IBRANIYIIN 13:9 - Uduk New Teatament and OT Portions

⁹ Dhalku/ ki ta uni kun minu susi per mo ki gwo kun ṯoru kun ’kona e ki she/ ki she/ mo dhali kun molu mo naskina/. Haali/ a’di ’boro’d mo ka du minu ’bi’th is ka ’the mo, yisa ki tonṯe/ mo, a’di jin midi diki ha me’d mo gom uni gun shwaki uni mo.

IBRANIYIIN 13:9 Iomraidhean Croise

GWAY GI IDAWUU’D 112:8

Adum piti shurki’d mo, a’di midi diki ḵo/ is mo ntagi a’di midi p̱ar to jin ona bwa a’di e ap̱o/ uni kun ta ’kup̱ ki a’di mo.

MAṮṮA 24:24

Haali/ iḵrisṯẖos kun ’koki ta kuŋ gana/ walla imanc̱i gwo kun ’koki ta kuŋ gana/ mo tani mini cu mis mo dhali ṯora dhan jamas mii mo dhala dhan momer mo. Wakan uni mini susa susi dheres mo ntagi uni kun kwanyu ki she/ mo waḵki/ a’di mishu mii mo be.

MAṮṮA 24:4

Dhala Yesus ki thoḵ uni gwo mo ki: Hili ki ’bore/ mo ma, ki wathin ’deŋ kamu/ midi diki sus umi dheres mo.

LUUKA 5:38

Hili yimana mura’th this minu mii kar mo e ḵucaŋ this mo be.

MII GUN MIINU MO 20:30

Dhali ’peni bwam um ki is bum um ’cena mo tani ’kwani mini piyu/ mo gun mini o gwon tiya kun mini ta kun ther mo mmoḵwa/ imanciḵ gwo bwa mo mmobaṯẖ uni mo be.

MII GUN MIINU MO 20:32

Dhali shwane/ aha/ dhuna um eya Arumgimis mo dhali ki gwo ma ’them piti jin mishi um nyaŋ mo dhali c̱i um mal mo e bwam uni ’baar mo kun dhunu ki she/ mo ki dhelel dhelel mo.

RUUMIYA 14:17

Haali/ Bampa/ ma Arumgimis diki ta ’pemen gwo gom tonṯe/ mo dhali tomp̱i mo ’te/. Hili gom mo ma ḵar/e mo dhali mo ma ḵu’th is mo dhali moŋ’kuny bwa e Shi/in Dheleladhelel mo be.

RUUMIYA 14:2

Wathin ’de/ gam gwo is ki a’di mishi shwa aris to mo. Dhali wathi/ jin ’ka’da is a’di shwa jasi ton dhii/i’d mo.

RUUMIYA 14:6

A’di jin karki’da cim mo tani kar a’di mmotaḵ Tap̱a mo be. A’di si’da/ jin shwaki to mo tani shwa a’di mo mmotaḵ Tap̱a mo be, haali/ a’di ’borki’da Arumgimis bwa i is mo, me’d a’di jin ga/ki to mo tani ga/ki a’di mo mmotaḵ Tap̱a mo dhali mmo’bora Arumgimis bwa i is mo be.

KURINṮH̱UUS ’DE/ 6:13

Tonṯeyi gom bwa mo dhali bwayi gom tonṯe/ mo. Dhali Arumgimis midi ’ce’d jin ṯal ’deŋ kamu/ sho’k mo dhali jaŋ kamu/ mo. Buŋgwar is yisa uḵu gom mii jin miinu miinyc̱al mo. hili gom Tap̱a mo dhali Tap̱a gom buŋgwar is mo be.

KURINṮH̱UUS ’DE/ 8:8

Tonṯe/ midi diki mish ana sus eya Arumgimis mo. Ana minu mii ki shi/ yisa waḵki/ ana ’konaki shwa a’di mo dhali ana minu ’bor mo yisa waḵki/ ana ki shwa a’di mo.

KURINṮH̱UUS SU/ 1:21

Hili a’di ta’da Arumgimis be jin ṯelki aman sho’k mo nyaḵki um eya Ḵrisṯẖos mo dhali gwom piti jin ḵankina a’di am mo be.

