IBRANIYIIN 13:7 - Uduk New Teatament and OT Portions

⁷ Kayi imanshu/um bway e mo, uni gwansan kun oki um gwo ma Arumgimis mo dhali nyiṯẖi/ adu’d mii mo gom moŋ’koki/em buni mo dhali thoḵiya thoḵ mo gom moŋgam gwo is buni mo.

IBRANIYIIN 13:7 Iomraidhean Croise

MAṮṮA 24:45

Kaja a’di jin ta isiŋ gana/ mo dhali jin ta c̱iŋkina/ jin yuḵayuḵ moye? A’di, jin mina tap̱am piti kar a’di tap̱a ap̱o/ gu’b piti mo mmoc̱i unim piti tonṯe/ ka tenteŋ gana/ mo?

LUUKA 12:42

Dhali Tap̱a ki o a’di gwo mo ki: Kaja a’di jin ta wathi/ isiŋ gana/ mo dhali yuḵa yuḵ mo mmota mandhu to mo? a’di jin mina tap̱am piti kar ari tap̱a ap̱o/ gu’b piti mo mmoc̱i uni tonṯe/ ki ’ban buni ka tente/ ka ḵar/e mo?

LUUKA 5:1

Ki ’kwani yap̱ a’di ki is mo mmociḵ gwo ma Arumgimis mo tani a’di doshki’d ki mis mo eya al yi’de/ gi Pa Jannisaaraṯ mo.

LUUKA 8:11

Gwom ’bi’th/e a’di a’dihe/ mo be: Aḵa’bany to a’di ta gwo ma Arumgimis mo be.

MII GUN MIINU MO 13:46

Dhala Buulus dhala Barnaaba o gwo eya tente/ mmo’koki ju/ mo dhali o gwo mo ki: A’di minu mii mii mo ki gwo ma Arumgimis minu mii o i/um nṯwa/a/ mo be. Haali/ um bel a’di ’peni um mo dhali um ’cunycurki is bum mmo/o ki um ’koki ’bor mmota gi moŋ’koki/e ki sule/ ya ye ’ba/ mo tani hili ma, aman ṯuka mo ki ’kwani kun ’koki ta ’Kwani Yahuuda/ mo.

MII GUN MIINU MO 14:23

Dhali ki uni dhuki uni ki ’kwaniŋ gwanyjaḵa/ eya risa ḵaniisa ’baar ki ’beles mo dhali ’tho ki moŋga/ to mo tani uni dhuki uni e me’d gi Tap̱a jin gamkina uni gwo is mo be.

MII GUN MIINU MO 4:31

Dhali ki uni ’thon mo tani mo yiḵinki is mo e mo jin tula uni is nycine/ mo dhali uni ’baar mo ’tu’dkunu mo ki Shi/in Dheleladhelel mo dhali uni oki gwo ma Arumgimis ki dar gi monyju/ ’kwani mo be.

RUUMIYA 10:17

Wakan moŋgam gwo is p̱u’dki’d ’peni a’di jin ciḵkunu mo dhali a’di jin ciḵkunu mo tani p̱u’dki’d ’peni gwo jin c̱ikunu mo goma Ḵrisṯẖos mo be.

KURINṮH̱UUS ’DE/ 10:13

Mompaluŋ kamu/ yisa di’da jin midi bu’th /e mo jin diki pal wathi/ en’thiŋ kamu/ mo. Hili Arumgimis a’di ta ji gi isiŋ gana/ mo dhali a’di midi diki dhal /e ki /e minu pal mo mmo’ce’d mom’bi’th pini ap̱o/ mo. Hili ki mompal mo tani a’di si’da/ midi ḵwa/ /e bway mo mmoye mo jin mina /e mish a’di ’dim ’kup̱ ki sule/ mo be.

KURINṮH̱UUS ’DE/ 11:1

Tayi imanthoḵ aha/ mii mo ma, me’d jin taka/ amanthoḵa Ḵrisṯẖos mii mo be.

KURINṮH̱UUS ’DE/ 4:16

Aha/ yip̱a ’kup̱ ’kup̱ ki um mo wakan ki um mini ta imanthoḵ aha/ mii mo be.

P̱ILIBBI 3:17

Iwaḵa, ’thoḵaa/ mii mo ma dhali ḵuthi uni gwansan ki e mo ma uni gun ’kokin mo mmomii kan me’d jin p̱ara um she/mm e e aman mo.

TASALUNIIKI ’DE 1:6

Dhali um warkin ki imanthoḵ aman mii mo dhali gom Tap̱a mo haali/ um bu’thki gwo mo ki mo gi isa nyor jin ’kosho’d kagahara mo ki moŋ’kuny bwa mo jin ta moshi/irr ki Shi/in Dheleladhelel mo.

TASALUNIIKI ’DE 2:13

Dhali aman si’da/ ’bora Arumgimis bwa i is mo ki ṯikir ṯikir mo gom mii yan mo haali/ ki um bu’thki gwo ma Arumgimis mo jin ciḵkina um ’peni aman mo tani um bu’thki a’di mo me’d gwoŋ ’kwani yisa, hili me’d a’di jin ta a’di mo, a’di jin ta gwo ma Arumgimis mo, a’di jin diki’d mo mmo/um mo e um kun gamki gwo is mo be.

