jandin to kun ’kona pije/ mo mmocakina uni mo. Uni ’koki miiya ṯu’c mo walla sura thus mo be.

MARKUS 9:1

Dhali a’di ki o uni gwo mo ki: Ka jiŋ gana/ aha/ ṯora um gwo mo ki: Kun tiya ’kokin mo mmodoshi mahan mo kun mini ’koki nyoḵ wu mo nṯwa/a/ ki uni ’koki p̱ar Bampa/ ma Arumgimis e mo mmop̱u’du/ ki mom’bi’th mo be.

LUUKA 9:27

Hili aha/ ṯora um gwo ka jiŋ gana/ mo ki ’kwanin tiya doshkini mahan mo kun mini ’koki nyoḵ mowu nṯwa/a/ mo ki uni mini p̱ar Bampa/ ma Arumgimis e mo be.

YOHAAN 1:29

Dhali ka cim jiŋ ’ko’d mo tani a’di p̱arki’da Yesus e mo mmoyayu/ ’kup̱ kadhoŋ mo i a’di mo dhali o gwo mo ki: Hili mo mo ma, Ari Ḵa’bal ma Arumgimis a’di jin midi ḵal miinthus gi ’kwaniny’cesh mo be.

YOHAAN 10:17

Gom ’kup̱ gwo gi wakan mo tani Ababa enki aha/ mo haali/ aha/ karkina mondiki/em pema ’cesh mo ki aha/ mina ’taki bu’th a’di ka nyaŋ’ko’d mo be.

YOHAAN 12:32

Dhali aha/, ki aha/ minu ’de’k mo ’peni mony’cesh yan mo tani aha/ mina dira ris ’kwani ’baar mo e is pem mo be.

YOHAAN 3:16

Haali/ Arumgimis enki ’kwaniny’cesh kagahara tani a’di c̱ikina a’di Ya/m piti jin di’d ṯal ’de/ mo, ki a’diyin jin midi gam a’di gwo is mo tani midi ’taki diki this e mo hili midi ta gi mondiki/e ki sule/ sule/ ya ye ’ba/ mo.

YOHAAN 8:51

Ka jiŋ gana/, ka jiŋ gana/ aha/ ṯora um gwo mo ki: Waḵki/ wathin ṯal ’deŋ kamu/ midi dhu gwom pem mo tani a’di midi diki p̱ar wu e ki sule/ mo be.

YOHAAN 8:52

Dhali ’Kwani Yahuuda/ ki o a’di gwo mo ki: Shwane/ aman misha ki /e tana ga ruma ’cesh mo. Ibrahiim wuki’d mo ba/, me’d jin wukina imanc̱i gwo ma Arumgimis kadhamo/ mo dhali i/e a’di i/on ki: Waḵki/ wathi/ midi dhu gwom pem mo tani a’di midi diki nyoḵ wu ki sule/ mo be.

MII GUN MIINU MO 2:33

A’di mmokaru a’di ki ca e me’da bim poros ma Arumgimis mo tani dhali mmobutha a’di gwo ’peni Com jin onu is gom Shi/in Dheleladhelel mo tani a’di gac̱ki’da pije/ mo a’di yan jin misha um mo dhali jin ciḵa um si’da/ mo.

MII GUN MIINU MO 3:13

Arumgimis ma Ibrahiim dhala Is/hak dhala Yakuub, Arumgimis gi ibabam bana, karki ca gi c̱iŋkinam piti ka Yesus eya tente/ jin c̱ikina um mmowu mo dhali jin waṯkina um gway mo ibwambor ma Bilaaṯus mo ki a’di dina gwo ibwa mo mmo’cuḵ a’di mo be.

RUUMIYA 5:18

Dhali wakan si’da/ gom gwon dhaŋ gi wathin ’de/ mo tani gwon dwall p̱u’dki’d ap̱o/ aris ’kwani ’baar mo e miiwaḵ mo be. Dhali wakan si’da/ gom jan ṯal ’de/ jin mii’d ki mii ma ḵar/e mo tani mo jin dhunuwa dhu ka p̱o/ ki moŋ’koki/e mo p̱u’dki’d mo eya ris ’kwani ’baar mo be.

RUUMIYA 5:8

Hili Arumgimis ṯorki mo/en piti gom ana mo haali/ ki ana ’kokina mo mmota imanmii miinthus naskina/ mo tani aḴrisṯẖos wuki’d gom ana mo be.

RUUMIYA 8:3

Haali/ Arumgimis ’baarki a’di jin mola gwoŋḵan jin c̱inu mii mo haali/ a’di ’ka’da’d mo e buŋgwar is mo mmohashkina a’di Ya/m pitiŋ gana/ mo e jamas gi buŋgwar is gi miinthus jin shi/ashi/ mo dhali gom miinthus si’da/ tani a’di waḵki miinthus e buŋgwar is mo be.

RUUMIYA 8:32

A’di jin diki non Ya/m pitiŋ gana/ mo hili a’di c̱iki a’di mmowu mo goma ris ana ’baar mo tani mina a’di diki c̱i ana aris to ki nyanye/ ka ’the si’da/ nyaḵki a’di mo ’taa?

KURINṮH̱UUS SU/ 5:15

Dhali a’di wuki’d mo gom ’kwani ’baar mo ki uni gwansan kun ’kon mo mini doḵ/e ’koki ’ko mo gom buŋgwar is buni mo hili gom a’di mo jin wuki’d mo gom gway buni mo dhali jin ’de’kkunu mo be.

KURINṮH̱UUS SU/ 5:21

Gom gway bana mo tani a’di ki kar a’di mo mmota ji gi miinthus mo, a’di jin molki miinthus mo. Wakan e a’di mo tani ana minu dhuku/ mo ki ku ma ḵar/e mo goma Arumgimis mo be.