GALATHIYYA 6:1

Iwaḵa, waḵki/ wathiŋ kamu/ bulu ’twa/a ’cesh e gwon dhaŋa kamu/ mo tani um gun ta gi to gi shi/in mo mini mii wari a’di is ka nyaŋ’ko’d mo e shi/in jin ’thup̱u e ki ’thup̱ mo. Hili ’kup̱, ’kup̱ki is pini mo isi ciki/ ki /e minu pal mo gara/.

EP̱ASUS 4:14

Wakan ki ana mina ’taki ’koki ’ko mo mmota uc̱i naskina/ mo ki ana minu ’koki ’dash mo dhali wuṯul mo dhali ḵal mo ka ris ’tham gi gwon thus ki eŋ ’kwani kun korakor mo ka maḵ buni kun takina uni mo eya he’k e jin he’kkina uni ka gany mo.

EP̱ASUS 5:6

Dhalku/ ki dhal wathin ’deŋ kamu/ bway mo mmohe’k um e mo ki gwo kun ’ko bwa ’te/ mo haali/ gom to gi wakansan mo tani a’di ip̱u’dkin ma nyor ma Arumgimis ap̱o/ iya/ gi uni gun ush gwo ha e mo.

KULUSSI 2:4

Aha/ ona gwo yansan mo wakan ki wathin ṯal ’deŋ kamu/ midi ’taki diki he’k um e mo ki gwo ma maḵ jin onu mo.

TASALUNIIKI SU/ 2:17

dhalki a’di malaski’da dum bum mo dhali ṯel uni sho’k mo eya risa ṯuca ’borga/ mo dhali gwo mo be.

TASALUNIIKI SU/ 2:2

Dhalku/ ki ta uni gun mina isi la yiḵin ki jahanne/ mo eya du mo walla la dhal cuuwa/ me’d mo walla ki shi/in mo walla ki gwo mo, walla ki gwo jin ’kwarkunu mo mmo/o ki a’di ta jim bam mo mmoṯes gwo mo ka tee gi Tap̱a p̱u’dki’d mo.

ṮIMUṮH̱AWUUS ’DE/ 6:20

Ayy Ṯimuṯẖawuus, kari a’di jin ḵankunu /e mo mmodhu mo. Theṯẖi/ mo ’peni gwo jin waluwa ṯor ka wuny is mo ki dar gi mii ma gayiin mo dhali ayiseŋ gwo kun ’kon ki c̱a’ckon mo gom gwom p̱us jin yuḵu ki gwo gi moyuḵ mo.

YOHAAN ’DE/ 4:1

Um gun enu mo tani dhalku/ ki gam gwo is eya ris shi/in mo hili nyo/i aris shi/in mo mmop̱ar e waḵki/ uni ta ku ma Arumgimis mo, haali/ imanc̱i gwonthus uni iikin ka pije/ e mony’cesh mo.

YAHUUSA 1:12

Uni gwansan ta thalkin ap̱o/ moyuḵ bum gun ena um mo me’d jin ’kona uni ki ju/ mo mmo’kona uni i’kup̱a su mo mmowal mo mmonṯal ’de/ mo tani uni hilki is buni mo. Uni tana raḵ kun ḵutha e ki ḵu’th mo, kun ḵalkina ’tham ki sule/ mo, dhali uni ta cwa gi moyurun kun ḵu’th guŋkuru/ mo kun dar gi maman mo, me’di su/ mo tani uni wukin mo mmoyu’dkunu uni mo be.

YAHUUSA 1:3

Um gun enka/ mo tani dhali mmo/oka/ bwa kagahara mo mmo’kwarki um gwo mo gom mowoṯẖ bana jin nyaḵki’d mo tani aha/ gamkina a’di jin ta jin minu mii mii ta mo mmo’kwar mo mmoyip̱ ’kup̱ ’kup̱ki um mo mmosu’k ki gwo mo gom moŋgam gwo is mo, a’di jin c̱inu mo me’d ’de/ ki sule/ mo gom uni kun dhunu ki she/ ki dhelel dhelel mo.