IBRANIYIIN 13:6 - Uduk New Teatament and OT Portions

⁶ Wakan, ana mina kar dhan mo jin wuna ana a’di jwa i is mo mmo/o gwo mo ki: Tap̱a a’di ta’da Manwoṯẖ pem mo be. Dhali aha/ mina diki ta ḵo/is mo. Ki to gi wakata imina ’kwani mii aha/ mo?

IBRANIYIIN 13:6 Iomraidhean Croise

ṮAKWIIN 15:1

’Ko’di to gwansan mo tani gwo gi Tap̱a p̱u’dki’d mo eya Abraam mo ki tonyjan mo mmo/o gwo mo ki: Dhalki is ki ḵo/ mo ma, Abraam. Aha/ tana goŋgorom pini mo. Adhan to jin ish ḵumma/ jin caaca kagahara mo tani a’di midi ta jim pini mo.

GWAY GI IDAWUU’D 124:8

Mowoṯẖ bana a’di diki’d e gway gi Tap̱a mo, a’di jin uḵki momis dhali mony’cesh mo.

GWAY GI IDAWUU’D 146:3

Dhalku/ ki dhu mom bum jin gamu gwo is e iya/ gi imaliḵ mo, e ya/ gi ’kwani mo, e a’di jin dar gi mowoṯẖ mo.

GWAY GI IDAWUU’D 27:9

Dhalku/ ki bag bwam/em pini ’peni aha/ mo. Dhalku/ ki ṯu’k c̱iŋkinam pini jin mii /e to ka nyor mo, /e jin tana manwoṯẖ pem ’thissa/ mo. Dhalku/ ki biṯ aha/ asho mo, dhali dhalku/ ki dhal aha/ ’pen mo, ayy Arumgimis gi mowoṯẖ pem mo.

GWAY GI IDAWUU’D 33:20

Aḵashiram bana a’di c̱orki Tap̱a mo. A’di ta’da Manwoṯẖ gom ana mo dhali agoŋgorom bana mo.

GWAY GI IDAWUU’D 40:17

Gom aha/ mo tani aha/ hatha’ko’d ki ha’th mo dhali mina mii ta gi to mo, hili Tap̱a a’di kulumki gwo ibwa gom aha/ mo. /E ta a’dim pem jin woṯẖki aha/ mo dhali a’dim pem jin ’cuḵki aha/ mo. Dhalku/ ki ta adiiṯe/, ayy Arumgimis pem!

GWAY GI IDAWUU’D 54:4

Hili mo mo ma, Arumgimis ta’da manwoṯẖ pem mo, dhali Tap̱a a’di ta’da manṯel aha/ mondiki/em pem sho’k mo.

GWAY GI IDAWUU’D 56:4

Eya Arumgimis mo, a’di jin maŋka/ gwom piti mo, eya Arumgimis mo tani aha/ gama gwo is ki dar gi moŋḵo/ is mo. Buŋgwar is midi miiya tinta ki aha/ mo?

GWAY GI IDAWUU’D 63:7

Haali/ /e tana manwoṯẖ aha/ mo, dhali eya la ma bim pini mo tani aha/ yuḵkina gway gom moŋ’kuny bwa mo be.

GWAY GI IDAWUU’D 94:17

Waḵki/ Tap̱a midi diki ta manwoṯẖ pem mo tani aḵashiram pem ishunsan gana/ moyi midi c̱a’b ki shwamm e mony’cesh jin ’konu ki shwamm mo.

Mmo/ii ka Pije/ mo 18:4

Dhali gway gi jaŋ kamu/ mo tani a’di i ta’da Iliyaasir haali/ a’di oki gwo mo ki: Arumgimis ma babam pem mo tani a’di ta’da manwoṯẖ aha/ mo dhali woṯẖ aha/ mo ’peni gandal ma P̱irawn mo be.

MAṮṮA 10:28

Dhali dhalku/ ki ḵo/ uni gwansan kun ’koshi buŋgwar is mo hili uni ’koki misha ḵashira/ ’kosh mo. Hili dhali mii yan e i is mo mmoḵo/ a’di jin mishki’da ḵashira/ sho’k ’ce’d mo mmonṯal ’de/ ki buŋgwar is ilu/ mo e mo ma al o’d mo be.

RUUMIYA 8:31

Haali/ a’di gi wakan mo tani ana mina i/o kata gom gwo gwansan mo? Waḵki/ Arumgimis ta a’di gom ana mo tani aja a’di jin midi ta ’kup̱ ki ana mo sa/?

EP̱ASUS 3:12

E a’di mo tani ana dara gi monyju/ mo dhali wu a’di jwa i is mo gom bway yan e moŋgam gwo is bana e a’di mo be.

IBRANIYIIN 10:19

Wakan iwaḵ mo, me’d jin takina ana ki mo jin wuna ana a’di jwa i is mo mmocic̱ mo e mo jin ḵogu mo ka bas ma Yesus mo

IBRANIYIIN 4:16

Wakan dhalki mom bana jin wuna ana a’di jwa i is mo ’dish ana abor mo ki ’dish ’dish mo eya ḵursi ma maliḵ jin ta ji ma ’the mo, ki ana mina ’taki bu’th momiimii mo dhali gama ’the mo mmowoṯẖa/ woṯẖ mo ka tee jin minu mii ta gi a’di mo be.