IBRANIYIIN 13:16 - Uduk New Teatament and OT Portions

¹⁶ Dhalku/ ki mii mii ma p̱inykin is mo mmomii mii kun ’boron mo dhali mmopwaḵ to bwa mo a’di jin tana um mo, haali/ ki to gi wakan kun ’ciṯẖuwa basa ’cesh mo tani a’di ’borki’da Arumgimis bwa mo be.

IBRANIYIIN 13:16 Iomraidhean Croise

GWAY GI IDAWUU’D 37:3

Gami gwo is e Tap̱a mo, dhali miiyi ki ’bore/ mo. Wakan ki /e mini c̱a’b eya ’cesh mo, dhali ’kuny bwa mo gom mo jin mina /e c̱a’b ki ’dantar mo.

GWAY GI IDAWUU’D 51:19

Dhali yan’ko’d /e mina bwa ’kuny mo e to jin c̱inu ki me’d mo mmo’ciṯẖ ’kus jin ’boro’d mo, dhali e to jin c̱inu ki me’d mo mmoc̱i’th ki o’d mo dhali kun c̱ithu/ ki o’d ka ’bimpil mo, dhali yan’ko’d gwasimbip̱ uni minu ’ciṯẖ ’kus eya gwaṯam pini mo.

LUUKA 18:22

Dhali ka Yesus ciḵki a’di mo tani a’di ki o a’di gwo mo ki: Ton ṯal ’deŋ kamu/ di’d jin aṯẖa /e mo be. Yoli aris to gwansan kun tana /e mo ma dhali c̱iki uni gwansan kun hatha’ko’d mo dhali /e mini gam mo jin isha to ḵumma/ e momis mo dhali yayu/ mo dhali baṯẖaa/ isho’k mo.

MII GUN MIINU MO 10:38

Yesus gi Pa Naasira mmo’kosh ma Arumgimis a’di ki Shi/in Dheleladhelel mo dhali mom’bi’th si’da/ i’kup̱i a’di mo, tani, a’di jin maŋaski’d ki mis mo mmomii mii kun ’boron mo dhali mmowoṯẖa ris ’kwani kun ’kosh ma ruma ’cesh mo be, haali/ Arumgimis di’d e a’di mo.

MII GUN MIINU MO 9:36

Dhala manciḵ gwoŋ kamu/ diki’d e Pan Yaap̱a jin yuḵu ka Thabiiṯẖa jin ta gi ’pemen ki ’twam buni jin yuḵu ka Ghasaala mo. A’bom yan ’tu’du/ ka ṯuca ’borga/ mo dhali mii mii gom ’kwani gun hatha’ko’d mo kun miikina a’di to mo.

RUUMIYA 12:13

Nyaḵi to kun minu ta mo gom imandhunu ki she/ mo. Boṯi ki mii jin mina ci ta gu’b bum ŋal mo ma.

GALATHIYYA 6:10

Dhali wakan mo tani me’d jin takina ana ki embula ’borga/ mo tani dhalki ana miina miim ’boron e ’kwani ’baar mo dhali isi kan ki jim mum mo gom uni gwansan kun ’kokin eya ṯa/ gi moŋgam gwo is mo be.

GALATHIYYA 6:6

Dhalki a’di jin ṯoru gwo mo nyaḵka’da ris tom ’boron pwaḵ bwa mo ki a’di jin ṯorki gwo mo.

EP̱ASUS 4:28

Dhalku/ ki dhal a’din ’di/ bway mo mmodi mo mmoḵwal to mo, hili dhalki a’di dhal mii e i is mo mmomiiya ṯu’c mo, mmomiiya ṯu’c ki isi miim pa ki me’d piti mo, wakan ki a’di midi ’taki mish to c̱i mo gom uni gwansan kun mini mii ta gi to mo.

P̱ILIBBI 4:14

Bahili um miikin ki ’bore/ mo mmoc̱ina um to gom aha/ gom monṯo’c is pem mo be.

P̱ILIBBI 4:18

Hili aha/ bu’thkina to ’baar mo ki nyanye/ mo. Aha/ ’tu’dkunu mo mmobu’thkika/ to mo ’pena Abap̱rudiṯus mo, to gun p̱u’dkin mo ’peni um jin ta’da shim jin c̱inu jin ḵuyi mo ki ḵuy jin ta mo jin miikunuwa bas mo jin mishu bu’th mo mmo’bora Arumgimis bwa i is mo be.

TASALUNIIKI ’DE 5:15

Hili ki ’bore/ ki jan ṯal ’deŋ kamu/ ’peni bwam um midi diki raḵ tonthusi bway mo gom tonthus jin miinu mo, hili isa yempa/ simmi mii e mo mmomii miim ’boro’d ka rem ’kup̱ mo dhali gom ’kwani ’baar mo.

TASALUNIIKI SU/ 3:13

Iwaḵa, dhalku/ is ki wu e mo mmomii miim ’borga/ mo.

ṮIMUṮH̱AWUUS ’DE/ 6:18

Uni mini mii to ki ’bore/ mo mmota pa ki pa mo ki miim ’borga/ mo dhali mmoc̱i to ki nyanye/ ka ’ka’d me’di is mo.

P̱ILIMUUN 1:6

dhali aha/ ’thokina ki moŋgam gwo is pini jin pwaḵkunu /e mo midi um mo mmonyiṯẖa ris to kun ’boron mo kun ta kum bana mo eya Ḵrisṯẖos mo be.

IBRANIYIIN 6:10

Haali/ Arumgimis diki mola ḵar/e ta mo wakan mmoshampar miin tom bum ki e mo dhali mo/en jin ṯorkina um gom gway piti mo e miin to gun miikina um mo gom uni kun dhunu ki she/ ki dhelel dhelel mo, me’d mii gun ’kokina um mmomii a’di shwanesan mo.

YOHAAN KWARA 1:11

/E jin enu mo, dhalku/ ki baṯẖ tonthus mmomii mo ma, hili baṯẖi a’di jin ’boro’d mmomii mo. A’di jin mii tom ’boro’d mo tani a’di ’peni Arumgimis mo. A’di jin mii tonthus mo tani diki p̱ar Arumgimis e mo be.