IBRANIYIIN 12:3 - Uduk New Teatament and OT Portions

³ Nyiṯẖi/ a’di mo, a’di jin ’dimki ’kup̱ mo ’peni imanmii miinthus mo kun ta ’kup̱ ki ’kup̱ ki a’di kan ap̱o/ a’di mo, wakan ki um mini ’koki ca mo e mo jin wunu is e mo walla eya dum bum jin mina buye/ i’thi mo.

IBRANIYIIN 12:3 Iomraidhean Croise

MAṮṮA 11:19

Dhali Ya/ gi ’Kwani p̱u’dki’d mo dhali shwa to mo dhali p̱i to mo dhali uni o gwo mo ki: Hili mo mo ma. Amanshwana ṯe/ anyor mo dhali aman’kosh ma su mo, a’di jin ta’da mugu gi imantera thulp̱a/ mo dhali ’kwani kun ta imanmii miinthus mo. Hili moyuḵ a’di karu ka ḵar/e e mo ki mii ma yimi ’baar mo be.

MAṮṮA 12:24

Hili ki ’Kwani P̱arisiyiin ciḵki a’di mo tani uni o gwo mo ki: A’di ta jasi jim ma Baalsebuul mo jin ta tap̱a ma ruma ’cesh mo jin urkina wathi/ yansan arum thus ka pije/ mo.

MAṮṮA 15:2

Atinta dhaŋa imanciḵ /e gwo gwon dhamo/ jin luḵu ’peni ’kwani gwanyjaḵa/ mo? Haali/ uni ’koki ’thur me’d buni ki yi’de/ nṯwa/a/ ki uni ’koki shwa to mo.

MAṮṮA 21:23

Dhali ki a’di p̱u’dki’d mo e gu’b gi mondheleladhelel mo tani igasiis kun can dhali ’kwani gwanyjaḵa/ gi ’kwani mo, uni p̱u’dkini a’di mo me’d jin ṯorkina a’di gwo mo dhali o gwo mo ki: Ki moshirr jana sa/ mmiikina /e aris to gwansani ’baar mo kan? Dhali aja a’di ic̱iki /e moshirr yansan mo?

MAṮṮA 21:46

Hili ki uni palki mii mmobu’th a’di mo tani uni ḵo/kina waambuhany ’kwani mo haali/ uni karki a’di ka manc̱i gwo ma Arumgimis mo be.

MAṮṮA 22:15

Yan’ko’d ’Kwani P̱arisiyiin iikin mo dhali gam ’twa/ ’kup̱ mo mmocesh a’di ki gwo jin ona a’di mo be.

LUUKA 14:1

Dhali ka cim ma pesun ’deŋ kamu/ mo tani ki a’di yaki’d mo mmoshwa to mo e gu’b gi tap̱aŋ kamu/ mo ’peni ’Kwani P̱arisiyiin mo tani uni timki a’di mo be.

LUUKA 15:2

Dhali ’Kwani P̱arisiyiin dhali iman’kwar to mo uni miina gumgum mo mmo/o gwo mo ki: Wathi/ yansan a’di buthi imanmii miinthus mo dhali nyaḵ to shwa ki uni mo be.

LUUKA 16:14

Dhali ’Kwani P̱arisiyiin uni gun ta iman/ena guurush mo ki uni ciḵkina ris to gwansani ’baar mo tani dhali uni ’theḵki a’di shushi mis mo be.

LUUKA 2:34

Dhala Simaan ’bor uni mii mo dhali owa Mariyam jin ta kum gwo mo ki: Hili mo mo ma, a’ci yan karkunu mo gom ku gi ṯa’kkin mo dhali mmocu ’Kwani ma Israyiil ka ris mo, dhali gom jamas mii c̱aan jin okunu gwo mo ap̱o/ a’di mo tani

LUUKA 5:21

Dhali iman’kwar to dhali ’Kwani P̱arisiyiin ṯelki gwo ’pen mo mmodoṯ gwo mo ki: Wathi/ yan ta’da ja sa/ jin walki gwo sor kan mo? Kaja a’di mishi dhal ’kwani miinthus buni ’pen mo? Hili jasi Arumgimis a’di ’de/ mo be.

YOHAAN 10:20

’Kwanin tiya ka ris o gwo mo ki: A’di ta’d ga ruma ’cesh mo dhali a’di guski’da du mo. Atinta ciḵa um gwom piti mo?

YOHAAN 18:22

Ki a’di oki gwo gwansan mo tani jan ṯal ’de/ ’peni imanji mo mo jin doshki’d ki ’dishe/ mo tani dorki’da Yesus ki me’d piti mo dhali o gwo mo ki: Eeh. A/e thoḵkina gasiis jin ca’d gwo mo kana?

YOHAAN 5:16

Dhali gom mii yan kan mo tani a’di ṯoca ’Kwani Yahuuda/ aYesus ’kus mo haali/ a’di miiki mii yansan ka cim ma pesu/ mo be.

