IBRANIYIIN 13:4 - Uduk New Teatament and OT Portions

⁴ Dhalki mash jin mashu ki mash gana/ mo karu ki montaḵi bwaman umi ’baar mo dhali dhalki mo gi miinu miimash karu ki jiŋ ḵogu mo haali/ Arumgimis midi dwall gwo mo gom uni gun ha’k ’pen ’ceŋ gwaṯẖ mo dhali up̱ kun ta kumana ’ka mo dhali uni gun mii miinyc̱al mo.

IBRANIYIIN 13:4 Iomraidhean Croise

ṮAKWIIN 2:21

Wakan Tap̱a Arumgimis ki dhal mo jin ’ce’du e kagahara mmobiṯa p̱o/ wathimpa en’thi/ mo, dhali ki a’di di’di mmo/ish e mo tani a’di bu’thki’da simaŋ gwar ṯal ’de/ ’peni a’di mo dhali a’di ki ’dap̱ki buŋgwar is ki shuman ’twa/ mo.

ṮAKWIIN 2:24

Dhali gom gwo gi wakan mo tani wathiŋ gwaṯẖ midi dhal com ’pen mo dhali kum mo dhali ’dap̱ is piti me’d ki ash mo dhali uni su/ warkina buŋgwar is ki isa ’de/ mo.

KURINṮH̱UUS ’DE/ 5:13

Arumgimis a’di dwalli uni gwansan gwo mo kun ’kona pije/ mo be. Uri a’di jin ta thus ki thus kan ’peni bwam um ka pije/ mo ma.

KURINṮH̱UUS ’DE/ 6:18

Ship̱iṯi/a ŋwac̱a/ mo ’peni mo jin miinu miinyc̱al mo. Aris miinthusa tiya ’baar mo gun miina wathiŋ kamu/ mo tani a’di ta jim p̱or ma pije/ gi buŋgwar is mo, hili miinyc̱al jin miina wathi/ miinthus mo tani a’di miiki miinthus ap̱o/ buŋgwar is pitiŋ gana/ mo be.

KURINṮH̱UUS ’DE/ 6:9

’Kona um ki misha ki uni gun ’koki mii mii kun ta kuŋ ḵar/e mo tani mini ’koki ta gi mal gi Bampa/ ma Arumgimis mo? Dhalku/ ki ta ku gi hegu e mo. Walla uni gun ta imanmii miinyc̱al mo walla uni gun ta imanluŋ tomp̱inycon mo walla uni gun ta c̱al ki c̱al mo walla uni gun ceḵ ma du mo walla uni gun ha’k ’pen c̱eŋ gwas mo

KURINṮH̱UUS ’DE/ 7:38

Wakan be, a’di jin mashki’da yim jin dosha a’di mo tani mii’d ki ’bore/ mo ba/. Dhali a’di jin tuḵki mii mash is mo tani a’di midi bol mii e mo.

KURINṮH̱UUS ’DE/ 9:5

’Konuki dhal am bway mo mmota gi up̱ mo me’d jin tana unin tiya gun dhunu ki she/ mo dhali ikam gi Tap̱a mo dhala Sap̱a mowa?

KURINṮH̱UUS SU/ 5:10

Haali/ ana ’baar mo mina mii pi mo e bwambor ma ḵursi ma Ḵrisṯẖos gi gwon dwall mo, wakan ki ’kwani ka ’deṯe/ ’deṯe/ mo mini ’taki bu’th to kun ’boron mo walla kun shiyin mo be isi me’d mii kun miikina uni ki buŋgwar is mo be.

GALATHIYYA 5:19

Dhali hili mii gi buŋgwar is mo tani uni ’kon eya tente/ ki ṯẖorony mo: mo jin miinu miinyc̱al mo, dhali mo jin ’dap̱uwa ’dap̱ e mo, dhali mii kun ’kanuwa ḵanthi/ mo,

GALATHIYYA 5:21

dhali mii kun tanu dhap̱an mo dhali mii kun ’kosh ma suwa ’kosh mo, dhali mii kun waluwa wal e moŋ’kup̱a su mo, dhali mii gi wakansan mo. Aha/ ruma um ki gwo mo, me’d jin rumkika/ um iṯwa/a/ mo, ki uni gwansan kun miiki to gi wakansan mo tani mini ’koki gam mal gi Bampa/ ma Arumgimis mo.

