IBRANIYIIN 2:10 - Uduk New Teatament and OT Portions

¹⁰ Haali/ a’di gama’d ki isi gam gana/ mo ki a’di, a’di jin uḵu to ’baar mo gom gway piti mo dhali a’di jin ’kon ma ris to ’baar mo mmo/uḵa uḵ ki a’di mo, mmosuskina a’di iya/ gi ’kwani ka ris mo e monyca mo, a’di jin ta’da shu/um bway gom gway gi mowoṯẖ buni mo tani ki a’di minu ’taki kar ji gi isi ’borgaŋ gana/ mo ki mo jin ’koshu is ka nyor mo be.

IBRANIYIIN 2:10 Iomraidhean Croise

ṮAKWIIN 18:25

Dhalka mii gi wakan midi mii diki thoṯẖ /e is mo ma mmo’kosh uni gun mii miiŋḵar/e mo nyaḵki uni gun mii tonthus mo, wakan ki uni gun mii miiŋḵar/e mina e wa gi uni gun mii tonthus mo. Dhalka mii yan midi mii diki thoṯẖ /e is mo ma. A/min ma Mandwall aris mony’cesh gwo mo diki mii miim ’boro’da?

LUUKA 13:32

Dhali a’di ki o uni gwo mo ki: Iiku/ um mo ma dhali ṯora maḵ c̱aan gwo mo ki: Hili mo mo ma. Aha/ urkina ruma ’cesh ka pije/ mo dhali mii mowac̱ shwane/ mo dhali ka’thamo/ si’da/ mo, dhali ka cim kwara mo tani aha/ mina ’baar bway pem mmothim a’di mo be.

LUUKA 2:14

Monyca ma Arumgimis isi momis mo, dhali moŋḵu’th is e mony’cesh e bwaŋ ’kwani gun ’bora a’di bwa i is mo.

LUUKA 24:26

A’di diki ta mii jin minu mii mii mo ka Ḵrisṯẖos mina is ’taki diki mii ’kosh ka nyor gom to gwansan mo dhali cic̱ mo e monycam piti mo ’taa?

LUUKA 24:46

Dhali a’di ki o uni gwo mo ki: Wakan a’di ’kwarkunu mo ka Ḵrisṯẖos minu mii ’kosh is ka nyor mo dhali ka cim kwara mo tani a’di midi cu mis mo ’peni mowu mo.

YOHAAN 11:52

Dhali yisa jasi gom kal yan a’di ’cena hili mmotul uc̱i ma Arumgimis isi monṯal ’de/ mo uni gun c̱ekerkunu bwa mo is’ko’d mo be.

YOHAAN 19:30

Ka Yesus bu’thki yiman tom’pac̱a’d mo tani a’di ki o gwo mo ki: A’di ’baarki’d mo, dhali a’di ki luŋ ’kup̱ piti mo dhali c̱i shi/in piti mo be.

MII GUN MIINU MO 3:15

Dhali Amanṯel mondiki/e ’pen ’koshkina um jwa mo jin ’de’kkin ma Arumgimis ’peni mowu mo tani ana ’baar mo tana iman/o gwo gom a’di mo.

MII GUN MIINU MO 5:31

A’di karkin ma Arumgimis ki ca ki me’da bim poros piti mo mmota Amanṯel Mondiki/e ’Pen mo dhali ka Manwoṯẖ mmoc̱i mo jin rijuwa du is ki ’Kwani ma Israyiil mo dhali moŋgwam gom miinthus mo.

RUUMIYA 11:36

Haali/ ’peni a’di mo dhali ki a’di mo dhali e a’di mo tani aris to ’baar ’kokin mo. Dhali e a’di mo tani dhalki monyca di’d ki sule/ sule/ ya ye ’ba/ mo. Amen.

RUUMIYA 9:23

mmothosonkina a’di momish mo jin tanu pa gi monycam piti gom toŋ’kul bwa gi momii miim piti mo be. A’di jin thosonkina a’di nṯwa/a/ gom monyca mo

KURINṮH̱UUS ’DE/ 2:7

Hili ana ṯorkina gwo gom yuḵ jin c̱inu ki jiŋ kup̱ mo dhali yuḵ jin ta jim ma Arumgimis jin bagu mo, a’di jin ’kawurkin ma Arumgimis nṯwa/a/ mo ki yil gi mony’cesh yan mo gom mo jin dhunu ana ki ca mo.