TASALUNIIKI SU/ 3:7

Haali/ um ki is bum mishki mo mo gom um ḵa ba/ imini ta imanthoḵ aman mii mo. Aman ’konaki ta ap̱iny is mo me’d jin ’kokina aman e um mo.

TASALUNIIKI SU/ 3:9

A’di yisa wakana haali/ aman ’konuki dhal bway mo mmomii kan mo, hili mmoc̱i um e miim bam kun boṯa am mo mmota she/mm mo ki um mini ta imanthoḵ aman mii mo be.

ṮIMUṮH̱AWUUS ’DE/ 3:5

Haali/ waḵki/ wathi/ diki mish kuŋ gu’b piti dhu ki ’bore/ mo tani ba ki jin ta’da ta mmina a’di mish ’kwaniŋ ḵaniisa ma Arumgimis dhu mo?

IBRANIYIIN 13:17

Hayi uni gwo e mo uni kun tana shu/um bway gom um mo dhali ’dap̱i ’twa/a ’cesh e uni mo. Haali/ uni ’kon mo mmotima ḵashiram bum mo me’d ’kwani kun ’kokin mo kun mini mii c̱i gwo mo. Dhalki uni mii a’di yansan ki bwaŋ ’kunyga/ mo, dhali yisa ki bwa kun biṯu ka luŋgu’b yisa, haali/ a’di midi ’taki diki ta shi/ miim ’boro’d gom umi.

IBRANIYIIN 13:24

Theki aris imanshu/um bway me’d mo dhali aris uni gun dhunu ki she/ ki dhelel dhelel mo. Uni gwansan kun p̱u’dkin mo ’peni Pa Ithaaliya mo hashki um monthe me’d mo be.

IBRANIYIIN 6:12

wakan, ki um minu ’taki ’koki soroṯẖ mo, hili thoḵi uni gwansan mii mo uni gun takin gi mal mo e gwo kun onu is mo ki moŋgam gwo is mo dhali ki bwa jin ’kuc̱u ki ’kari’th mo be.

BUṮERUS ’DE/ 4:11

A’diyin jin oki gwo mo tani me’d a’din ’de/ yin jin baḵki gwoŋḵan ma Arumgimis mo. Dhali a’diyin jin mii to e mo jin miinu to mo tani me’d a’din ’de/ yin jin mii to mo ki mom’bi’th jin thip̱ ma Arumgimisa thip̱ mo. Ki mii gi wakan mo tani eya ris to ’baar mo Arumgimis minu kar ki ca mo eya Yesus Ḵrisṯẖos mo be. E a’di mo tani monyca cila a’di mo dhali mo jin tanu tap̱a mo gom ’pemen ki sule/ dhali ki sule/ ya ye ’ba/ mo. Amen.

GWO JIN ’CEENU MO 1:9

Aha/ jin tana Yohaan jin tana kam bum mo, aha/ jin pwaḵkina isa nyor nyaḵki um eya Yesus ki monṯo’c bwa mo dhali gom ’peŋkuman bampa/ mo dhali ki mo jin ’kuc̱u bwa ki ’kari’th mo mmo’dim ’kup̱ mo tani aha/ dikina eya uḵa ’cesh jin yuḵu gway ka Bathmus mo gom gway gi gwo ma Arumgimis mo dhali gom gwonṯor jin ṯorkika/ mo goma Yesus mo be.

GWO JIN ’CEENU MO 20:4

Dhali yan’ko’d aha/ p̱arkina risa ḵursi ma maliḵ e mo, dhali uni gun ’kokina p̱o/ uni mo tani uni ta uni gun c̱ikunu gwon dwall jin toru gwo ’twa/a ’cesh mo. Dhali aha/ si’da/ p̱arkina ḵashira/ gi uni gwansan kun ’ciṯẖkunu ’kup̱ mo gom gwom buni kun ṯora uni goma Yesus mo dhali gom gwo ma Arumgimis mo, dhali uni gun ’koki luŋ to/e yan mo walla jamas piti jin uḵu mo, dhali uni gun ’koki bu’th jamas piti e buyem buni mo walla e me’d buni mo. Uni p̱u’dkin ki e mo doḵ/e dhali nyaḵ tap̱a ta ka Ḵrisṯẖos ki yil alip̱ mo be.

GWO JIN ’CEENU MO 6:9

Dhali ki a’di ’ceeki’da ’diŋkila/ ’twa/ mo jin ’kon ma p̱o/i mudhe’d mo tani aha/ p̱arkina mo e mo e bwaŋ’kwariny mo ma gwaṯa/ jin miikunuwa basa ’cesh mo aḵashira/ gi uni gwansan kun ’koshkunu jwa mo gom gwo ma Arumgimis mo dhali gom gwo jin ḵala uni mmoṯor mo.