IBRANIYIIN 12:9 - Uduk New Teatament and OT Portions

⁹ Ki gwo yansan jin ’ce’de’d ap̱o/ mo tani ana takina gi ibabam bana mo e mony’cesh mo mmoc̱i ana ajisa mmoye’th ana sho’k mo dhali ana taḵkina uni mo be. Dhali bunya/ mina ana ’koki ’dap̱ ’twa/ mo eya Babam bana gi ku gi shi/in mo dhali ’ko mowa?

IBRANIYIIN 12:9 Iomraidhean Croise

Mmo/ii ka Pije/ mo 20:12

Taḵi cim dhali kwan mo ma, ki yil pini jin dina /e ki e mo mini ta ris mo e mo jin min ma Arumimisi c̱iki /e mo be.

LUUKA 18:2

A’di ki o gwo mo ki: E ’peŋkuman bampaŋ kamu/ mo tani wathi/ diki’d mo jin ta’da mandwall gwo mo. A’di si’da/ jin diki ḵo/a Arumgimis mo walla diki taḵ ’kwani mo be.

LUUKA 18:4

Dhali hili ki a’di di’d mmo/ush mo tani hili yan’ko’d a’di ki o gwo ki is piti mo ki: Ba aha/ yisa ḵo/ka Arumgimis yisa walla taḵa ’kwani yisa

YOHAAN 3:6

C̱aan jin dhodhu ’peni buŋgwar is mo tani ta buŋgwar is mo dhali c̱aan jin dhodhu ’peni Shi/in mo tani a’di ta shi/in mo be.

MII GUN MIINU MO 2:30

Mmotana a’di amanc̱i gwo ma Arumgimis kadhamo/ mo tani dhali mmomisha a’di gwo jin on ma Arumgimis mmothul a’di me’da p̱o/ ki a’di midi kar emen pitiŋ kamu/ e ḵursin tap̱am piti mo tani

RUUMIYA 1:3

Isi/ ki gwo gom Ya/m piti mo jin ta’da Yesus Ḵrisṯẖos Tap̱am bana mo, a’di jin dho’thkunu mo ’peni emen ma Dawuu’d mo isi/ ka yi’c buŋgwar is mo.

RUUMIYA 9:3

Haali/ aha/ mina ’taki ṯoshi ki aha/ ki is pem minu jee is jwa mo dhali ’ciṯẖ ’twa/ ’pena Ḵrisṯẖos gom gway gi ikam pem gun tana bas pem ka yi’c mo.

RUUMIYA 9:5

E uni a’di icil ma idhana baba mo dhali ’pena yi’c buni isi ki buŋgwar is mo tani a’di nta’da Ḵrisṯẖos jin diki’da p̱o/ aris to ’baar mo, a’di jin ta’da Arumgimis jin ’boru mii ki sule/ sule/ ya ye ’ba/ nnii mo. Amen.

YAKUUB 4:10

Dhuyi is bum ki gwa’d mo ibwambori Tap̱a Arumgimis mo ma dhali a’di midi dhu um ki ca mo be.

YAKUUB 4:7

C̱i is bum wakan ka Arumgimis mo ma. Roc̱i tap̱a ma ruma ’cesh mo ma dhali a’di midi gus mo ’peni um mo be.

BUṮERUS ’DE/ 5:6

Wakan dhuyi is bum ki gwa’d mo e bwaŋ’kwariny me’d ma Arumgimis jin ta gi mom’bi’th mo, ki ka teeŋ gana/ yan mo tani a’di midi dhu um ki ca mo be.

GWO JIN ’CEENU MO 22:6

Dhali a’di ki o aha/ gwo mo ki: Gwo gwansan uni ta ku isiŋ gana/ mo dhali kuŋ gana/ mo. Dhali Tap̱a, jin ta’da Arumgimis mo gom shi/in gi imanc̱i gwo mo tani a’di hashki’da man’doyu gwom piti mo mmoṯor c̱iŋkinam piti to mo kun mini bu’th mo ki ’dishe/ mo.