YOHAAN 7:12

Dhala dhana gumgum miikin ma waambuhany ’kwani mo gom a’di mo. Kun tiya o gwo mo ki: A’di ta wathi/ jin ’boro’d mo be. Dhali kun tiya o gwo mo ki: Yisa. A’di suski ’kwani mmodheres mo be.

YOHAAN 8:13

Dhali yan’ko’d ’Kwani P̱arisiyiin ki o a’di gwo mo ki: /E ṯori gwo ki is pini ba/. Gwom pini jin ṯora /e mo tani diki ta gwoŋ gana/ mo be.

YOHAAN 8:52

Dhali ’Kwani Yahuuda/ ki o a’di gwo mo ki: Shwane/ aman misha ki /e tana ga ruma ’cesh mo. Ibrahiim wuki’d mo ba/, me’d jin wukina imanc̱i gwo ma Arumgimis kadhamo/ mo dhali i/e a’di i/on ki: Waḵki/ wathi/ midi dhu gwom pem mo tani a’di midi diki nyoḵ wu ki sule/ mo be.

YOHAAN 8:59

Dhali wakan uni ’de’kki wosh mo dhali ’taki ’kosh a’di mo. Hila Yesus bagki is piti mo dhali ya ka pije/ mo ’peni gu’b gi mondheleladhelel mo be.

YOHAAN 9:40

’Kwani P̱arisiyiina tiya ’dishkin mo mmociḵ gwo jin ona a’di mo dhali uni ki o a’di gwo mo ki: A/am si’da/ de itana ja’da/ de?

KURINṮH̱UUS ’DE/ 15:58

Wakan um pem gun enka/ mo, kun tana waḵ mo tani ṯeli mo dhali tayi ku gi minu mol joc̱ mo dhali ’dap̱i ’twa/ mo isa yempa/ eya ṯu’c gi Tap̱a mo mmomisha um ki um ’koki miiya ṯu’c gi Tap̱a ki p̱e’th mo be.

KURINṮH̱UUS SU/ 4:1

Wakan, mmotana aman gi mii yansan mmomii mo ki momiimii ma Arumgimis mo tani aman yisa min ma dum bami ṯa’k ka luŋgu’b mo yisa.

KURINṮH̱UUS SU/ 4:16

Wakan aman mina ’koki biṯ bwa ka luŋgu’b mo. Ba buŋgwar isa dhamom bam a’di shigkunu is mo, hili isi bwamana dum bam mo tani a’di jin yosu ki yos yos isa yempa/ mo be.

GALATHIYYA 6:9

Dhali dhalki ana daḵa mii is jin wu e mo mmomii miim ’borga/ mo, haali/ ki she/ yil mo mo tani ana mina ’ciṯẖ to mo waḵki/ ana ’kona bwa ki biṯ ka luŋgu’b mo be.

TASALUNIIKI SU/ 3:13

Iwaḵa, dhalku/ is ki wu e mo mmomii miim ’borga/ mo.

IBRANIYIIN 12:2

mmohil ’kup̱ ka Yesus mo a’di jin ta’da ’kaŋ’kup̱ mo dhali a’di jin midi thim moŋgam gwo is bana mo, ma a’di gom moŋ’kuny bwa jin diki’da bori a’di mo tani a’di ’dimki ’kup̱ mo gom cwany’ciṯẖan dhul mo mmoruḵkina a’di mo jin ’thenu is mo dhali a’di c̱a’bki’d ki me’da bim poros ma ḵursi ma Arumgimis mo be.

IBRANIYIIN 12:5

A/dhali um ŋaki mo jin malasu um mo jin yuḵkunu um ki iya/ mowa? mmo/o gwo mo ki: Ya/m pem dhalku/ ki halip̱a jisa jin yedha Tap̱a /e sho’k mo walla dhalku/ ki sul mo jin ’bidhu /e adu is mo ki /e c̱inuwa jisa ki a’di mo.

IBRANIYIIN 3:1

Wakan iwaḵ kun ḵogu mo, um gun pwaḵkunu to gi momis mo ka yuḵ jin yuḵu mo, mmoḵwo’c jasi eya Yesus mo, a’di jin karkunu ki she/ mo dhali ta’da gasiis jin ca’d mo gom gwom bana jin pikina ana mo.

BUṮERUS ’DE/ 2:23

Ki a’di sorkunu mo tani a’di diki raḵa sori bway mo. Ki a’di ’koshkina is ka nyor mo tani a’di diki shwaa ’cesh ki sho’k mo. Hili a’di gamki a’di gwo is mo, a’di jin ta’da mandwall gwo mo jin ta’da ḵar/e mo.

GWO JIN ’CEENU MO 2:3

Aha/ misha ki /e ’dimki ’kup̱ mo ki bwa jin ’kuc̱a /e ki ’kari’th mo dhali ḵal mo jin ’koshu is ka nyor mo gom gway pem mo dhali /e yisa cakin mo e mowu is eya.