IBRANIYIIN 13:5 - Uduk New Teatament and OT Portions

⁵ Dhuyi moŋ’koki/em bum ki ’kus mo ’peni mo jin enuwa guurush mo dhali kap̱i um mo ki to jin tana um mo, haali/ a’di oki gwo mo ki: Aha/ mina diki ush me’d ki sule/ sule/ mo gom um mo walla aha/ mina diki dhal um ’pen mo be.

IBRANIYIIN 13:5 Iomraidhean Croise

ṮAKWIIN 28:15

Hili mo mo ma, aha/ mina di nyaḵki /e mo dhali kar /e mo eya ris mo gunn kun mina /e iya mo dhali susi /e ka nyaŋ’ko’d e bampa/ yansan mo. Haali/ aha/ yisa mina dhal /e ’pen yisa ntagi aha/ mina thim gwom pem jin okika/ /e mo be.

ṮAKWIIN 30:31

A’di ki o gwo mo ki: Atinta a’di imiga/ c̱i /e mo? AYakuub o gwo mo ki: /E mini c̱i aha/ toŋ kamu/ yisa. Waḵki/ /e mini mii to yan gom aha/ mo aha/ mina doḵ/e c̱i ama’diny ḵa’bal pini ashon dhii/i’d mo dhali ta amandhu uni mo.

ṮAKWIIN 31:5

Dhali a’di ki o uni gwo mo ki: Aha/ misha ka babam bum diki hil aha/ i e ki ’bore/ ki hila ’the mo me’d jin ṯwa/a/ mo. Hili Arumgimis ma babam pem a’di nyaḵki di ki aha/ mo.

GWAY GI IDAWUU’D 10:3

Haali/ uni kun ta thus ki thus mo tani dhuki ’ba/ ki ca mo gom to kun gop̱ uni bwam buni mo, dhali wathi/ jin pura bwa ki pur gom nyunykina/ mo tani a’di midi jeeya je mo dhali ruḵ Tap̱a mo.

GWAY GI IDAWUU’D 119:36

Ḵa’da dum pem ki gwonyc̱im pini mo yisa mmota miiya du is ki me’d mo.

GWAY GI IDAWUU’D 37:25

Aha/ tana dhuru’c ’thissa/ mo dhali shwane/ aha/ tana dhan mo. Hili naskina/ aha/ dinaki p̱ar a’diŋ ḵar/e e dhalkunu ’pen mo walla uc̱im piti mmo’tho tonṯe/ mo.

GWAY GI IDAWUU’D 37:28

Haali/ Tap̱a a’di enki mo jin ’konuki miiya mii ka gwar ’de/ mo. A’di midi diki dhal unim piti kun dhunu ki she/ ki dhelel dhelel ’pen mo. Imanmii miiŋḵar/e minu dhu ki sule/ sule/ mo. Hili uc̱i gi imanmii tonthus mo tani uni minu ’ciṯẖ ’twa/ mo.

Mmo/ii ka Pije/ mo 2:21

Dhala Musa gamki gwo me’d mo mmoc̱a’b mo nyaḵki wathi/ yan mo. Dhali a’di c̱iki’da Musa ’bwa/ jin yuḵu gway ka Sap̱uura mmota ash mo be.

Mmo/ii ka Pije/ mo 20:17

/E mini mii dhalku/ bwa ki mii ’thoṯẖ gom gu’b gi wathiŋ kamu/ mo. /E mini mii dhalku/ bwa ki ’thoṯẖ goma ’bom gi wathiŋ kamu/ mo walla gom wathi/ jin ta c̱iŋkinam piti mo walla nyarany c̱iŋkinam piti mo walla mor bip̱ piti mo walla thuluny piti mo walla ton ṯal ’deŋ kamu/ jin di’d e gu’b gi wathiŋ kamu/ mo be.

MAṮṮA 6:19

Dhalku/ ki sug to gom is pini mo ma mmo/ish ḵumma/ mo e mony’cesh yan mo, e mo gun ’kon ma dhurany mo dhali mo gun wuna to gure/ mo mmoshwa mo dhali mo gun ’kona ’kwanin ’di/ mo mmo’ce’d mo mo dhali mmoḵwal to mo be.

MAṮṮA 6:25

Wakan aha/ ṯora um gwo mo ki dhalku/ is ki anan mo gom moŋ’koki/em bum mo ma walla gom tonṯe/ jin mina umi shwa mo walla gom to jin mina umi p̱i mo walla gom buŋgwar is bum mo gom to jin mina umi hithi is mo. Dina mondiki/e ki bol tonṯe/ e mo ’taa? Dhali buŋgwar is ki bol burrinye/ e mo ’taa?

MAṮṮA 6:34

Wakan dhalku/ is ki anan mo gom ka’thamo/ mo haala ’thamo/ midi anan is mo gom is piti mo. Dhalka tee ki is pitiŋ gana/ ṯoci bwa mo mmoṯeya tee mo.

MARKUS 7:22

dhali mmo’thoṯẖ bwa mo dhali mmomii mii kun ’coḵa’coḵ mo dhali mmota he’k e mo dhali mii kun ’kanuwa ḵanthi/ mo dhali miin dhap̱an mo dhali mmota imanthutha thu’th ’pen mo, mmodhu ’ba/ ki ca mo dhali mii jin miinu miim p̱us mo.