KURINṮH̱UUS ’DE/ 8:6

hili gom ana mo tani Arumgimis ṯal ’de/ mo a’di jin ta’da Baba mo dhali ’peni a’di mo tani aris to ’baar mo ’kokin mo dhali gom a’di mo tani ana ’kokina mo, dhali Tap̱an ’de/ mo jin ta’da Yesus Ḵrisṯẖos mo dhali e a’di mo tani aris to ’baar mo ’kokin mo dhali e a’di mo tani ana ’kokina mo be.

KURINṮH̱UUS SU/ 3:18

Dhali ana ’baar mo dara gi bwam/e kun kumu mo mmohilkina ana monyca gi Tap̱a mo dhali mondhel jin dhelu/ mo mo tani ana ’kokunu mo mmo/aḵ e mo e jamas piti mo ’peni monycan ’deŋ kamu/ itan monycaŋ kamu/ mo. Haali/ monyca yansan p̱u’dki’d ’peni Tap̱a mo, a’di jin ta Shi/in mo be.

KURINṮH̱UUS SU/ 4:17

Haali/ mo jin ṯoju bwa yansan mo jin tawasha tawash jin di’d jasi ki ari mo mo tani a’di thosonki’d mo gom aman mo mondiṯ ki monyca jin midi di ki sule/ sule/ ya ye ’ba/ mo jin molu kar ka p̱ar mo.

KURINṮH̱UUS SU/ 5:18

Aris uni gwansani ’baar mo ’peni Arumgimis mo be, a’di jin gwamki ana mo eya Ḵrisṯẖos mo ki is piti mo dhali c̱i ana mii ki mo gi gwo jin gwamkunuwa gwam mo be.

KURINṮH̱UUS SU/ 6:18

dhali aha/ mina ta um Ababa mo, dhali um mini ta iya/m pem mo dhali i’bwa/m pem mo. A’di ta gwo jin ona Tap̱a mo, a’di jin ta a’di jin Eḵa/ Eḵ mo be.

GALATHIYYA 3:26

haali/ eya Ḵrisṯẖos jin ta’da Yesus mo tani umi ’baar mo ta iya/ ma Arumgimis mo ki moŋgam gwo is mo be.

EP̱ASUS 2:7

ki she/ yil gunn kun mini p̱u’du/ mo tani a’di midi ṯor dhan pam piti jin tana a’di ka ’them piti jin molu bar mo e bwaŋkush piti mo ’kup̱ ki ana mo eya Ḵrisṯẖos jin ta’da Yesus mo be.

EP̱ASUS 3:10

Dhali wakan mo ka ḵaniisa mo tani ’ban ka ris gi moyuḵ ma Arumgimis mo minu ’taki ṯor mo e mom’bi’th kun molu gadhir mo dhali mom’bi’th mo kun ’kon e mo kun ’kon e momis mo be.

KULUSSI 3:4

Ka Ḵrisṯẖos, a’di jin ta moŋ’koki/em bana minu piyu/ mo tani um si’da/ minu piyu/ mo nyaḵki a’di mo e monyca mo be.

ṮIMUṮH̱AWUUS SU/ 2:10

Wakan aha/ ’dimkina ’kup̱ mo eya ris to ’baar mo gom gway gi uni kun kwanykunu mo, ki uni si’da/ mini ’taki bu’th bway mowoṯẖ yan jin diki’d eya Ḵrisṯẖos jin ta’da Yesus mo jin midi nyaḵ ya ki monyca ki sule/ sule/ ya ye ’ba/ mo.

IBRANIYIIN 12:2

mmohil ’kup̱ ka Yesus mo a’di jin ta’da ’kaŋ’kup̱ mo dhali a’di jin midi thim moŋgam gwo is bana mo, ma a’di gom moŋ’kuny bwa jin diki’da bori a’di mo tani a’di ’dimki ’kup̱ mo gom cwany’ciṯẖan dhul mo mmoruḵkina a’di mo jin ’thenu is mo dhali a’di c̱a’bki’d ki me’da bim poros ma ḵursi ma Arumgimis mo be.

