IBRANIYIIN 2:3 - Uduk New Teatament and OT Portions

³ i/ana mina ye kata mo, waḵki/ ana p̱inykina is mo gom dhan gumbway mowoṯẖ yan mo? A’di baḵkunu iṯwa/a/ mo ki Tap̱a mo, dhali a’di ṯelkunu sho’k mo e ana mo ki uni gwansan kun ciḵki a’di mo be,

IBRANIYIIN 2:3 Iomraidhean Croise

MAṮṮA 23:33

Um kun ta tasha/ mo, dhali um kun ta ushin tashan ’thi/ mo, um mini mish ye kata sa/, um kun ’dap̱a’dap̱ ki bway gi mo ma al o’d kan mo.

MAṮṮA 4:17

’Pena tee c̱aan mo tani Yesus ṯelki gwo ’pen mo mmoc̱i gwo mo mmo/o gwo mo ki: Rici adu is mo ma haali/ Bampa/ gi Momis a’di p̱u’dki’d mo be.

MARKUS 1:14

Dhali ka Yohaan karkunu eya sijin mo tani Yesus p̱u’dki’d mo e Pany Jaliil mo mmoc̱i gwom ’borga/ ma Arumgimis mo

LUUKA 1:2

jasi me’d uni kun c̱ikunu ana mo ki uni gwansan ’peni ka muŋ’kup̱ mo kun ta iman/o gwo ki e mo dhali imanmii gwo mo tani

LUUKA 1:69

Dhali a’di ki ’de’k ce gi mowoṯẖ gom ana mo, e gu’b gi c̱iŋkinam piti ka Dawuu’d mo.

LUUKA 24:19

Dhali a’di ki o uni gwo mo ki: Ton tinta mo? Dhali uni ki thoḵ a’di gwo mo ki: Isi gwo goma Yesus gi Pa Naasira mo, a’di jin ta’da manc̱i gwo mo, a’di jin ta gi mii gun ’bitha’bi’th mo dhali gwo ibwambor ma Arumgimis mo dhali eya ris ’kwani ’baar mo.

YOHAAN 15:27

Dhali um si’da/ mini ta iman/o gwo mo haali/ um nyaḵki ’ko ki aha/ ’peni ka muŋ’kup̱ mo be.

MII GUN MIINU MO 1:22

mmoṯel ’pen ka cim jin miin ma Yohaan a’di ki yi’de/ mo ntaga cim jin budhu a’di mo ’peni bwam ana mo.

MII GUN MIINU MO 2:22

Um ’Kwani ma Israyiil, ciḵi gwo gwansan mo ma. Yesus gi Pa Naasira jin maŋ ma Arumgimis ibwam um ki mii kun ’bitha’bi’th dhali ka dhan mii gun caaca mo dhali momer kun miikin ma Arumgimis e a’di e bwam um me’d jin mishkina um mo.

MII GUN MIINU MO 4:12

Dhali mowoṯẖ yisa di’da e wathiŋ kamu/ yisa haali/ gwaya kamu/ yisa di’da i’bame’d momis jin c̱inu ibwaŋ ’kwaniny’cesh ki ana minu mii woṯẖ mo e a’di mo be.

RUUMIYA 11:14

jin minu dhu gwasi ’Kwani Yahuuda/ mmoṯa’c bwa mo dhali ki mii gi wakan mo tani unin tiya takunu is ki me’d mo be.

RUUMIYA 2:3

/Aki ṯosha /e, /e wathi/ ki gwo jin dwalla /e ap̱o/ uni gun miiki to gwansan mo dhali /e bala mii uni ki is pini mo tani a/e mini ye mo ’peni mondwall gwo ma Arumgimis ’taa?

KURINṮH̱UUS ’DE/ 1:21

Haali/ me’d jin tana yuḵ ji ma Arumgimis mo tani ’kwaniny’cesh ’koki nyiṯẖa Arumgimis ki yuḵ yan ’te/ mo tani a’di ’borki’da Arumgimis bwa mo mmota uni gwansan is ki me’d mo kun gamki gwo is mo eya p̱ali/ gi gwo jin c̱ikina ana uni mo be.

TASALUNIIKI ’DE 5:3

Ki ’kwani mini o gwo mo ki: Moŋḵu’th is a’diheye dhali mo jin ’konu ’kom ’pempa mo tani yan’ko’d ki jahanne/ mony’ce’d sho’k midi p̱u’d apo/ uni mo me’da nyor ma ’ci jin shwa’da ’bom mo. Dhali moŋkamu/ minu yeya?

