IBRANIYIIN 2:8 - Uduk New Teatament and OT Portions

⁸ mmodhukina /e aris to ’baar mo e moshirr piti e bwaŋ’kwariny sho’k piti mo be. Dhali goma ris to gun dhukunu mo e moshirr gi ’kwaniny’cesh mo tani a’di diki dhal toŋ kamu/ ka pije/ mo ’peni moshirr piti mo. Me’d jin dina a’di kan mo tani, ana ’konaki p̱ara ris to e naskina/ mo e moshirr piti mo.

IBRANIYIIN 2:8 Iomraidhean Croise

GWAY GI IDAWUU’D 2:6

Aha/ karkina maliḵ pem mo ap̱owa Sihyuun, a’di jin ta wosh pem jin ḵogu mo.

GWAY GI IDAWUU’D 8:6

/E c̱iki a’di mo jin tanu tap̱a ap̱owa risa ṯu’c gi me’d pini mo dhali /e dhukina ris to ’baar mo e bwaŋ’kwariny sho’k piti mo

MAṮṮA 28:18

Dhala Yesus p̱u’dki’d mo dhali o uni gwo mo ki: Aris moshirri ’baar mo e momis mo dhali apo/ mony’cesh mo tani uni c̱ikunu aha/ mo be.

YOHAAN 13:3

Yesus mmomishkina a’di ki Com c̱iki’da ris to ’baar mo e me’d piti mo dhali mmop̱u’dkina a’di ’peni Arumgimis mo dhali mmomina a’di doḵa Arumgimis ka nyaŋ’ko’d mo tani

YOHAAN 3:35

Haali/ a’di jin ta Com enki Ya/m piti mo dhali c̱iya ris to ’baar mo e me’d piti mo be.

KURINṮH̱UUS ’DE/ 15:27

Haali/ Arumgimis dhuki’da ris to ’baar mo ’ko’di me’d piti mo e bwaŋ’kwariny sho’k piti mo be. Hili ki a’di o gwo mo ki: Aris to ’baar mo dhukunu mo ’ko’di me’d piti mo e bwaŋ’kwariny a’di mo tani a’di di’da tente/ ba/ ki a’di jin dhuki’da ris to ’baar mo e bwaŋ’kwariny me’d piti kan mo tani a’di di’d ka p̱o/ mo be.

IBRANIYIIN 1:13

Hili eya man’doyu gwo jana sa/ i/ona a’di gwo mo me’d ’de/ mo ki: C̱a’bi /e aha/ ki me’da bim poros pem mo ntagi aha/ mina dhu ’kup̱ pini mmota cwam pini jin mina /e idhu sho’k mo?

IBRANIYIIN 1:2

Hili ka tee kuŋ ’ko’d gwansan mo tani a’di ṯorki gwo e ana ki a’di jin ta Ya/ mo be, a’di jin karkina a’di ’pen ka pije/ mo mmota amanbu’th mal gom to ’baar mo. Dhali e a’di mo tani mony’cesh si’da/ uḵkina a’di mo be.

IBRANIYIIN 2:5

Haali/ Arumgimis diki kar gwo gi moshirr mo ap̱o/ iman’doyu gwo mo gom to gun ta kun this kun minu mii e mony’cesh yan mo, a’di jin ’kokina ana mo mmo/o mo.

BUṮERUS ’DE/ 3:22

a’di jin cic̱ki bway momis mo dhali a’di jin diki’d ka bim poros ma Arumgimis mo nyaḵki aris iman’doyu gwo mo dhali ki moshirr mo dhali mom’bi’th kun ’dap̱ki ’twa/ ki a’di mo be.

GWO JIN ’CEENU MO 1:18

dhali aha/ tana jan ṯal ’de/ jin di’d ki e mo. Aha/ wukina mo dhali hili mo mo ma, aha/ dikina ki e mo gom ki sule/ sule/ ya ye ’ba/ mo dhali aha/ takina ga mup̱tha/ gi Mowu mo dhali Mo ma Haawiya mo be.

GWO JIN ’CEENU MO 1:5

Dhali ’pena Yesus Ḵrisṯẖos, a’di jin ta isiŋ gana/ gi gwo jin onu mo, a’di jin ta’da bwanyara/ gi mowu mo dhali ta tap̱a ap̱o/ imaliḵ kun ’koni mony’cesh mo. E a’di, a’di jin enki ana mo dhali dhu ana ki ’kus mo ’peni miinthus bana mo ka bas piti mo,