IBRANIYIIN 2:5 - Uduk New Teatament and OT Portions

⁵ Haali/ Arumgimis diki kar gwo gi moshirr mo ap̱o/ iman’doyu gwo mo gom to gun ta kun this kun minu mii e mony’cesh yan mo, a’di jin ’kokina ana mo mmo/o mo.

IBRANIYIIN 2:5 Iomraidhean Croise

MAṮṮA 24:14

Dhali gwom ’borga/ gi Bampa/ gi Momis mo tani minu mii c̱ika pije/ e mony’ceshi ’baar mo me’d gwo jin c̱inu gom kal gi ’kwaniny’ceshi ’baar mo, idhali yan’ko’d mo tani ’pemen midi p̱u’du/ mo be.

IBRANIYIIN 13:14

Haali/ mmahan mo tani ana dara gi ’peŋkuman bampa/ jin ta a’di jin midi di ki sule/ sule/ mo, hili ana simma ’peŋkuman bampa/ e mo jin midi p̱u’du/ mo be.

IBRANIYIIN 6:5

dhali uni kun nyoḵki mo jin ’kunya gwo ma Arumgimis mo dhali aris mom’bi’th kun mini p̱u’du/ ki she/ yil mo,

BUṮERUS SU/ 3:13

Hili ki isi gwom piti jin onu is mo tani ana c̱ora momis kun ta kun this mo dhali mony’cesh jin ta jin this mo, a’di jin mina mo ma ḵar/e nyc̱a’bi cine/ mo be.

GWO JIN ’CEENU MO 11:15

Dhali yan’ko’d aman’doyu gwo jin ’kon ma p̱o/i pesu/ mo tani dhalki’da poomem piti me’d mo be, dhala dhan ’twa/ kun caaca gwoyunu/ mo ’peni momis mo mmo/oyu/ gwo mo ki: ’Peŋkuman bampa/ gi mony’cesh mo tani a’di warki’d ki ’peŋkuman bampa/ gi Tap̱am bana mo dhala Ḵrisṯẖos jin ta jim piti mo, dhali a’di midi ta Tap̱a gom ki sule/ mo dhali ki sule/ mo be.