ṮIMUṮH̱AWUUS ’DE/ 1:15

Gwo yan jin onu mo ta gwoŋ gana/ mo dhali a’di ha me’d ki haŋ gana/ mo mmobu’th a’di ’baar mo ka Ḵrisṯẖos jin ta’da Yesus p̱u’dki’d mo e mony’cesh yan mo mmowoṯẖ uni kun miiki miinthus mo. Dhali aha/ tana ’kaŋ’kup̱ jin ta’da manmii miinthus mo.

TIITHUS 2:11

Haali/ a’the ma Arumgimis mo, a’di piki’d mo gom bway mowoṯẖ mo goma ris ’kwani ’baar mo be,

IBRANIYIIN 1:1

Eya ris bway kun ’ko ki she/ ki she/ mo tani Arumgimis ṯorki gwo e ibabam bana kadhamo/ mo ki imanc̱i gwom piti kadhamo/ mo.

IBRANIYIIN 1:14

’Kona ris uni ki ta shi/in kun mii to mo, kun hashkunu mo mmomii to mo, gom gway gi uni gwansan kun mini bu’th bway gi mowoṯẖ mowa?

IBRANIYIIN 1:2

Hili ka tee kuŋ ’ko’d gwansan mo tani a’di ṯorki gwo e ana ki a’di jin ta Ya/ mo be, a’di jin karkina a’di ’pen ka pije/ mo mmota amanbu’th mal gom to ’baar mo. Dhali e a’di mo tani mony’cesh si’da/ uḵkina a’di mo be.

IBRANIYIIN 12:25

Hili um ki ’bore/ mo. Dhalki a’di ki ush mo, a’di jin ṯorki um gwo mo. Haali/ waḵki/ uni ’koki ye mo ki uni ushki a’di gwo mo, a’di jin rumki uni ki gwo mo e mony’cesh yan mo tani ba ana bala mina ye kata mo waḵki/ ana mina waḵ a’di mo, a’di jin rumki ana ki gwo mo ’peni momis mo?

IBRANIYIIN 4:1

Wakan, ki gwom piti jin okunu is mo gom cic̱ jin minu cic̱ mo e mo ma si/is piti diki’d mo tani dhalki ana ḵo/ka is mo isi ciki/ mo ki jan ṯal ’deŋ kamu/ ’peni um midi ’taki aṯẖa/aṯẖ mo mmojidhir a’di mo be.

IBRANIYIIN 4:11

Wakan dhalki ana bira bir mo mmocic̱ mo e mo ma si/is yan mo, wakan ki jan ṯal ’deŋ kamu/ midi diki biṯ mo e ’kusan gwon ’de/ yan jin ushu gwo ha e mo.

IBRANIYIIN 5:9

Dhali mmo’borkunu a’di ki ’bor gana/ mo tani a’di warki’d ki ’kusan gi bway gi mowoṯẖ ki sule/ sule/ mo e uni ’baar mo kun haki a’di gwo e mo be,

IBRANIYIIN 9:28

wakan aḴrisṯẖos, a’di jin c̱ikunu mo mmoḵal miinthus gi ’kwani ka ris me’d ’de/ mo tani a’di midi piyu/ doḵ/e me’di su/ mo tani yisa mmo/us mii is mo gom miinthus mo, hili mmota uni gwansan is ki me’d mo, uni gun gananki ’ba/ ki ganan jin shi/i’d mo mmoc̱or a’di mo be.

YOHAAN ’DE/ 1:1

A’di c̱aan jin diki’d ’peni ka muŋ’kup̱ mo dhali a’di c̱aan jin ciḵa aman mo dhali a’di c̱aan jin misha aman mo ki em bam mo dhali a’di c̱aan jin hila aman mo dhali jin tana aman is ki me’d bam mo isi gwo gi mondiki/e mo be,

YAHUUSA 1:17

Hili um mini mii ka gwo e mo, um gun enu mo, gwo jin ona uni gun dhuna Tap̱a Yesus Ḵrisṯẖos bana is mo.

GWO JIN ’CEENU MO 7:10

Dhali uni cuun ki dhan ’twa/ kun caaca mo mmo/o gwo mo ki: Mowoṯẖ ta ji ma Arumgimis bana mo, a’di jin c̱a’bki’d eya p̱o/ ḵursi ma maliḵ mo dhali e Ari Ḵa’bal mo.