IBRANIYIIN 13:1 - Uduk New Teatament and OT Portions

¹ Dhalki mo/en jin en ma waḵ ka rem ’kup̱ mo ṯikir di mo.

IBRANIYIIN 13:1 Iomraidhean Croise

GWAY GI IDAWUU’D 133:1

Hili mo mo ma, wa’di ’bora dhali bwaŋ ’kunyu’d wakata sa/ ki ’kwani kun ta ikam mmonyaḵ ’ko ki isa ṯal ’de/ mo.

YOHAAN 15:17

Gwo yansan ḵankika/ um mo ki um mini en ka rem ’kup̱ mo be.

MII GUN MIINU MO 2:1

Dhali ka cim Ḵamsiin p̱u’dki’d mo tani aris uni ’baar mo tulki is mo mmonṯal ’de/ mo.

MII GUN MIINU MO 4:32

Dhala waambuhany ’kwani ’peni bwam uni kun gam gwo is mo ’kon ka dun ṯal ’de/ mo dhali ki bwan ṯal ’de/ si’da/ mo. Dhali jamu/ yisa di’da i bwam uni jin o ki toŋ kamu/ ṯal ’de/ jin tana a’di mo tani ta jim piti ki is piti a’di ’de/ mo. Hili uni dhuna ris to ’baar mo imonṯal ’de/ mo.

GALATHIYYA 5:13

Haali/ um yuḵkunu mo mmo’ko ki ’kus mo iwaḵ mo. Dhali dhalku/ ki bu’th mom bum jin ’kona um ki ’kus mo mmota shi/ embula ’borga/ mo gom buŋgwar is mo. Hili e mo/en mo tani tayi imanmii to ka rem ’kup̱ mo ma.

GALATHIYYA 5:22

Hili maman gi Shi/in a’di ta mo/en mo dhali moŋ’kuny bwa mo dhali mo ma ḵu’th is mo dhali mombwa jin ’kuc̱u ki ’kari’th mo dhali mii jin tanu ki bwaŋkush mo, dhali mombwam ’borga/ mo dhali mombwa kun tanu ku isiŋ gana/ mo,

GALATHIYYA 5:6

Haali/ eya Ḵrisṯẖos jin ta’da Yesus mo walla e mo ma munyjal yis jin ’ciṯẖu/ mo walla e mo ma munyjal yis jin ’konuki ’ciṯẖ mo tani a’di midi mii toŋ kamuwa? Hili moŋgam gwo is mmomiina a’di to mo ki mii gi mo/en mo be.

EP̱ASUS 4:3

mmoganankina um ’ba/ mo mmohal mo jin gamu gwo me’d e Shi/in mo eya deḵ jin deḵu/ gi mo ma ḵu’th is mo.

EP̱ASUS 5:2

Dhali iiyi e mo/en mo me’da Ḵrisṯẖos enki ana mo dhali c̱i is pitiŋ gana/ mo gom ana mo mmota to jin ḵuyaḵuy mo jin c̱inu mo dhali jin ’ciṯẖu/ ’kus mo goma Arumgimis mo.

TASALUNIIKI SU/ 1:3

Am ḵara ba/ mina c̱i mo jin ’boruwa Arumgimis bwa i is mo isa yempa/ mo gom um mo iwaḵ mo, me’d jin gama a’di ki gam mo, haali/ moŋgam gwo is bum ’twaḵki’d ka enthus mo dhali mo/en bum ka ’deṯe/ ’deṯe/ mo gom mo/en jin ena um ka rem ’kup̱ mo a’di markunu is mo be.

IBRANIYIIN 10:24

Dhali dhalki ana si’da/ ’kona isi gwo i bwa mo, ma mo c̱i’th ci is ki mii ka rem ’kup̱ mo mmo/ena en mo dhali mmomii miim ’boron mo,

BUṮERUS ’DE/ 1:22

Mmodhelelkina um aḵashiram bum mo ki gwom bum jin hana um e mo e gwoŋ gana/ mo gom washila/ jin p̱iyi’d e um mo e mo/en mo gom iwaḵ mo, mmo/enkina uma en mo ki bwan dara’d mo ’pena duŋ gana/ mo.

BUṮERUS ’DE/ 2:17

Taḵi aris ’kwani ’baar mo. Eni iwaḵ bumi ’baar mo. Ḵoki Arumgimis mo. Taḵi imaliḵ mo.

BUṮERUS ’DE/ 3:8

Ḵwalany ’te/ be. Aris umi ’baar mo, tayi gi mo jin gamu gwo me’d e shi/in mo, dhali ḵoci e mo, dhali eni iwaḵ bum mo, dhali tayi ka duŋ ’ka’dga/ mo dhali bwa kun dhunu ki gwa’d mo.

BUṮERUS ’DE/ 4:8

Ap̱owa ris mii gwansani ’baar mo tani buthi/ mii ki ri’d mo mmo/ena en ka rem ’kup̱ mo jin diki ush me’d mo, haali/ mo/en a’di kumki’da ris miinthus kun dhukunu ka maḵamp̱o/ ’twa/a ’cesh mo.

BUṮERUS SU/ 1:7

dhali mii ma gayiin mo ki momish jin mishu ikam ka rem ’kup̱ mo, dhali mii jin mishu ikam ka rem ’kup̱ mo ki mo/en mo.

YOHAAN ’DE/ 3:23

Dhali yan ta gwoŋḵan piti jin ’kwarkunu mo ki ana mina gam gway gi Ya/ is mo jin ta’da Yesus Ḵrisṯẖos mo dhali mmo/en ka rem ’kup̱ mo me’d jin ḵankina a’di ana gwo mo be.

YOHAAN ’DE/ 4:20

Waḵka ciŋ kamu/ jin midi o gwo mo ki: Aha/ ena Arumgimis mo, dhali shi/a kam piti i e mo tani a’di ta’da ṯor mo, haali/ a’di jin diki ena kam piti mo tani a’di jin p̱arkina a’di e mo tani a’di mol ena Arumgimis mo ki a’di jin dina a’di ki p̱ar e mo be.

GWO JIN ’CEENU MO 2:4

Hili aha/ tana gi gwo yaase ap̱o/ /e mo haali/ /e dhalki mo/en jin ta jin ṯwa/a/ jin di’di /e ’pen mo.