IBRANIYIIN 13:2 - Uduk New Teatament and OT Portions

² Dhalku/ ki mii mii ma p̱inykin is mo mmoṯor mii jin minu ta gu’b bum ŋal mo goma ris yilkina/ mo, haali/ gom mii gi wakan mo tani kun tiya suski iman’doyu gwo gu’b buni mo ki mii jin molkina uni uni mo be.

IBRANIYIIN 13:2 Iomraidhean Croise

ṮAKWIIN 18:1

Dhali Tap̱a piki a’di i is mo e ’ko’d gwar gi dhan cwa kun wana e ka ’kwaṯṯan ma Mamra mo me’d jin c̱a’bkina a’di eya campur gi gu’b burrinyem piti mo e mo jin ta mom’batha’d jin ’koshki to montee mo.

ṮAKWIIN 19:1

Iman’doyu gwo su/ gwansan p̱u’dkin mo e Pan Saduum mo e mom’pimpili/ mo. Dhala Luuth diki’d mo mmoc̱a’b ’pena ’cesh e ’twaŋkal gi Pan Saduum mo. Ki Luuth p̱arki uni e mo tani a’di cuki mis mo mmogam uni ’kup̱ mo dhali a’di kumki is piti mo ki bwam/em piti eya ’cesh mo.

MAṮṮA 25:35

Haali/ me’d jin ’kosha ṯe/ aha/ mo tani dhali um ki c̱i aha/ tonṯe/ mo. Dhali ki aha/ butha yi’de/ mo tani dhali um ki c̱i aha/ yi’de/ mmop̱i mo. Dhali ki aha/ yana ya yilkina/ mo tani dhali um hanki aha/ mo be.

MAṮṮA 25:40

Dhali aMaliḵ ki thoḵ uni gwo mo ki: Ka jiŋ gana/ aha/ ṯora um gwo mo ki: Me’d jin miina um a’di gom a’din ’deŋ kamu/ jin p̱isi’d mo ’peni ushi uni gwansan kun tana waḵ pem mo tani um miiki a’di gom aha/ mo be.

MAṮṮA 25:43

Dhali aha/ ka jiŋ gana/ yana ya yilkina/ mo tani dhali um ’koki han aha/ mo. Dhali aha/ dina is ’te/ mo tani um ’koki hi’th aha/ burrinye/ i is mo be. Dhali ki aha/ ’batha mo tani dhali di eya sijin mo tani um ’koki buṯi aha/ mo be.

MII GUN MIINU MO 16:15

Dhali a’di miikunu ki yi’de/ mo dhali ki kuŋ gu’b piti ilu/ mo tani a’di yuḵki am mo mmo/o gwo mo ki: Waḵki/ um nyiṯẖkin ki aha/ tana a’di jin ta isiŋ gana/ gom Tap̱a mo tani iiyu/ i gu’b pem mo ma dhali ’ko ise/ mo. Dhali a’di ṯu’cki am mo be.

RUUMIYA 12:13

Nyaḵi to kun minu ta mo gom imandhunu ki she/ mo. Boṯi ki mii jin mina ci ta gu’b bum ŋal mo ma.

RUUMIYA 16:23

Gayus a’di jin ta’da ’borim bwa gom aha/ mo dhali goma ḵaniisa ’baar mo tani theki um me’d mo. Arasṯus jin cila ’pem pan ton dhu mo dhali akam bana ka Ḵawarṯus theki um me’d mo be.

ṮIMUṮH̱AWUUS ’DE/ 3:2

Wathi/ gwanyjaḵa/ midi mii diki mii ta gi mii ’ba/ mo, dhali a’di midi mii ta ga ’bom jasi ’de/ mo, dhali a’di midi mii ta wathi/ jin min ma du ’tim mo, dhali a’di midi mii ḵu’th is ki ’cese/ ’cese/ mo dhali a’di midi mii diki lo’b is piti nycine/ mo, dhali a’di minu mii ta gu’b piti ŋal mo, dhali a’di midi mii ta gwocon ki gwocon mo mmoṯor gwo mo,

ṮIMUṮH̱AWUUS ’DE/ 5:10

Dhala yim minu mii o gwo maŋ mo gom miim ’borga/ ma yim mo me’d jan ’de/ jin thip̱ki uc̱i mo mmoṯor mii jin minu ta gu’b piti ŋal mo, mmolam uni kun dhunu ki she/ ki dhelel dhelel sho’k mo, mmowoṯẖa/ woṯẖ mo gom uni kun ṯoju ’kus mo, dhali is ma yim jin kara a’di ka gayiin mo mmomii mii kun ’boron eya ris ’twaŋkal kuku/ mo.

TIITHUS 1:8

Hili a’di minu mii ta gu’b piti ŋal mo, dhali a’di midi mii ta aman/en miim ’borga/ mo, dhali ta amanji is piti mo, dhali ta a’di jin kusha buye/ mo, dhali ta a’di jin dheleladhelel mo, dhali ta a’di jin mishi’da du ’tim ki is piti mo.

BUṮERUS ’DE/ 4:9

Boṯi ki mii jin minu ta gu’b bum ŋal mo ki dar ga gumgum ka rem ’kup̱ mo.

YOHAAN KWARA 1:5

/E jin enu mo, a’di ta’da ṯu’c isiŋ gana/ mo jin miikina /e ki /e mii to mo ma waḵ mo isi ki ji mum mo eya ris yilkina/ mo