IBRANIYIIN 13:21 - Uduk New Teatament and OT Portions

²¹ mmoṯe um ka ris to kun ’boroni ’baar mo ki um mini mii bwam piti mo, mmo/umkina a’di e um mo a’di jin ’bor a’di bwa mo e bwambori jis/em piti mo, eya Yesus Ḵrisṯẖos mo, e a’di jin mina monyca icil ki sule/ sule/ mo dhali ki sule/ sule/ mo. Amen.

IBRANIYIIN 13:21 Iomraidhean Croise

GWAY GI IDAWUU’D 138:8

Tap̱a a’di midi thim bwam piti yin jin ’boro’d gom aha/ mo. Mo/en pini jin ṯelu sho’k mo tani, ayy Tap̱a, a’di ’dimki ’kup̱ ki sule/ sule/ mo. Dhalku/ ki dhal miin to ki me’d pini ’pen mo.

MAṮṮA 12:50

Haali/ a’diyin jin mii bwa ma Ababam pem jin di’d e momis mo tani a’di ta’da akam pem mo dhali ’bwah pem mo dhali ata’dam pem mo be.

MAṮṮA 21:31

Jana ’peni bwam uni su/ gwansan jin miiki bwa gi com mo? Uni ki thoḵ a’di gwo mo ki: Jin ṯwa/a/ mo be. Dhala Yesus ki o uni gwo mo ki: Ka jiŋ gana/ aha/ ona um gwo mo ki, imantera thulp̱a/ dhali uni gun mii miinyc̱al mo tani mini ii nṯwa/a/ ki um mo e Bampa/ ma Arumgimis mo be.

MAṮṮA 28:20

Ṯori uni gwo mo ma, mmodhu aris gwo gwansan uni gun ḵankika/ um mo, dhali hili mo mo ma, aha/ mina nyaḵ di e um isa yempa/ mo ntagi yil gi mony’cesh yan midi di ’kup̱ mo be.

MAṮṮA 6:13

Dhalku/ ki sus am e mo jin palu mo e miinthus. Hili woṯẖi/ aman ’peni wathin thus mo ma.

MAṮṮA 7:21

Aris ’kwani ’baar mo ka ’deṯe/ ’deṯe/ kun o aha/ gwo mo ki: Tap̱a, Tap̱a mo tani mini ’koki cic̱ mo e Bampa/ gi Momis mo hili jasi a’di jin mii bwa ma Ababam pem jin di’d e momis mo be.

YOHAAN 17:23

Aha/ e uni mo dhali /e e aha/ mo ki uni minu gam is ki gam gana/ mmonṯal ’de/ mo, wakan ki ’kwaniny’cesh mini mish ki /e a’di ihashki aha/ mo dhali /e enki uni mo isi me’dyin jin enkina /e aha/ mo be.

YOHAAN 7:17

Waḵki/ wathiŋ kamu/ ona bwa ki mii bwam piti mo tani a’di midi mish mo mo waḵki/ gwo jin ṯoru ta jim ma Arumgimis mo walla waḵki/ aha/ ṯora gwo ki moshirr pem gana/ mo be.

RUUMIYA 11:36

Haali/ ’peni a’di mo dhali ki a’di mo dhali e a’di mo tani aris to ’baar ’kokin mo. Dhali e a’di mo tani dhalki monyca di’d ki sule/ sule/ ya ye ’ba/ mo. Amen.

RUUMIYA 16:27

Dhalki monyca di’d eya Arumgimis mo, a’di jin yuḵi’d a’din ’deŋ gana/ ki sule/ ki sule/ ya ye ’ba/ eya Yesus Ḵrisṯẖos mo. Amen.

KURINṮH̱UUS SU/ 9:8

Dhali Arumgimis mishi um ṯe mo ka ris mom’bor mii e mo jin isha to ka enthus mo be. Wakan ki um isa yempa/ takin gi to jin ’koshi jwa mo ’pena ris to ’baar mo dhali wakan si’da/ um mini ṯe aris mii gun ishin ka enthus goma ris miim ’borga/ mo be.

GALATHIYYA 1:5

E a’di mo tani imina monyca icil mo gom mo jin minu ’ko ki sule/ mo dhali ki sule/ ya ye ’ba/ mo be. Amen.