GALATHIYYA 4:4

Hili ka tee p̱u’dki’d mo mmothimkunu a’di mo tani Arumgimis hashki Ya/m piti mo, a’di jin dhodhu ’pena ’bom mo dhali a’di jin dho’thkunu mo e bwaŋ’kwariny gwoŋḵan jin c̱inu mo be, mmowan uni gwansan ’ba/ mo, uni kun ’kokin mo e bwaŋ’kwariny gwoŋḵan jin c̱inu mo,

ṮIMUṮH̱AWUUS ’DE/ 2:6

a’di jin c̱iki is piti mo mmota to jin wani ’kwani ’baar mo ’ba/ mo. Gwonṯor gom a’di mo tani a’di ṯorkunu mo ki embul ma teem piti mo.

IBRANIYIIN 1:9

/E enki mii ma ḵar/e mo dhali shi/ mo i e mo, mo jin ushu gwoŋḵan mii mo. Wakan Arumgimis, jin ta’da Arumgimis pini mo, a’di ’koshki /e is mo ka yin gi bwaŋ ’kunyga/ mo mmo’ce’d cin tiyam pini ap̱o/ mo.

IBRANIYIIN 10:5

Haali/ a’di gi wakan mo tani, ka Ḵrisṯẖos p̱u’dki’d e mony’cesh yan mo tani a’di ki o gwo mo ki: To kun ’ciṯẖu/ ’kus mo mmomiiya bas mo dhali to gun c̱inu mo tani /e dina bwa ki o ki a’di mo, hili buŋgwar is mo tani /e thosonki a’di gom aha/ mo be.

IBRANIYIIN 11:5

Ki moŋgam gwo is mo tani a/Aḵnuuḵ a’di bu’thkunu bway momis mo, wakan ki a’di midi ’taki diki p̱ar wu e mo. Dhali a’di yisa gamkunuwa, haali/ Arumgimis bu’thki a’di bway momis mo. Dhali nṯwa/a/ ki a’di dinuki bu’th bway momis mo tani a’di ḵalkunu gwo o mo ki a’di miiki to jin ’borki’da Arumgimis bwa mo be.

IBRANIYIIN 12:2

mmohil ’kup̱ ka Yesus mo a’di jin ta’da ’kaŋ’kup̱ mo dhali a’di jin midi thim moŋgam gwo is bana mo, ma a’di gom moŋ’kuny bwa jin diki’da bori a’di mo tani a’di ’dimki ’kup̱ mo gom cwany’ciṯẖan dhul mo mmoruḵkina a’di mo jin ’thenu is mo dhali a’di c̱a’bki’d ki me’da bim poros ma ḵursi ma Arumgimis mo be.

IBRANIYIIN 2:7

/E karki a’di gom ari mo mo mmota jin gwa’da’d ki iman’doyu gwo mo. Dhali /e shumki a’di ki monyca mo dhali ki montaḵ mo,

IBRANIYIIN 7:25

Gom ’kup̱ gwo yan mo tani a’di mishki mii mo isa yempa/ mo mmota uni gwansan is ki me’d mo, uni kun ’dishkina Arumgimis is mo ki a’di mo, haali/ a’di isa yempa/ diki’d mo mmota amanwoṯẖ gwo is gom uni mo be.

IBRANIYIIN 8:3

Haali/ iris igasiis kun can uni dhukunu ’pen ka pije/ mo mmoc̱i to gun c̱inu ki me’d mo dhali mmo’ciṯẖ to/e ’kus mo mmomiiya basa ’cesh mo. A’di gara/ iminu mii ŋap̱a ŋap̱ goma gasiis yansan mmomii ta gi toŋ kamu/ si’da/ jin mina a’di mii c̱i mo mmomiiya bas mo be.

BUṮERUS ’DE/ 1:21

E a’di mo tani um takin gi mo jin wunuwa Arumgimis jwa i is mo, a’di jin cuki a’di mis ’peni mowu mo, dhali c̱i a’di monyca mo, wakan ki moŋgam gwo is bum mo dhali mo ma ’teŋ kap̱em bum mo mini ’ko eya Arumgimis mo be.

YOHAAN ’DE/ 2:2

dhali a’di ita moŋgwam gom miinthus bana mo, dhali yisa jasi gom kum bana yisa, hili si’da/ gom miinthus gi ’kwaniny’ceshi ’baar mo be.

GWO JIN ’CEENU MO 19:12

Em piti wana e ka le’dan o’d mo dhali e ’kup̱ piti mo tani aris toŋ’kup̱ ma maliḵ ’tamkunu e ’kup̱ piti mo. Dhali a’di yuḵkunu gway ka nyi’da/ nyi’da/ mo, a’di jin mola wathin ṯal ’deŋ kamu/ mo, hili a’di ki is piti imishki’d mo be.

GWO JIN ’CEENU MO 5:9

Dhali uni yuḵki gway this mo mmo/o gwo mo ki: /E a’di ta a’di jin ha me’d mo mmobu’th yiṯ yansan jin ’kuc̱u is mo dhali mmoḵa’da ’diŋkilam piti jin ’dap̱u a’di ’twa/ mo, haali/ /e ’koshkunu jwa mo, dhali ka bas pini mo tani /e wanki ’kwani ’ba/ mo goma Arumgimis mo ’peni arisa waḵ kun ’ko ’kwani e ki she/ ki she/ mo dhali ’peni aris ’twa/ kun wala ’kwani ki she/ ki she/ mo dhali ’peni ’kwani kun ’kona e ki she/ ’peni tiya mo dhali ’peni kal gi ’kwaniny’cesh/ mo