IBRANIYIIN 6:20

mo c̱aan jin yakin ma Yesus nṯwa/a/ mo gom gway bana mo mmotakina a’di agasiis jin ca’d mo ki sule/ sule/ mo mmothuḵ mii ma Malkisaadag mo be.

IBRANIYIIN 7:26

Haali/ a’di ha me’d ki haŋ gana/ mo ki ana mina ’taki ta ga gasiis jin ca’d gi wakan mo, a’di jin ḵogu mo dhali a’di jin dar gi mii ’ba/ mo dhali a’di jin dar gi mo jin nyo/o’d mo, dhali a’di jin ḵwa/i is mo ’peni imanmii miinthus mo, dhali a’di jin karu ki ca mo ap̱o/ momisi ’baar mo.

IBRANIYIIN 7:28

Ka jiŋ gana/ gwoŋḵan jin c̱inu mo dhuki ’kwani ’pen ka pije/ mo e moŋ’ka’d is buni mo mmota igasiis kun can mo, hili gwo jin thulu me’da p̱o/ mo jin p̱u’dki’di ’ko’d mo ’ko’di gwoŋḵan jin c̱inu mo tani, a’di karki Ya/ ka pije/ mo, a’di jin karu mmota a’di jin ’boro’d ki ’bor gana/ ki sule/ sule/ ya ye ’ba/ mo.

BUṮERUS ’DE/ 1:12

A’di ṯorkunu uni eya tente/ mo ki uni ’koki mii to mo gom is buni mo, hili gom um mo, eya ris to gun baḵkunu um shwane/ mo ki uni gwansan kun ta imanc̱i gwom ’boro’d e um mo ki Shi/in Dheleladhelel mo, a’di jin hashkunu ’peni momis mo, uni kun ta to jin ’koshkina iman’doyu gwo ṯe/ mo mmop̱ar e mo be.

BUṮERUS ’DE/ 5:1

Wakan aha/ malaskina jwahaŋ ’kwaniŋ ḵaniisa mo e bwam um mo, me’d jin taka/ garr jin ta jwaha/ si’da/ mo dhali ta aman/o gwo mo gom isa nyor ma Ḵrisṯẖos mo dhali me’d jin bu’thkika/ monycam piti si’da/ jin minu ṯor eya tente/ mo be.

BUṮERUS ’DE/ 5:10

Dhali ’ko’di mo jin ’koshkina um is ka nyor ki ari mo mo tani Arumgimis jin ta’d ga ’the ’baar mo dhali a’di jin yuḵki um mo e monycam piti jin di’d ki sule/ sule/ mo eya Ḵrisṯẖos mo tani a’di ki is piti midi thoson um ki ’dantar mo, dhali ṯel um sho’k mo dhali ’bi’th um is mo be.

GWO JIN ’CEENU MO 4:11

/E a’di ha me’d mo, Tap̱am bam mo dhali Arumgimis bam mo mmobu’th monyca mo dhali montaḵ mo dhali mom’bi’th mo haali/ /e uḵkina ris to ’baar mo dhali ki bwam pini mo tani uni ’kokin mo dhali uni ’konu mmo/uḵ mo be.

GWO JIN ’CEENU MO 7:9

’Ko’di mii yansan mo tani aha/ hilkina mo mo dhali hili mo mo ma, adhana buhany wathimpa caaca mo jin mina wathin ṯal ’deŋ kamu/ mol deŋ e mo, ’peni aris kal gi ’kwaniny’ceshi ’baar mo, dhali ’peni arisa waḵ gi ’kwani ki she/ ki she/ mo, dhali ’peni ’kwani kun ’kona e ki she/ ki she/ mo, dhali ’peni ’kwanin tiya kun wal ’twa/ ki she/ mo, mmodoshkina uni mbwambor ma ḵursi ma maliḵ mo dhali mbwambori Ari Ḵa’bal mo, mmohi’th burrinyen turga/ kun ta kuŋ kush mo, dhali abiny jeṯẖkum e me’d buni mo be.