EP̱ASUS 2:10

Haali/ ana tana kuma ṯu’c piti mo kun uḵkunu mo eya Ḵrisṯẖos jin ta’da Yesus mo gom mii ma ṯuca ’borga/ mo, uni gun thosonkin ma Arumgimis nṯwa/a/ mo ki ana mina ’taki ii e uni mo be.

EP̱ASUS 2:18

Haali/ e a’di mo tani aman dhali um takina gi bway mo e Shi/ina ’de/ mo eya Baba mo be.

P̱ILIBBI 1:11

Mmo’tu’d mo ki maman gi mo ma ḵar/e jin p̱u’du’d ’pena Yesus Ḵrisṯẖos mo mmota monyca mo dhali momaŋ ma Arumgimis mo be.

P̱ILIBBI 2:11

dhala risa le’di ’baar mo mini pi gwo mo ka Yesus Ḵrisṯẖos ta Tap̱a mo gom monyca ma Arumgimis jin ta Com mo be.

P̱ILIBBI 2:13

Haali/ Arumgimis umki mii mo e um mo dhali ki bwa jin ta bwa mo dhali ki bwa ma ṯu’c jin ta bwam pitiŋ gana/ mo be.

P̱ILIBBI 4:13

Aha/ misha aris to ’baar mo mii mo e a’di jin ’bi’thki aha/ is mo be.

P̱ILIBBI 4:18

Hili aha/ bu’thkina to ’baar mo ki nyanye/ mo. Aha/ ’tu’dkunu mo mmobu’thkika/ to mo ’pena Abap̱rudiṯus mo, to gun p̱u’dkin mo ’peni um jin ta’da shim jin c̱inu jin ḵuyi mo ki ḵuy jin ta mo jin miikunuwa bas mo jin mishu bu’th mo mmo’bora Arumgimis bwa i is mo be.

KULUSSI 3:17

Dhali ma eya ris to gunn kun mina um imii mo tani e gwo gun ona um mo walla mii gun miina um mo tani miiyi aris to ’baar mo ki gway gi Tap̱a Yesus mo mmoc̱i mo jin ’boruwa ’bor bwa i is ka Arumgimis mo, a’di jin ta’da Baba e a’di mo be.

KULUSSI 3:20

Uc̱iya, hayi gwo gi icim e mo dhali gwo gi ikwan e mo goma ris to ’baar mo, haali/ mii yansan mo tani a’di ki ’bor Tap̱a bwa mo.

KULUSSI 4:12

Abap̱raas, a’di jin ta jan ṯal ’de/ ki is bum mo, jin ta’da manmii to goma Ḵrisṯẖos jin ta’da Yesus mo tani theki um me’d mo, isa yempa/ mmoka um e mo ka dun dara’d mo e mon’thom piti mo, ki um mini ’taki dosh mo me’d ku gi isin mo dhali mmomish mo ki isi mish gana/ ’baar mo a’di jin ta bwa ma Arumgimis mo be.

TASALUNIIKI ’DE 3:13

Wakan ki a’di midi ṯela dum bum sho’k mo ki dar gi mii kun ’koni ’ba/ mo e mii gun ḵogu mo ibwambor ma Arumgimis bana mo dhali Ababa mo ki p̱u’d jin mina Tap̱a Yesus bana p̱u’du/ mo nyaḵka ris unim piti kun dhelelkin mo be.

TASALUNIIKI ’DE 4:3

Haali/ a’di yansan ta bwa ma Arumgimis mo, ki um minu dhagam mo, ki um mini ’do is mo ’peni mo jin miinu miinyc̱al mo,

TASALUNIIKI ’DE 5:23

Dhalka Arumgimis jin ta moŋḵu’th is ki is piti mo dhagam um ka ’bimpil mo, dhali dhalki shi/in bum dhala ḵashiram bum dhali buŋgwar is bum minu dhu ki ’dantar mo dhali dar gi monthalkin mo gom p̱u’d jin mina Tap̱a Yesus Ḵrisṯẖos bana p̱u’du/ mo be.

TASALUNIIKI SU/ 2:17

dhalki a’di malaski’da dum bum mo dhali ṯel uni sho’k mo eya risa ṯuca ’borga/ mo dhali gwo mo be.