EP̱ASUS 5:5

Mishi ki ’bore/ gom gwo yan mo ma. Wathin ’deŋ kamu/ jin mii miinyc̱al jin haku ’pen c̱eŋ gwas mo walla jin ’dap̱a’da ’dap̱ e mo walla jan ’deŋ kamu/ jin ta’da ’thoṯẖum bwa mo (a’di jin ta mii jin luŋu to mo) midi diki gam ari mal e Bampa/ ma Ḵrisṯẖos mo dhali Arumgimis mo be.

TASALUNIIKI ’DE 4:6

dhali ki wathin ’deŋ kamu/ midi diki dhaŋ gwo mo dhali mii akam piti ki shi/ e mii yan mo, haali/ Tap̱a a’di ta’da manrica ris to gwansani ’baar mo me’d gwo jin rumkina aman um iṯwa/a/ ki ’bi’th ’bi’th mo.

ṮIMUṮH̱AWUUS ’DE/ 3:12

Dhalki uni kun cila to hil goma ḵaniisa mo ta gi up̱ jasi ’deṯe/ ’deṯe/ mo dhali dhalki uni mish uc̱im buni dhu mo dhali kuŋ gu’b buni ki ’bore/ mo.

ṮIMUṮH̱AWUUS ’DE/ 3:2

Wathi/ gwanyjaḵa/ midi mii diki mii ta gi mii ’ba/ mo, dhali a’di midi mii ta ga ’bom jasi ’de/ mo, dhali a’di midi mii ta wathi/ jin min ma du ’tim mo, dhali a’di midi mii ḵu’th is ki ’cese/ ’cese/ mo dhali a’di midi mii diki lo’b is piti nycine/ mo, dhali a’di minu mii ta gu’b piti ŋal mo, dhali a’di midi mii ta gwocon ki gwocon mo mmoṯor gwo mo,

ṮIMUṮH̱AWUUS ’DE/ 3:4

A’di midi mii mish kuŋ gu’b piti dhu ki ’bore/ mo, mmodhu uc̱im piti mmo’dap̱a bora ’cesh mo mmociḵ gwo mo dhali mmotaḵa taḵ mo ka ris ’twaŋkal kuku/ mo.

ṮIMUṮH̱AWUUS ’DE/ 4:3

uni gun nonki mash jin mashu mo dhali uni kun shush mii mo mmoga/ tonṯen tiya mo, uni kun uḵ ma Arumgimis mo mmota to gun minu bu’th ki mo jin ’boruwa ’bor bwa i is mo ki uni gwansan kun gamki gwo is mo dhali mish gwoŋ gana/ mo be.

ṮIMUṮH̱AWUUS ’DE/ 5:14

Wakan ba/ aha/ ona ki uni gun ta dhuru’c kun wuna ikaṯẖim buni mo tani dhalki uni mashan mo mmodho’th uc̱i mo, mmoji gu’b buni mo, dhali mmo’koki c̱i a’di jin ta ’kup̱ embula kamu/ mo mmosor ana mo.

TIITHUS 1:6

’kwani uni kun daran ki mii ’ba/ mo, uni kun mashi jasi me’d ’de/ ki lish mo, uni kun tana uc̱im buni imangam gwo is mo dhali yisa uni kun mishu yer is ki gway mo gom mo jin dara uni ka du kun ’timu mo gom e gun dhuna uni ki ’thir ’thir mo walla gom mo jin usha uni gwo ha e mo.

IBRANIYIIN 12:16

dhali ki wathin ṯal ’deŋ kamu/ midi diki mii mii jin miinu miinyc̱al mo walla diki dhu mii kun ḵogu mo, me’da Iisu mo, a’di jin yolki mo ma bwanyaram piti ki tonṯe/ jin shwanu ’te/ mo be.

GWO JIN ’CEENU MO 22:15

Apije/ mo tani arisa ’ka ’kokin mo dhali uni kun mii mii ma rum mo dhali uni gun ha’k ’pen c̱eŋ gwas mo dhali iman’kosha mee mo dhali imanluŋ tomp̱inycon mo dhali aris ’kwani ’baar ka ’deṯe/ ’deṯe/ mo, uni kun enina en thus mo dhali boṯki mii gi imanc̱i gwonthus mo.