IBRANIYIIN 2:18 - Uduk New Teatament and OT Portions

¹⁸ Haali/ gom a’di ki is piti mo tani, a’di ’koshkina is ka nyor mo dhali a’di palkunu mo, a’di misha a’di uni gwansan woṯẖ mo kun palkunu mo be.

IBRANIYIIN 2:18 Iomraidhean Croise

LUUKA 22:28

Um ta uni gwansan kun rashi ’ko nyaḵki aha/ mo e mompal pem mo.

LUUKA 22:53

Ki aha/ dikina ka tee jin baṯẖa’di ’ko’d isa yempa/ e gu’b gi mondheleladhelel mo tani um ’koki dhu me’d bum ap̱o/ aha/ mo. Hili yaase ta mom bum mo be dhali mom’bi’th gi mondhurumi’d mo.

YOHAAN 10:29

Ababam pem a’di jin c̱iki uni aha/ mo tani a’di ica’d ki uni ’baar mo dhali wathiŋ kamu/ yisa di’da jin midi mish sul uni mo ’peni me’d ma Babam pem mo be.

KURINṮH̱UUS ’DE/ 10:13

Mompaluŋ kamu/ yisa di’da jin midi bu’th /e mo jin diki pal wathi/ en’thiŋ kamu/ mo. Hili Arumgimis a’di ta ji gi isiŋ gana/ mo dhali a’di midi diki dhal /e ki /e minu pal mo mmo’ce’d mom’bi’th pini ap̱o/ mo. Hili ki mompal mo tani a’di si’da/ midi ḵwa/ /e bway mo mmoye mo jin mina /e mish a’di ’dim ’kup̱ ki sule/ mo be.

P̱ILIBBI 3:21

a’di jin midi aḵ buŋgwara ha’th’ko’d bana yan e mo mmowa e ki buŋgwar is piti mo e monyca mo ki mom’bi’th jin ’bitha a’di e mo mmomisha ris to dhu ’baar mo mmobaṯẖ a’di i’ko’d me’d is pitiŋ gana/ mo be.

ṮIMUṮH̱AWUUS SU/ 1:12

Dhali wakan aha/ ’koshkina is ka nyor mo me’d jin ’kosha is aha/ ka nyor mo. Hili aha/ dina is ki ’the mo haali/ aha/ misha a’di jin gamka/ gwo is mo dhali aha/ misha ki isa duŋ gana/ ki a’di mishi ji ki ’bore/ ntaga Tee c̱aan mo a’di jin c̱ikika/ a’di mmodhu mo be.

IBRANIYIIN 5:2

A’di mishi mii us is ka daran du mo gom ’kwani kun ta p̱us mo dhali kun thami mii mo, haali/ a’di ki is piti ’kamu ki mo jin ’ka’du is mo.

BUṮERUS SU/ 2:9

Wakan Tap̱a mishki ye uni ’ba/ mo, uni kun tana gayiin ’peni mompal mo, dhali dhu uni gwansan kun ’koki ta kuŋ ḵar/e mo e bwaŋ’kwariny mo jin ’konu ka jisa ap̱o/ mo ntaga tee gi gwon dwall jin minu tor gwo ’twa/a ’cesh mo,

YAHUUSA 1:24

Dhali e a’di jin mish um dhu mo ’peni monṯag mo tani dhali mmoc̱i um ki dar gi mii kun nyo/on mo ibwambori buŋ’kus monycam piti ki moŋ’kuny bwa mo tani

GWO JIN ’CEENU MO 3:10

Haali/ /e dhuki gwom pem mo ki bwa jin ’kuc̱a /e ki ’kari’th mo ki mon’dim ’kup̱ mo tani aha/ mina non /e ’peni mompal mo, a’di jin midi p̱u’du/ ap̱o/ mony’ceshi ’baar mo, mmopal uni gwansan kun ’kokin mo e mony’cesh mo be.