ṮIMUṮH̱AWUUS ’DE/ 1:17

Eya Maliḵ jin di’d ki she/ yil mo, jin midi mol wu mo, dhali jin molu mish ki e ga ’cesh mo, a’di jin ta’da Arumgimis mo jin di’d ’deŋ gana/ mo, a’di minu taḵ mo dhali kar ki ca mo goma sule/ mo dhali ki sule/ ya ye ’ba/ mo. Amen.

ṮIMUṮH̱AWUUS ’DE/ 5:10

Dhala yim minu mii o gwo maŋ mo gom miim ’borga/ ma yim mo me’d jan ’de/ jin thip̱ki uc̱i mo mmoṯor mii jin minu ta gu’b piti ŋal mo, mmolam uni kun dhunu ki she/ ki dhelel dhelel sho’k mo, mmowoṯẖa/ woṯẖ mo gom uni kun ṯoju ’kus mo, dhali is ma yim jin kara a’di ka gayiin mo mmomii mii kun ’boron eya ris ’twaŋkal kuku/ mo.

ṮIMUṮH̱AWUUS ’DE/ 6:16

a’di jin ta a’di ki is piti a’di ’de/ mo jin dar gi mo jin wunu mo dhali jin c̱a’bki’d mo e moŋkush jin molu ii ’kup̱ki cine/ mo, jin dina wathiŋ kamu/ ṯal ’de/ ki p̱ar e mo ki sule/ sule/ mo walla jin mola wathiŋ kamu/ p̱ar e ki sule/ mo be. E a’di mo tani montaḵ midi di mo dhali mo jin tanu tap̱a midi di ki sule/ sule/ ya ye ’ba/ moonnii. Amen.

ṮIMUṮH̱AWUUS SU/ 3:17

ki wathi/ ma Arumgimis minu ’taki thim mo, mmota ka ris to ’baar mo kun minu mii ta mo goma risa ṯuca ’borga/ ’baar ka ’deṯe/ ’deṯe/ mo be.

ṮIMUṮH̱AWUUS SU/ 4:18

Tap̱a a’di midi ye aha/ ’ba/ mo ’pena ris tonthus mo dhali ta aha/ is ki me’d mo gom bampa/ jin ta ji momis piti mo be. E a’di mo tani monyca midi di mo gom ki sule/ mo dhali ki sule/ ya ye ’ba/ mo be. Amen.

IBRANIYIIN 10:36

Haali/ um mini mii ta gi mo jin ’dimuwa ’dim ’kup̱ mo wakan ki um mini ’taki mii bwa ma Arumgimis mo dhali bu’th a’di jin okunu is mo.

IBRANIYIIN 12:23

dhali eya dhana tul isa kamu/ gom uni kun tana bwanyara/ mo, uni gun ’kwarkunu gway mo eya warka/ gi momis mo, dhali eya Mandwall gwo mo a’di jin ta’da Arumgimis gom ’kwani ’baar mo, dhali eya ris shi/in gi ’kwani kun tana ḵar/e mo kun dhunu ki ku gun iskin mo,

IBRANIYIIN 12:28

Wakan mo, dhalki ana tana gi mo jin ’boruwa ’bor bwa i is mo gom mmobu’th ’peŋkuman bampa/ jin molu yiḵin is mo dhali wakan dhalki ana c̱ina Arumgimis mo jin luŋuwa luŋ mo jin mishu bu’th mo ki mo jin tuḵuwa tuḵ mo dhali ki moŋḵo/ is mo.

IBRANIYIIN 13:16

Dhalku/ ki mii mii ma p̱inykin is mo mmomii mii kun ’boron mo dhali mmopwaḵ to bwa mo a’di jin tana um mo, haali/ ki to gi wakan kun ’ciṯẖuwa basa ’cesh mo tani a’di ’borki’da Arumgimis bwa mo be.

BUṮERUS ’DE/ 2:5

Dhali me’d wosh kun ’ko ki e mo tani tayi um ki is bum kun minu nyaŋ mo mmota gu’b gi to gi shi/in mo, mmota uni gun mii mii ma gasiis kun ḵogu mo, mmoc̱i to kun ’ciṯẖu/ ’kus mo kun ta gi shi/in mo kun mishu bu’th ka Arumgimis eya Yesus Ḵrisṯẖos mo be.