LUUKA 3:14

Dhali i/askar si’da/ doṯki a’di gwo mo si’da/ ki: Aman mina miiya tinta mo? Dhali a’di ki thoḵ uni gwo mo ki: Dhalku/ to ki dil ’peni jaŋ kamun ’de/ ki mombujur mo walla ki gwonthus jin ’ce’du ’te/ ap̱o/ mo dhali kap̱i mo ma ki to kun gama um ki ji miina um to mo.

LUUKA 8:14

Dhali gom uni gun biṯkin mo e bwam ma ’de/ mo tani uni ita uni gwansan kun ciḵki gwo mo hili ki uni iikin mo e bway buni mo tani uni koṯẖa to gun noni ’twa/ mo dhali mo jin tanu pa gi pa mo dhali to kun se ’kwani ki ’pen mo e moŋ’ko mo, dhali maman buni ’koki is mo be.

RUUMIYA 1:29

Uni ’tu’dkunu mo ki piny piny ka ris mii gun ta mii gun ’koki ta miiŋḵar/e mo dhali mii kun ta tonthus mo dhali mii mmota a’thoṯẖum bwa mo dhali mii kun ta kun dup̱a dup̱i e mo be. Dhali uni ’tu’du/ mo ki miin dhap̱an mo dhali mmo’kosha mee mo dhali mmota ibiriŋ gwo mo dhali mmota imanheka he’k e mo dhali mmota iman’do tiya ki e mo. Uni si’da/ tana le’d ka le’d apo/ ’kwanin tiya mo

KURINṮH̱UUS ’DE/ 5:11

Hili aha/ dhala mii yan e i is mo mmo’kwar gwo mo e um mo ki um mini dhalku/ ki ce e nyaḵki a’din ’de/ yin jin ta’d gi gway ma kam piti mo waḵki/ a’di dina mii m’ba/ mo gom miinyc̱al mo walla mmota a’thoṯẖum bwa mo walla mmota amanluŋ tomp̱inycon mo walla mmota amansora sor mo walla mmota aman’kosh ma su mo walla mmota amandil to mo hili isi kan mo um mini dhalki to ki nyaḵ shwa ki a’dinthus ’de/ yan mo be.

KURINṮH̱UUS ’DE/ 6:10

walla ’kwanin ’di/ mo walla iman’thoṯẖ bwa mo walla iman’kosh ma su mo walla imansora sor mo walla imandil to mo tani uni mini ’koki ta gi mal gi Bampa/ ma Arumgimis mo be.

KURINṮH̱UUS SU/ 4:9

aman ’koshkunu mo tani hili aman ’konuki dhal ’pen mo, aman dorkunu ḵal ’ko’da ’cesh mo tani hili aman yisa ’ce’dkunu sho’k mowa.

EP̱ASUS 5:3

Hili mo jin miinu miinyc̱al mo dhala ris mii kun ta en’dap mo walla mo jin tanuwa ’thoṯẖum bwa mo minu ’koki mii yer gway mo isi bwaman um kani me’d jin hana mii me’d mo e bwaman uni kun dhunu ki she/ ki dhelel dhelel mo.

EP̱ASUS 5:5

Mishi ki ’bore/ gom gwo yan mo ma. Wathin ’deŋ kamu/ jin mii miinyc̱al jin haku ’pen c̱eŋ gwas mo walla jin ’dap̱a’da ’dap̱ e mo walla jan ’deŋ kamu/ jin ta’da ’thoṯẖum bwa mo (a’di jin ta mii jin luŋu to mo) midi diki gam ari mal e Bampa/ ma Ḵrisṯẖos mo dhali Arumgimis mo be.

KULUSSI 3:5

Wakan, ’koshi mii ga ’cesh jwa mo kun ’kon e um mo, kun ta mo gun miinu miinyc̱al mo dhali mo gun ’dap̱u e mo dhali e kun dhunu ki ’thir ’thir mo dhali bwan thus kun pishu is mo dhali mo jin ’thoṯẖu/ bwa mo, a’di jin ta mii jin luŋu tomp̱inycon mo be.

ṮIMUṮH̱AWUUS ’DE/ 3:3

dhali a’di midi mii diki ’dish mo ma su is mo, dhali a’di midi mii diki mii mii ki ra’b mo hili a’di mina e mii ’thup̱a’thup̱ mo, dhali a’di midi mii diki wala le’d ki ṯas ṯas mo, dhali a’di midi mii diki ta aman/ena guurush mo si’da/.

BUṮERUS SU/ 2:14

Uni takin gi em buni kun ’tu’dkunu ki piny piny ki miinyc̱al mo, a’di jin moli daḵ mo gom miinthus mo. Uni ellkina ell e mo gom ’kwanin tiya kun ’konuki ṯela ḵashiram buni sho’k mo. Uni takin ga dum buni kun yedhu sho’k mo e bwa jin purapur mo. Uni ta uc̱i kun jeekunu mo.

BUṮERUS SU/ 2:3

Dhali e bwam buni kun purapur mo tani uni mini nyuny um mo mmota nyunycina/ ki gwonthus buni mo. ’Peni kadhamo/ miiwaḵ buni jin toru gwo ’twa/a ’cesh mo tani diki ta nyoŋ’kor mo dhali mony’ce’d sho’k buni si’da/ mo tani diki ish e mo be.

YAHUUSA 1:11

Wayyi e uni mo. Haali/ uni iikin e bway ma Kayiin mo dhali uni pura bwa mo mmobaṯẖ mii jin tham ma Balaam mii mo dhali uni ’ce’du/ sho’k mo e gwon dhaŋ ma Kuurah mo be.