IBRANIYIIN 2:4 - Uduk New Teatament and OT Portions

⁴ ka Arumgimis di’d si’da/ mmoḵal gwo o ki jamas mii mo kun miikina a’di mo dhali aris momer mo dhali aris miimer kun ’kona e ki she/ ki she/ mo dhali ki to kun c̱inu ki me’d ki Shi/in Dheleladhelel mo, kun pwaḵkunu bwa mo isi ki bwam pitiŋ gana/ mo be.

IBRANIYIIN 2:4 Iomraidhean Croise

MARKUS 16:20

Dhali uni iikin mo mmoc̱i gwo mo eya ris mo ’baar mo dhali Tap̱a diki’d mo mmonyaḵka ṯu’c mii ki uni mo dhali mmo’da/ki uni gwo kun c̱ina uni sho’k mo ki jamas mii kun baṯẖkunu mo be. Amen

MARKUS 6:14

Dhala Maliḵ Hirodus ciḵki gwo mo gom a’di mo, gom gway ma Yesus mishkunu e mo ’baar mo. Gom kun tiya o gwo mo ki: A’di ta’da Yohaan jin ta’da manmiiya mii ki yi’de/ mo jin cukunu mis mo ’peni mowu mo. A’di ’bitha wathi/ mii ki ’bi’th e a’di mo be.

YOHAAN 15:26

Hili ka Manmalas midi p̱u’du/ mo a’di jin miga/ hashu/ i um ’pena Baba mo tani isi a’diyi jin ta Shi/in gi gwoŋ gana/ mo a’di jin piyi’d ’pena Baba mo, a’di midi ta Man/o gwo gom aha/ mo be.

YOHAAN 4:48

Dhali wakan aYesus ki o a’di gwo mo ki: Isi ciki/ ki um ’koki p̱ar jamas mii e mo dhali momer mo tani um mini ’koki gam gwo is mo be.

MII GUN MIINU MO 14:3

A’di ’kona uni mmun ki rash rash mo mmo/o gwo ki dar gi monyju/ e Tap̱a mo jin c̱i gwo jin ṯenu mo gom gwo goma ’them piti mo mmoc̱i momer mo dhala dhan mii caaca kun miinu mo ki me’d buni mo.

MII GUN MIINU MO 4:10

dhalki a’di mishu mo ibwam umi ’baar mo dhala ris ’Kwani ma Israyiili ’baar si’da/ mo ki gway ma Yesus Ḵrisṯẖos gi Pa Naasira mo tani jin ’kosha um ki cwany’ciṯẖan dhul mo dhali jin ’de’kkin ma Arumgimis mo ’peni mowu mo tani e a’di yan tani wathi/ yan doshki’di mahan ibwambori um ki mowac̱ is mo be.

MII GUN MIINU MO 5:32

Dhali am tana iman/o gwo gom to gwansan am ki Shi/in Dheleladhelel si’da/ jin c̱in ma Arumgimis gom uni kun ha gwom piti e mo mmomii mo be.

EP̱ASUS 1:5

A’di ’kawurki ana mo e mo/en mo mmota iya/m piti mo eya Yesus Ḵrisṯẖos mo isi ki gwoŋ ’kup̱ bwam ’borgam piti mo

EP̱ASUS 1:9

Haali/ a’di ṯorki ana a’di i e eya tente/ mo eya ris moyuḵ mo dhali mmonyiṯẖ gwo jin c̱inu mo ki jim bag mo jin ta bwam piti mo, isi ki gwoŋ ’kup̱ bwam ’borgam piti mo, a’di jin karkina a’di eya Ḵrisṯẖos mo be

EP̱ASUS 4:7

Hili a’the c̱ikunu ana ka ’deṯe/ ’deṯe/ mo isi ki mombar to jin c̱in ma Ḵrisṯẖos ki me’d mo.

IBRANIYIIN 6:4

Haali/ a’di molu mii mo mmotash mii e mo doḵ/e gom mo jin rijuwa du is mo gom uni gwansan kun takin gi e ma du kun ’twaḵki mo ki ’twaḵ jin shi/i’d ’thissa/ mo, uni gun nyoḵki to gi momis jin c̱inu ki me’d mo dhali war ki uni gun pwaḵkunu Shi/in Dheleladhelel mo be,