BUṮERUS ’DE/ 4:2

wakan mmo’ko mo gom mo jin boc̱o’d mo naskina/ e shuman is mo yisa mmodoḵ/e dhu e ki ’thir ’thir ki e gi ’kwani en’thi/ mo, hili ki bwa ma Arumgimis mo be.

BUṮERUS SU/ 3:18

Hili ’bap̱i um mo eya ’the mo dhali e monyiṯẖ Tap̱am bana mo dhali Amanwoṯẖ jin ta’da Yesus Ḵrisṯẖos mo. E a’di mo tani monyca midi di mo ’peni shwane/ mo dhali ntaga tee jin midi di ki sule/ sule/ ya ye ’ba/ mo. Amen.

YOHAAN ’DE/ 2:17

Dhali mony’cesh peki’d mo dhali mon’dap̱ em piti mo, hili a’di jin mii’d ki bwa ma Arumgimis mo tani a’di c̱a’bki’d ki sule/ sule/ ya ye ’ba/ mo be.

YOHAAN ’DE/ 3:22

Dhali ana bu’thkina ’peni a’di mo, ma to yin jin doṯkina ana a’di mo, haali/ ana ’kokina mo mmodhu gwoŋḵan piti kun ’kwarkunu mo dhali mmomii to jin ’bor a’di bwa mo be.

YAHUUSA 1:25

e a’di jin ta’da Arumgimis ’de/ mo tani Amanwoṯẖ bana e a’di jin ta’da Yesus Ḵrisṯẖos Tap̱am bana mo tani dhalki a’di a’di idi’d ki monyca mo dhali mmo/eḵa/ eḵ mo dhali mom’bi’th mo dhali moshirr jin di’di ṯwa/a/ ’baar mo dhali jin di’d shwane/ mo dhali jin midi di ki sule/ sule/ ya ye ’ba/ moonnii. Amen.

GWO JIN ’CEENU MO 4:6

Dhali mbwambor ma ḵursi ma maliḵ mo tani ḵumma/ yi’de/ diki’d jin wana e ka gasaas jin miiki’d ki ’bera/ ’bera/ mo. Dhali to/e kun ’kon ki e kun ’koni doŋon mo, uni ’kamkina ḵursi ma maliḵ is mo mmo’kama ḵursi ma maliḵ ’kup̱ ki eŋgwari lu/ mo, dhali mmosulkina e uni ka pije/ e ki bwambor mo dhali e kun ’ka uni ka bisaŋ’ko’d mo.

GWO JIN ’CEENU MO 5:13

Dhali aha/ ciḵkina ris to ’baar mo ka ’deṯe/ ’deṯe/ kun uḵkunu mo kun ’kon e momis mo dhali kun ’kon e mony’cesh mo dhali kun ’kon e bwaŋ’kwariny mony’cesh mo dhali e bwaŋ ḵumma/ yi’de/ mo dhali aris uni ’baar mo kun ’koni bwaman mo tani o gwo mo ki: E a’di jin c̱a’bki’da p̱owa ḵursi ma maliḵ mo dhali e Ari Ḵa’bal mo ki mom’bor mii midi di mo dhali montaḵ mo dhali monyca mo dhali mo/eḵ mo gom ki sule/ mo dhali ki sule/ mo.

GWO JIN ’CEENU MO 5:9

Dhali uni yuḵki gway this mo mmo/o gwo mo ki: /E a’di ta a’di jin ha me’d mo mmobu’th yiṯ yansan jin ’kuc̱u is mo dhali mmoḵa’da ’diŋkilam piti jin ’dap̱u a’di ’twa/ mo, haali/ /e ’koshkunu jwa mo, dhali ka bas pini mo tani /e wanki ’kwani ’ba/ mo goma Arumgimis mo ’peni arisa waḵ kun ’ko ’kwani e ki she/ ki she/ mo dhali ’peni aris ’twa/ kun wala ’kwani ki she/ ki she/ mo dhali ’peni ’kwani kun ’kona e ki she/ ’peni tiya mo dhali ’peni kal gi ’kwaniny’cesh/ mo